Zungluhnak kong ah siseh, asiloah ram thumnak kalnak kong he pehtlai in nangmah awiawh in nawlnak cakuat ding ah na pengtlang mi hna telh in mi zeihmanh phaisa pe hna hlah, ca zong kuatter hna hlah. Zungluhnak nicaan halnak caah Refugee Malaysia website ah a ummi New Registration Request form kha hmang ko. Nawlngeitu hna nih mizeidah na si tiah hal na ton sual tik i piah dingah zungluhnak na sawk lio i an in pekmi reference number kha i chinchiah. Nan sining hal kan ton tikah kan caah leh a fawizaang deuh lai. Rian kan tuan khawhning zat tuak in zung rat nicaan hi pek a si lai. UNHCR nih papek in a taktak in i tawlrelnak caah le a dang tuah lo awk tha lomi riantuannak caah hihi nih a bawmh lai.
Ralzam cohlannak biachahnak (RSD) caah nawlnak catialmi le case on thannak caah nawlnak cakuat hna cu mlsursd@unhcr.org ah email in kuat ding a si lai.