Ogosór 3 tarík, 2020’r dín, Johór or Outreach Community Centre (baçít, JOCC) ré kúlóonor elan gorí faredde yíanor uore UNHCR kúci óiye. Fuáñijja NGO, ‘Cahaya Surya Bakti’ lói miliyoré, e outreach centre yián oildé, oinno prene ókkol ót tákede refují ar sáara tuwoiya ókkol, zaráttú, lamba sófor góri, Kuala Lumpurot aséde, UNHCR or Nomaindar Ofísót, thaim-e-thaim-e habosfonna ókkol bodholi bélla ar hóbora-hóbori zani bélla aá fóre, tarár hóssa-bíssa ar mockil ókkol muká-múki goré de yían ór, hól góribár kucíc ókkol ór ekkán híssa.
Johóror Kempas ót aséde Centre yián óre, UNHCR re fuáñijja NGO, Cahaya Surya Bakti ( baçít, CSB ) hoó de híballoi miliyoré soóñli zaibou. Mehérbanigorí, monot raikkóode ki, JOCC hoó de yían, UNHCR’or, ekkán baárór field ofís noó.
JOCC ye, Johórot tákede refúji eddé sáara tuwoiya ókkol óre habosfonna bodholi bellá, e Centre or uzu aibellá, cúru góri zugazuk gorí zaibou. Yián siríf appointment (yáni, din-tarík) doonor oure gorá zaibode. JOCC’r uzu din-tarík sáraa aiyéde hítararé, héhon-héhon wapes zaiboóillá aros gorá zaibou.
Mehérbanigorí, JOCC’r baabote, nisor hóborgún tuwái soó:
- Thíkana oil de: No.38, Jalan Kempas Utama 2/4, 81300 Johor Bahru
- Zugazukor Fún Nombór oil de: 07-5547432, 07-5547631
- Salu táiboude thaim oil de: beínna 8:30 bázet tú lóti, házoinna 5:30 báze faán ( Siríf din-tarík lói).
- Kúla táiboude din ókkol oil de: Rooibar óttu Bicíb bar fáan (Siríf din-tarík lói).
