UNHCR Minkhumna leh Khuasak nading mun vaihawmsak kikna panmun ah nasem hi-ing aki ci nupi khat tawhkisai thupuak bawlna lai UNHCR te’n ngahkhin hi ung. Tua nupinu in gaaltaai-gambeelte WhatsApp pan in hopih in khuasak nading mun vaihawmsak kikna leh minkhumna tawhkisai kamdotnate, niciam-piaknate, UNHCR laikung laidal thupite ading sep le bawlsak man dingin, Bank account khat sungah Rm300-500 kikal athun nading un ngen hi. Amah tawh kisai thupuak akibawl aleh thupuak abawl mimalsimte ii UNHCR laikung laidal thupite kiphiatsak ding a, athu alate zong kikhakcip ding cih theisak hi. Tuabek thamlo in amah pen UNHCR ah nasem ahihman in, ama tungah thu bangmah pianglo ding hi ci-in gen beh lai hi.
Hih thupen khemna khat ahi hi. Hih mi pen UNHCR ah nasem hilo hi. UNHCR ii hongsepsak khempeuh man piak kullo hi. Minkhumna, Gaaltaai-gambeel Dinmun Khentelna, Khuasak nading mun Vaihawmsak kikna, ahihkeileh adang deihna khat peuhpeuh tawh na thu navai hong kisepsak nading in UNHCR zum nasem ahi a, mimal khat peuhpeuh tungah manh piathei lo hiteh.
Na khatpeuh ngahtheih nading a, sum kipiakna tawh kamdotna hong kisap nading ahihkeileh khuasak nading mun hong kivaihawmsak theih nading in UNHCR tawh atuam vilvel kizopna nei in hong huh thei ing aci, mite kiang pan kidawm un. Tua mite tungah atheihhuai nathu nalate hawmkhia kei in.
UNHCR te in bank account nambat ah sumthun ding hong ngen ngeilo ding uh hi. Gaaltaai-gambeelte kiangpan sum laakna ah akihel UNHCR zumnasem akuamapeuh a nasep kitawpsak dinga palikte kiangah thupuak bawl ngah ding hi.
Muanmawhhuai gamtatnate tawh kisai thupuak UNHCR ah nabawlna hangin na UNHCR card hong ki phiatsak lo dinga, nathu nala zekaai ahihkeileh hong ki khaksak lo ding hi.
UNHCR te ii hong sepsaknate ahi (Minkhumna, RSD Gaaltaai-gambeel Dinmun Khentelna, Khuasak nading mun vaihawmsak kikna) cihte sep le bawlsak nading tawhkisai hong huh thei ing ci in, sum hong ngen mikhat peuh in hong hopih aleh, phone khiapah inla hih thu thupuak bawl in:
- Palikte kiangah
- Hih siauhna lai zangin UNHCR ah
UNHCR te ii nasep silbawlziate leh panpih huhna tawhkisai na theihbeh nop aleh Refugee Malaysia website ah sim in.
