Nu pakhat nih UNHCR i zung luhnak (registration) le Ram thumnak lei kalnak tawlrelnak (resettlement Unit) ah riantuantu pakhat ka si tiah ai chim. Hi nu nih hin ralzam hna kha WhatsApp hmang in pehtlaihnak a tuah hna i an UNHCR card/ catlap a hal hna, cun zung rat nicaan (appointment), zung luh nicaan le ram thumnak lei kalnak biahalnak (interview) phi ding in le zung luhnak le ram thumnak lei kalnak biahalnak (interview) phitnak caah RM 300-500 a hal hna. Mah cu mihleng hmang nu nih cun UNHCR ah report nan ka tuah ahcun nan UNHCR i card/catlap hi cancel piak nan si lai i nan case hi phih piak nan si lai tiah a chawnhmi hna paoh a ti hna. A chim rihmi cu UNHCR ah riantuantu pakhat ka si caah report nan ka tuah zongah ka cung ah zeibatuk harsatnak hmanh a tlung lai lo tiah a ti rih hna.
Mahhi hi a hrokhrawlmi khuakhannak a si. Hi bantuk minung hi UNHCR ah rian a tuan lomi an si. UNHCR riantuannak paohpaoh cu man pek a hau lomi a si. Zung luhnak kong ah siseh, Ralzam Cohlannak Biachahnak (RSD) kong ah siseh, cun a dangdang kong ah siseh UNHCR ah riantuantu aho hmanh phaisa pek a ngah lo.
UNHCR ah biahalnak (interview) pakhatkhat phitnak ah siseh, asiloah ram thumnak lei lanhnak kong ah siseh minung pakhatkhat nih UNHCR ah a hleice in pehtlaihnak ka ngei tiah phaisa an hal sual ahcun kha bantuk minung kha i ralring. Nangmah nan konglam le na pumnak sining kha hi bantuk mi hrokhrawl sin i chim chin dingah i ralring.
Zeitinhmanhah UNHCR nih na bank account number hmangin midang in sin phaisa va kuat dingin an in hal bal lai lo. Ralzam cungah phaisa hal a hmangmi UNHCR riantuantu hna cu an rian dinhter colh an si loah cun palik sin ah report colh an si lai.
Hibantuk phaisa halnak kong he pehtlai in lunghrinhmi na ngeih i UNHCR ah report na tuah ruangah na UNHCR card chuh na si lai lo, na case zong a fumhter lai lo i na case zong phihpiak na si lai lo.
Hi bantuk minung nih UNHCR ah riantuantu ka si tiin zung luhnak interview, RSD, Ram thumnak lei lanh kong asiloah a dandang kongah) kan bawmh khawh lai tiah an chawnh i phaisa an hal ahcun phone an chawnhmi kha that law rianrang in hika ah report pe colh:
- Palik sinah
- Mahhi form hmang in UNHCR sinah
UNHCR i tawlrelnak kong le bawmhchanhnak kong ah tamdeuh in na theih khawhnak ding caah Refugee Malaysia website ah rak zoh te.
