3 August 2020 ah Johor Outreach Community Centre (JOCC) cu on a si tiah UNHCR nih lunglawm tein thawng kan in thanh hna. Thawngpang hlathlai le catlap asiloah card tharchuah (renew) duh tikah peng dangah a ummi ralzam le dornak a sawk liomi hna nih lamhlatpi in Kuala Lumpur ah a ummi UNHCR zung an ratnak le an dihmi phaisa tibantuk an harsatnak tawlrel piaknak ding caah UNHCR nih a zuampiakmi hna a si i, a ttuanhawi a simi NGO Cahaya Surya Bakti he hmunkhat ah kutsih in an ttuantimi a si.
Kempas, Johor ah a ummi a si i, mahhi Centre hi NGO riantuan hawi a simi Cahaya Surya Bakti (CSB) nih UNHCR he hmunkhat ah kutsih in a tawlrel lai. JOCC hi UNHCR Zung a si lo ti kha nan rak theih naklai zaangfah kan in nawl hna.
Johor ah a ummi ralzam le dornak a sawk liomi hna an catlap asiloah an card tharchuahnak ding caah mahhi Centre rak fuhpanh dingin JOCC nih pehtlaihnak a tuah hna lai. Zung rat ding ni caan (appointment) pek in a si lai. Zung rat ding ni caan pek loin JOCC a rak fuhpanhmi hna cu kirter colh an si lai.
A tanglei ahhin JOCC konglam rak zoh ve:
- Umnak hmunhma: No. 38, Jalan Kempas Utama 2/4, 81300 Johor Bahru.
- Pehtlaihnak number: 07-5547432, 07-5547631.
- Riantuan caan: 8.30 am-4.30 pm (zung rat ding ni caan pekmi lanwg).
- Zung on ni: Pathian ni in Cawn nili ni tiang(zung rat ding ni caan pekmi lawng).