UNHCR Malaysia le World Bank hna nih Malaysia ralzam hna nuncan Khuasaknak he pehtlai in timhlamhnak he hlathlainak an tuah cuahmah lio a si tiah thawng thanh kan in duh hna. Hi riantuan awk i timhlamhnak ahhin hlathlainak tuahnak zawng telh chih a si. Malaysia rammi hna le ralzam hna nuncan khuasak tintuknak he tahchunh in konglam hlathlai tuah hi i timh mi cu a si. Hi hlathlainak tuahnak thawng hin, Malaysia Ralzam le dornak-a kawl liomi hna kong he pehtlai in, phunglam si ning le caansuaitu hna caah tthat hnemnak a chuahpi tu a si lai tiah ruahchannak kan ngei.
UNHCR nih hlathlainak a tuah mi khawmhsuat tu ding le a bawmchan tu diangah IPSOS he pehtlainak a tuah ii phone chawnhnak le hlathlainak tiin dot (2) in an tuah lai. Hi theihternak nih hin ralzam le dornak- a kawl liomi cu hlathlainak tuah dingah nai tel khawhnak dingah timh ciamman in thimmi na si lo hmanh ah, IPSOS nih an chawnh khawh timi theihternak a si.
Phone in Chawnhnak
- IPSOS aiawhtu pakhatkhat tiangin phone chawnh na tong kho ii, na si ning theih khawhnak ding caah bia phunphun an hal lai.
- Na si nak theihfian na si le cang ka in, pumpak in hlathlainak tuahnak ah tel, na hnatlak le tlak lo, hal na si lai. Na hna a tlak ko a si ahcun, IPSOS nih na caah hmunhma ai remnak le a caan remnak ni ah nangmah he tawn nak ding ni-caan pek na si lai.
- Hlathlai tuahnak ah tel na duh lo nak kong , IPSOS hna sin ah na theihter hna a si ah cun,hlathlainak tuahnak ni le can pek le biahalnak tuah na si lai lo.
UNHCR nihcun hi hlathlainak tuahnak hi mah lungtho tein tuah ter an duh mi a si caah nai tel lo zawngah, zeihmanh biapipa a si lo tiah theihter an duh. Hi hlathlainak na tuah lo ruangah nangmah pumpak na case hmailei a kalnak kong he pehtlai in le na case kong ah zeihmanh lungretheihnak a um lonak ding UNHCR nih theihter an duh.
Hlathlainak
- Phone chawnh lio ah hlathlainak tuahnak ah i tel ve na hna tlak ko a si ahcun. IPSOS nih na caah hmunhma ai remnak le a caan remnak ni ah nangmah he tawn nak ding ni-caan pek na si lai.
- HLATHLAINAK TUAH LIO AH: IPSOS i tuanvo ngeitu hna nih an in ton hna lai i, a ho setdah an si timi kha theihternak an i tuah lai. Cun hi hlathlainak ah an i telnak tette cahnah/catlap an in pek hna lai. Cu hnu ah, IPSOS nih hlathlainak a tuahnak kong he pehtlai in ai tinhmi an fianh lai ii, nai tel duhnak hnatlaknak kha an hal ta lai.
- Na hnatlakpi a si ahcun, IPSOS nih na caan minutes 90 hrawnghrang caan rau in hlathlainak an in tuah lai.
IPSOS cu konglam khawmh suattu dingah UNHCR nih a thimmi, za a longmi company pakhat a si caah, nangmah pumpak case kong he pehtlai in biahalnak na tuah zawng ah zeihmanh chimh khawhmi an ngei lai lo.
Pehtlaihnak:
Hi riantuannak he pehtlai in bia hal na duhmi le lungretheihnak na ngeih ahcun, Zaangfahnak in hi email MY-PA-Survey.Roma@ipsos.com a si lo le Phone number +603 2289 3000. ahhin pehtlaihnak na tuah khawh.
