Na fa min cazin khumhnak

Naute chuak ka a ngeimi na si ahcun, Malay holh in (JPN) Jabatan Pendaftaran Negara Zung, tiah theihmi Cozah Min-cazin Khumhnak Zung khuachungmi an zung paoh ah na fate caah a chuahnak let-hmat na lak khawh. Naute a chuah hnu ni 60 chungah hitibantuk hin na tuah a si ahcun NRD ah man pek a hau lai lo. A si nain ni 60 khawh hnu ah na tuah a si ahcun na tlai man, a man liam ter na si lai.

A dot 1 nak: Nau chuak Cazin Khumhnak Form

Rammi zung a umnak a simi rammi min-cazin khumhnak zung (NRD) ah a si lo le Na fa te a chuahnak siizung ah sohlua na lak lai.

A dot 2 nak: Rammi Min-cazin Khumhnak Zung ah va kal

Cahnah/catlap a herhmi vialte kha i ken hna law (NRD) Rammi Min-cazin Khumhnak Zung ahhin rak kal. A tanglei langhtermi hna hi, na ken a herhmi cu an si:

  • Nangmah taktak na sinak tette (UNHCR cards a si lo le zung luhnak ding na hrangah ruah piak cuahmah lio na si tinak cahnah/catlap (UNHCR Catlap) / community (Bu tlang) cards / passports) – original le copy
  • UNHCR ah min ai khumh cangmi nu le pa caah, zaangfahnak in nan UNHCR card a si lo le UNHCR (catlap) kha NRD ah rak i ken chih. Passport a nung liomi ai tlaihmi na si ahcun, zaangfahnak in na passport ah ai tial ningte khan NRD ah rak pe. Philh lo ding in i chiah ding caah na fa chuahnak lehhmat ahkhan na passport chung i na konglam ai tial mi ning te khan na khumh lai. Na passport konglam na chuah kehnak ram ah chimh/phuan piak na si lai lo. Na UNHCR kad ni thla a dih ruangah na fa chuahnak let-hmat na lak khawh lo a si ahcun, UNHCR kad a thar na lak hnu ah na umnak he ai neihnak bik hmun NRD zung teng nge ah na kal than kho ko.
  • Hringtu nu le pa i thitumhnak ca asiloah i tthennak ca (nan ngieh a si ahcun) – orginal le copy
    Na theih ding cu NRD nih hin Malaysian biaknak lei nawl ngeitu nih chuahpiakmi thit uhnak lehhmat le a dang zung phungning in nawl ngeitu hna nih phung ning tein an cohlan mi i thit umhnak lehhmat lawng a co hlan. Community (Bu tlaung) thit umhnak let-hmat hi NRD nih cun a co hlang lo. Muslim na si ii phungning tein i thit umhnak let-hmat na ngeih lo a si ahcun, a nu min lawng an khumh lai ii, na fa chuahnak lehhmat ah na min an khumh chih lai lo. Muslim a si lo mi hna ca bel-te ah, phungning tein thit umhnak lehhmat an ngeih lo zawngah a fa chuahnak lehhmat ah a pa min khumh khawh a si.
  • Na fate kha inn ah a chuakmi a si ahcun nau chuaknak kongah siizung nih pekmi ca, asiloah palik nih pekmi report ca – original
  • nua chuah min khumhnak lethmat sohlua form – original le copy kha a za piin phi dih.
  • Nau ngeih hlan-pekmi cauk i check-nak cauk (Nu le ngandamnak chek hlatnak cauk) a si lo le ni caan peknak card – original
  • Thit umhnak a tuah lomi Muslim a si lomi nan si ahcun nan fa caah khan hringtu a pa ka si ko a timi nih hringtu a nu he min nan thut lai. Cu ti nan tuah lo ahcun nan nau chuak cazin ah hringtu a pa konglam telh chih a si lai lo
  • Nau min cazin pek a tlaimi hna caah JPN website ahhin cahnah/catlap a herhmi i ken dingmi thawng tam deuh kan theih khawhnak hnga rak zoh uh.. Holh leh ciami AM 80 le BMK 81 forms cu hi ka zawn ahhin nan hmuh khawh (i zohchunh ding ca lawngah).

Reminder : NRD zung tengnge na kal tikah na tawnmi thil a um sual a si ahcun UNHCR ah maw nangmah na bu tlang (community) ah, na tawnmi thil si ning tein ( zeidah cang, zei tik lio ah, khoika NRD zung tengnge ah dah a si) timi na chimh hna lai. a si khawh a si ahcun , thil a ummi he aa tlak mi a konglam a si lo le a hmanthlak na telh chih lai.

Theih ternak

v

Malay-holh a thiammi

A si khawh ahcun Malay holh a thiammi nih mahhi tuahnak ahhin in bawm kho hna sehlaw a tha tiah ruahnak pek kan in duh.

Thong inn ah a chuakmi

A nu thong chung a um lio ah fa a hrin a si ahcun, Nu le Nau te hi nawl ngeitu lah-wahkah zoh khenhnak tangah an um caah, Nawl ngei tu Lah-wah-kah thong inn tuanvo ngei tu hna nih a fa te chuahnak let-hmat a ngah khawhnak ding a bawmh lai.

Cazin Khumh ning

Hringtu nu le pa, phungning tein a zohkhenhtu, a silo-ah ngakchia chuahnak kongah theihngalhnak a ngeimi hna nih a herhmi caa an i ken ahcun nauchuak cazin va lak khawh a si.

Rammi Min-cazin Khumhnak Zung (NRD) Umnak Hmun

NRD zung umnak hmun paoh ah na kal kho hi ka zawn ahhin hmet. Kuala Lumpur ah a ummi na si ahcun hika zungah hin va kal law ti kan in duhpiak:

NRD/JPN Jalan Duta
Bangunan Kerajaan Jalan Duta
(Kompleks Kerajaan Tuanku Abdul Halim)
Publika Dutamas, 1, Jalan Dutamas, Solaris Dutamas
50480 Kuala Lumpur

Rammi Min-cazin Khumhnak Zung ah, Nau chuahnak lethmat laknak ningcang a kal ning hngalh na duh ah cun Vidios in Malay, Mi raang , holh le a dang holh in hi ka zawn ahhin na zoh khawh.

Na UNHCR File Ah Nau Khumh Ningcang

UNHCR ah min khumh cangmi na si ii, Nau chuak kaa mi caah nau chuahnak let-hmat na lak cang/ a si lo ah a bawm chantu tette cahnah/catlap na lak cang a si ahcun, Family Composition Change form ahhin phi law, nua chuahnak let-hmat le/ a si lo ah a bawmchan tu ding tette cahnah/catlap hna kha zaangfahnak in rak khumh.

Vawlei cung i chawnh khawhmi COVID-19 caan lio a si ca ah, UNHCR nih zungrat a phih. Zaangfahnak in zung rat ni caan pek oin UNHCR ah rak ra hlah uh. Family Composition Change form ah hin zung rat ni caan tu rak sawk u law, zaang fahnakin UNHCR nih zung rat ni caan an pek mi tu kha rak hngak ko uh.