Na Fa Minkhumhnak

Fate a ngei kami na si ahcun na fanu asiloah na fapa kha a min na khumh hrimhrim a herh i cozah zung a simi National Registration Department (NRD) ah nauchuak cazin na lakpiak a herh. Na fa a chuah in ni 60 chungah na nauchuak cazin na lak a si ahcun NRD ah cazin lak man pek a hau lo. Nain, ni 60 hnu ah nauchuak cazin na lak a si ahcun na tlai ruangah phaisa lak khawh na si.

A dot 1 nak: Nauchuak Cazin Khumhnak Form La

Na fa a chuahnak siizung asiloah National Registration Department (NRD) ah sohhlua na lak lai

A dot 2 nak: National Registration Department ah va kal

Form phit dih cangmi le a herhmi ca vialte i ken in National Registration Department (NRD) ah na va kal lai.

National Registration Department caah zohchun dingmi

Na fa a chuaknak kongah kha National Registration Department ah min khumh nakding caah a tlanglei bantukin na tuah a herh:

  • Identity documents (UNHCR cards / community cards / passports) – original le copies
  • Hringtu nulepa i thitumhnak ca asiloah i tthennak ca (nan ngieh a si ahcun) – orginal le copy
  • Na fate kha inn ah a chuakmi a si ahcun nauchuaknak kongah siizung nih pekmi ca, asiloah palik nih pek report ca – original
  • Nauchuak cazin khumhnak form phitmi – original le copy
  • Naupawi lioah siikhan i piahnak cauk (hringtu a nu aa piaknak cauk) – original
  • Thitumhnak a tuahlomi Muslim a si lomi nan si ahcun nan fa caah khan hringtu a pa ka si ko a timi nih hringtu a nu he min nan thut lai. Cuti nan tuah lo ahcun nan nauchuak cazin ah hringtu a pa konglam telh chih a si lai lo

Theihternak

v

Malay-holh a thiammi

A si khawh ahcun Malay holh a thiammi nih mahhi tuahnak ahhin in bawm kho hna sehlaw a tha tiah ruahnak pek kan in duh.

Thonginn ah a chuakmi

Hringtu a nu thong a tlak lioah nau a ngeih a si ahcun, hringtu a nu le a fate kha an pahnih in Lah-wah-kah (immigration) nawlngeitu hna hrennak tangah a ummi an si caah thonginn ah tuanvo ngeitu immigration nawlngeitu nih ngakchia te hi thonginn ah a chuakmi si timi le nauchuak lehhmah laknak kongah an bawmh hna awk a si.

Cazin Khumhning

Hringtu nulepa, phungning tein a zohkhenhtu, asiloah ngakchia chuahnak kongah theihngalhnak a ngeimi hna nih a herhmi ca an i ken ahcun nauchuak cazin va lak khawh a si.

National Registration Department (NRD) Umnak Hmun

Hika langhtermi hnun ahhin na va kal kho. Kuala Lumpur ah a ummi na si ahcun hika zungah hin va kal law kan in duhpiak:

NRD/JPN Jalan Duta
Bangunan Kerajaan Jalan Duta
(Kompleks Kerajaan Tuanku Abdul Halim)
Publika Dutamas, 1, Jalan Dutamas, Solaris Dutamas
50480 Kuala Lumpur

National Registration Department (NRD) ah nauchuak cazin lak ningcang video in hmuhsaknak zong hi zoh khawh a si.

Na UNHCR File Ah Na Fate Khumh Ningcang

UNHCR zung lut cangmi na si i, na fate caah nauchuak cazin na ngeih cang asiloah a dang ca hna na ngeih cang a si ahcun Family Composition Change Form kha na phit lai i a fate chuahnak cazin na lakmi asiloah a dang ca a hehrmi na ngeihmi kha copy tuah lawah upload khawh a si.

COVID-19 ruangah zung rat nicaan pek lo cun UNHCR ah rat khawh a si lo. Cucaah, Family Composition Change Form tu kha na phit lai zung rat nicaan hal khawh a si.

Zung na rat ding nicaan UNHCR nih an in chawnh dingmi kha lungsau tein rak hngak asiloah Registration Hotline +6017-614 380 ahhin Cawn nikhat ni in Cawn ninga ni zinglei 8 in zanlei 4 ah na chawnh khawh.