UNHCR Malaysia he ton a duhmi paoh nih cun i ton dingmi ni caan hal hmasa a herh.
UNHCR card asiloah UNHCR nih pekmi catlap a ngei cangmi hna cu zung rat ni caan hal hmasa an herh lo. Zung rat ni caan hal hmasa loin hi bantuk kongah UNHCR ah an ra kho:
- Nau chuakka benh duh tikah.
- Card thlaumi thawngthanh tikah
- Card asiloah catlap tharchuah than (renew) duh tikah.
Mahhi link Refugee Malaysia website hmang in pumpak in UNHCR he ton a duhmi hna nih 2 Decmeber 2019, Cawn nikhat nithok in online in ni caan hal khawh a si.
Mahhi UNHCR Malaysia website thar hi hniksaknak tuah liomi a si i, ralzam hna nih an herhmi huhphenhnak le i bawmhchanhnak lei riantuannak konglam hna an herhmi thawngpang kha caan raulo te ah an rel khawh zau lai. Mahhi website riantuanmi a hmasa bik pakhat cu online in zung rat ni caan hal khawhnak a si lai.
Atu lioah cun website link hi Mirangca lawngin tial a si rih. Hmailei caan raulo te ah holh phundangdang hna zong kan telh khawh naklai rian kan tuah liopi a si.
Halnak kuatmi paoh cu UNHCR nih a tawlrel dih lai. Asinain,UNHCR nih hin nikhat ah email a zaza in a don caah calehnak na hmuh colh lo sual a si ahcun lungsau tein na hngah lai.
I ton dingmi ni caan halnak voikhat na kuat cang hnu cun zaangfahnak tein a dang kua than ti hlah, zeicatiah zung he nan i ton dingmi ni caan khiahpiak dingmi kha a tlaiter khawh.