UNHCR tawh atuam vilvel mimal kizopna nei ing aki ci kipawlna makai khat ii thu tawhkisai thupuakna laite UNHCR lampan in ngahkhin hita ung. A tua mipen in Canada, Australia leh United Kingdom gamte akihel adang gamte ah khuasak nading vaihawmsak kikna tawhkisai nasepnate, Gaaltaai-gambeel Dinmun Khentelna (RSD) manlang tak a hong kisepsak theih nading ci-in gaaltaai-gambeelte kiangpan sum ngen hi.
Hih thupen khemna khat ahi hi. UNHCR ii hongsepsak khempeuh man piak kullo hi. Minkhumna, Gaaltaai-gambeel Dinmun Khentelna, Khuasak nading mun Vaihawmsak kikna, ahihkeileh adang deihna khat peuhpeuh tawh na thu navai hong kisepsak nading in UNHCR zum nasem ahi a, mimal khat peuhpeuh tungah manh piathei lo hiteh.
Na khatpeuh ngahtheih nading a, sum kipiakna tawh Canada, Australia, United Kingdom ahihkeileh adang gam khat peuhpeuh khuasak nading mun hong kivaihawmsak theih nading in UNHCR tawh atuam vilvel kizopna nei ing hong huh thei ing aci, mi khat peuhpeuhte kiang pan kidawm un. Na kitheihpih ngeiloh mimalte khatpeuh kiangah atheihhuai nathu nalate hawm sawn kei in.
UNHCR te ii sep le bawlsak nate tungtang ah gaaltaai-gambeelte leh gambeel-asiaulaite huh in na panpihna dingin kipawlna makaite’n sum ahihkeileh sepsak bawlsak man ding na khatpeuh na san ding uh UNHCR in kong phal kei uh hi.
UNHCR laikung laidal thupite, kamdotnate, niciam-piaknate ahihkeileh khuasak nading vaihawmsak kikna ading in gaaltaai-gambeelte tungpan, sep le bawlsak man ding na khat peuh ahihkeileh sum don ding kipawlna makaite leh kipawlnate tungah UNHCR in ngen ngeilo ding hi.
UNHCR te ii sep le bawlsak nate tungtang ah sep leh bawlsak man dingin na khatpeuh ahihkeileh sum, gaaltaai-gambeelte tungpan asang kipawlna makai ahihkeileh kipawlna sungah akihel akuamapeuh pen UNHCR in ama ii panmun vaipuak laakna pan in tawpsak ding hi.
Muanmawhhuai gamtatnate tawh kisai thupuak UNHCR ah nabawlna hangin na UNHCR card hong ki phiatsak lo dinga, nathu nala zekaai ahihkeileh hong ki khaksak lo ding hi.
UNHCR hong sepsaknate ahi (Minkhumna, RSD Gaaltaai-gambeel Dinmun Khentelna, Khuasak nading mun vaihawmsak kikna) cihte sep le bawlsak nading tawhkisai in hong huh thei ing ci a, mimal khat peuh in hong hopih aleh hih thupuak bawl ding:
- Palikte kiangah
- Hih siauhna lai zangin UNHCR ah
UNHCR te ii nasep silbawlziate leh panpih huhna tawhkisai na theihbeh nop aleh Refugee Malaysia website ah sim in.
