A hrawkhrolmi khuakhannak hna sin in I ralring

UNHCR nih lih le hrokhrol, eihmaurnak, a si lo ah mah karkalak huihnak paoh cu a ngaithiam kho lo.

UNHCR le a rian tuanti hawi le hna nih soknak form le rian an pekmi vialte cu man pek hau loin a si. zungluh Cazin khumhnak le hmunhma thlennak ram thumnak lei kalnak caah, asiloah na case kha rang deuh in tawlrel khawhnak caah tangka na pek kho lai lo. Zeibantuk UNHCR asiloah partner services caah tangka pek dingin an in halmi ahohmanh asiloah bu pakhatkhat kha zum hna hlah.

Min Cazin khumhnak, hmunhma thlennak ramthumnak lei kalnak, Phaisa lei asiloah a dang bawmhnak phun, UNHCR cazin hlennak le tangka asiloah bawmhnak dangdang caah a hmaan lomi halnak an in pek khawhmi mifir pawl kha ralring tein um. Hi pekchanhnak hna hi nangmah pumpak in asiloah social media in, Facebook, Telegram, WhatsApp, Viber, Instagram, YouTube, asiloah a dangdang telh in na sinah tuah khawh a si. UNHCR he pehtlaihnak kan ngei tiah an in zumhter khawh nakhnga thawngpang an in hmuhsak men lai. Annih cu zum hna hlah u.

Cu bantuk a hmaan lomi biakamnak a tuahtu hna nih na dirhmun kha caanṭha an lak. Zeiti a si hmanh ah hrial hna. Na pumpak konglam zuarnak in na tangka asiloah hlawknak an fir men lai.

Phaisa man in UNHCR nih an in pekmi rian paohpaoh cu hlennak a si. Nangmah sin in tangka asiloah a dang bawmhnak phunkhat, nupa sualnak he aa pehtlaimi telh in, an in hal ahcun, hika i online form hmangin UNHCR sinah, UNHCR hawi pakhatkhat sin ah, cun a pawng ummi palik zung ah a rannak in na thanh awk a si.

Malaysia upadi ningin lih le hrokhrol cu sualnak a si. Na pawng bik palik zung ah na kal khawh i hlennak kong na thanh khawh. Hlennak kong na thanh lio ah na hmuh khawhmi tehte vialte kha lak.

Lih hrawkhrol report na tuah ruang ahhin a caan tlaiter a si lo ah na UNHCR case caah zeihmanh a hnursuang lai lo.

Lih hrawkhrawl le eihmuarnak

Lih le hrawkhrol cu UNHCR a riantuan ti hawi hna le a si lo ah ralzam hna sinah miaknak hmuh khawhnak caah timh ciamman in hlen, a si lo ah thuh nawhnak telh in a dik lo in kong chimnak, a si lo ah thil tuahmi hrelh hna hi an si.

A dang party cawlcanghnak ah aa tlak lo ningin man a ngei mi thil poah ( Ding teomao tein a si loah a vel in vel) in hal , pekchanh, hmuhnak a si loah fak piin halnak hna hi Eihmuarnak ti mi cu a si.

Lih-Hlennak timi cu a tlangpi in pumpak asiloah tangka hmuhnak caah dinfel lonak ziaza aa tel. Eihmuarnak cu hlennak pek asiloah hmuh asiloah aa tlak lomi ṭhatnak phun dangdang kha a si.

Hlennak le Eihmuarnak kong tam deuh theih na duh ahcun, Hlennak le Eihmuarnak cahmai kha zoh.

Ralzam hna cungah lih in hlennak le eihmuarnak tahchunhnak

Mah si ning lih le hrawkhrol chimnak timi cu mi pakhat nih mi dang min le konglam hmangin UNHCR luh a si lo ah mi pakhat nih a min a si lo ah ai cenken khawhnak ding caah konglam a dik lo mi chim hi a si. Midang UNHCR zungluh mincazin khumhnak catlap kha a mah ta bantukin hman in zung rian tuanpiaknak caah a si loah hmai lei phung ning tein a kal khawhnak ding caah mi pakhat bantuk in i umternak hna ai telchih.

Chungkhar dirhmun hlennak ah a herh lomi hlawknak hmuhnak ding caah chungkhar dirhmun taktak asiloah chungkhar chung i pehtlaihnak kong lihchim aa tel. Mah nih hin chungkhar pehtlaihnak kong a hmaan lomi chimmi cung ah hram bunh in case chungin mi pakhatkhat chap asiloah hloh aa tel kho. Tahchunhnak ah, hawikom hna nih case pakhatkhat ah mi pakhatkhat chap awkah unau kan si tiah lih in an i ti men lai, asiloah mi pakhat nih an case ah amah fapa bantukin a farnu pakhat kha a chap men lai.

