Phaisa 50-100 nan ka pek ahcun UNHCR card, UNHCR catlap kan pek hna lai, cun ram thumnak lei kalnak ca kan tialpiak hna lai tiah Facebook ah mihlen hmangmi an um tiah UNHCR nih thawngpang kan don. UNHCR card asiloah catlap hmuh a duh mi paoh nih nan pumpak konglam vialte WhatsApp le Viber number ah rak kan kua u tiah Facebook ah ca tampi tial in an hal hna. Hi mihlen hmangmi hna nih hin Butterworth, Penang, Kampung Cheras Baru le Kuala Lumpur hna ah rian kan ttuan tiah an chim.
Mahhi hi a hrokhrawlmi khuakhannak a si. Mahhi bantuk minung hna hi UNHCR he pehtlaihnak a ngei lomi an si i, UNHCR card/catlap peknak nawl asiloah pek khawhnak a ngeimi an si lo. UNHCR riantuannak paohpaoh cu phaisa fangkhat hmanh liam a haumi a si lo. Zungluhnak kongah siseh, Ralzam Cohlannak Biachahnak (RSD) kongah siseh, ram thumnak lei kalnak kongah siseh, cun zeidangdang kongah siseh UNHCR zung ah riantuantu asiloah midang mi zeihmanh phaisa pek a ngah lo.
Zeitik hmanh ah UNHCR nih phaisa an in hal lai lo. UNHCR card/catlap hmuhnak ding caah siseh, UNHCR he pehtlai in zeidang kong tawlrelnak kongah siseh kan in bawmh khawh tiah phaisa an hal mi hna cu i ralring hna. Nangmah na konglam le na pumnak sining kha hi bantuk mi hrokhrawl sin i chim chin dingah i ralring.
UNHCR riantuannak (UNCHR card/catlap, zungluhnak, RSD, ram thumnak lei kalnak le a dangdang) kongah phaisa na ka pek ahcun kan bawmh khawh tiah a chimmi na theih hna ahcun, hika ah na report lai:
- Palik sinah
- Mahhi form hmang in UNHCR sinah
Hibantuk phaisa halnak kong he pehtlai in lunghrinhmi na ngeih i UNHCR ah report na tuah ruangah na UNHCR card chuh na si lai lo, na case zong a fumhter lai lo i na case zong phihpiak na si lai lo.
UNHCR riantuan ningcang le bawmhnak kong hna ah tamdeuh theih na duh ahcun Refugee MAalsyai website ah hin zoh le rel khawh a si.