UNHCR he pehtlaihnak ngei bantukin aa umter i ningcang loin phaisa kawl aa timmi an um tiah UNHCR nih thawngpang kan don. Hi bantuk cawlcanghnak hna hi an kan dirkamhtu le a kan bawmchantu hna nan sinah siseh zapi nan sinah siseh ralringte le fimkhur tein um dingin theihter kan in duh hna.
UNHCR nih phungning tein phaisa kawlnak a tuahmi zeitindah na theih khawhning a si lai?
- Kanmah caah phaisa kawltu hna hi dawr (mall) ah siseh lamcung ah siseh na hmuh khawh hna. UNHCR aiawh in phaisa kawltu hna nih cun l UNHCR nih a hmanmi tazeih (UNHCR logo) a cuangmi angki banbul lenglang in hmuh khawh dingin an i hruk lai i, riantuantu sinak hmelchuhnak tazeih (identification badge)le kanmah he riantuanti hawi a sinak pumpak konglam tialpiakmi ca hna aa ken chih lai. Cazual phawt dingmi asiloah cauk pantete (pamphlet) hna telh in UNHCR konglam tialmi le phaisa kawlnak thilri hna zong an i ken chih lai. Lunghrinhnak na ngeih hna ahcun phungning tein phaisa kawltu si tak le si taklo na theih khawhnak hna ding caah UNHCR na chawnh khawh.
- Kanmah caah phaisa kawltu hna nih cun zeitikhmanhah nangmah minung pumpak in anmah kut cungah asiloah email/cakuat (text message) in phaisa pek ding an in hal bal lai lo. A himmi credit card fiamthiamnak hmangin credit card le debit card in bawmhnak phaisa vialte hi pek an si.
- UNHCR in lunghrinhmi email asiloah cakuat na don ahcun thil dik theih khawhnak dingah zaangfahnak tein rak kan pehtlai colh. Mangmah na pumpak konglam pe hlah. Asiloah email asiloah cakuat na donmi kha zumh awktlak asile silo naa fian lo ahcun phaisa siseh bawmhnak siseh zeibantuk hmanh pe hlah.
- Lunghrinhmi cawlcanghnak na hmuh i mah cu cawlcanghnak cu a hmaan takmi a si maw silo tiah na theih khawhnak ding asiloah report pek nak caah +(603) 2773 2828 ahhin phone chawn asiloah donormalaysia@unhcr.org ahhin email kua
Nuncan ziaza tha lomi cawlcanghnak le ningcang loin mihlennak tuahsernak hna cu UNHCR nih zeitihmanh in ngaihthiam khawhnak phungphai a ngei lo ti hi na theih lai. United Nations/UNHCR Malaysia min asiloah logo te hna nawlpeknak tel loin hman, asiloah hi bantuk a diklomi thil hna tuah dingin khuakhan hi phung nih a onh lomi a si. Hi bantuk ningcang loin cawlcanghnak hna cu ningcangte le aa tlak ningin tawlrel le a zizutnak ding caah tuanvo ngeitu hna sin ah thawngthanh ding a si lai.