Card/catlap hlennak ah a hmaan lomi asiloah hlenmi card/catlap pawl kha a hmaanmi bantukah langhter aa tel. Mah ah hin cazin dihlak ser, phungning tein cazin thlen, asiloah a hmaan lomi UNHCR card/catlap hman tibantuk hngalhternak ca, UC catlap, zung rat ni caan peknak cazin, asiloah sii lei cahnah hna aa tel kho.

Mah karkalak huihnak timhtuahnak nih hin UNHCR asiloah a hawikom hna, hmunhma thlennak ram hna telh in, a hleiin pehtlaihnak asiloah pehtlaihnak kan ngei tiah a hmaan lomi in a chimmi le zungluh min cazin, cazin, hmunhma thlennak ramthum lei kalnak, asiloah UNHCR kalning dangdang caah phaisa a halmi hna kha aa tel. Hmannak timhtuahnak cu UNHCR asiloah hawikom riantuantu bantuk in aa hlenmi pumpak hna nih pumpak in an tuah khawh, asiloah online / social media hmangin (tahchunhnak ah, Facebook ah mi pakhatkhat nih hmun pakhatkhat ah min cazin khumh dingin bia a kamh hna i man pek in UNHCR cazin pek dingin bia a kamh hna, asiloah WhatsApp thawngthanhnak in UNHCR/ riantuan hawi riantuantu bantuk in aa hlenmi hmanthlak asiloah aw-thawng hna, UNHCR kalning caah pumpak pakhat cio kha phaisa pek dingin a hal hna.

Ziknawh timi cu UNHCR riantuantu hna sin ah tangka a si loah hnatlak pinak caah riantuan piak khi a si i a thami biachah piaknak a si lo ah rang taktak riantuanpiaknak tuahpiaknak caah ai telmi a si.

Ai pehtlaimi theihternak

Hrawkhrol khuakhannak in i ralring : UNHCR ah ka tuan tiah ai ti mi nu (08 February 2023)
Hrawkhrol khuakhannak in i ralring: Butlang hruitu upa (15 February 2023)
Iralring : Facebook in Zungluhnak le Ramthumnak lei kalnak ah hlenhmangmi (16 March 2023)
Hrawkhrol khuakhannak in i ralring: Osman, Michael a si loah Bo Bo Selai tiah min an tuahmi (28 September 2023)
Hrawkhraol khuakhannak in i ralring: Rohingya YouTuber (04 December 2023)
Devdass a si loah Davadass Anjan tiah theihmi pa (22 December 2023)

Lih le hrawkhrol- dohnak Videos

Mobile Apps tiangin Mi hlen hmang hna nih Aw in kuatnak

Mobile apps hmangin UNHCR he pehtlaihnak ka ngei tiah aw in cakuat le a man na ka pek ahcun zung luhnak le ramthumnak lei kalnak kan in bawmh lai an ti tu hna tiangin i ralring,

Mi hlengtu hna nih Mobile Apps hmangin bia ruahnak

Mobile apps hmangin UNHCR he pehtlaihnak ka ngei tiah i chim in bia ruahnak an tuahtu hna tiangin le mi pumpak pakhat kong hal in a man na ka pek ahcun zung luhnak le ramthumnak lei kalnak kan in bawmh lai an ti tu hna tiangin i ralring,

Mi hlen hmang hna nih lih le hrawkhrol a si mi UNHCR Websites / Apps an tuahnak

Zung lunak le ram thumnak lei kalnak dingah a man na kan pek ahcun kan in bawmh lai tiah mi pakhat tiangin mi pumpak konglam a kawl tu, lih le hrawkhrol in tuahmi UNHCR websites/app tiangin i ral ring.

UNHCR he a fekmi pektlaihnak ka ngei tiah a titu, Bu tlang hruaitu hna

UNHCR he a fekmi pektlaihnak ka ngei tiah ai chim i Zung luhnak le ram thumnak lei kal nak ah a man na ka pek ahcun kan bawmh khawh lai tiah an titu hna Bu tlang hruaitu tiangin i ral ring.

UNHCR riantuanmi bantukin ai um termi mi hlen hmang hna

UNHCR riantuanmi bantukin ai um termi nih Zung luhnak le ram thumnak lei kalnak ding ah man na ka pek ahcun kan bawmh khawh lai an ti tu tiangin i ral ring.