A UNHCR laikung-laidalthupite ahi (card ahihkeileh Ngaihsut leh bawlsaklaina laidal) te uh amansuah Gaaltaaite leh gambeel-asiaute in Gaaltaai Malaysia tunga hih siauhnalai pan in a mansak uh laikung laidalthupite thupuak abawl ding uh UNHCR in deisakna tawh hong phawksak uh hi.
Amang UNHCR laikung-laidalthupite ading in palikte kiangah thupuak bawlna lai lakhamtang ding cih thukhun omlo a hihlam hehpihna tawh na phawk un. (Gaaltaai) Refugee Malaysia website ah na mansuah uh na laikung-laidal thupite tawthkisai thupuak bawl in na aap khit uh, kha khat sungin UNHCR zum ah pai a amang na laikung-laidalthupite taanga khat na ngahkik theih nading un niciamna leh hunsehna apia ding in UNHCR te in hong hopih ding uh hi. Na laikung-laidalthupi khatvei sang atamzaw na mansuah aleh, dikmah manmah hi cih theihpihna laidal copy bek na ngah ding hi.
(Gaaltaai) Refugee Malaysia wibsite ah na mansuah laikung-laidalte tawhkisai thupuak bawlna na aapkhit ciangin mailam ah tua thupuak nabawl ciapteh theih nading in kizawpna nambat pen hehpihna tawh ciamteh in. Hehpihna tawh wibsite siauhnalai ah aapna bawl kik kik kei in, tuadan hihna in nasepna te hong vaikai sak thei zaw hi. Ei a, ahilo zuaukhemna tawh UNHCR laikung-laidalthupi hong ki piakna tawhkisai akizawp thu khat peuhpeuh aom leh tua zuaukhemna thu hangin thusitna nathuak thei ding hi.
Na mansuah laikung-laidalthupi tawhkisai in palikte kiang thupuak bawlna lai na neihloh zenzen hangin, tua amang pen taang dinga laikung/laidal thupi khat na ngah ding hi. Nang kepding in palik thupuak na bawl nop aleh palikte hongdot thute aman hopsawn natawh na panpih ding kisam hi. Azenzen in na thupuakna aman kei leh Malaysia thukhun palsatna hi a, tua mawhna dan dingin kha guk pan atungsiah thongkia ding ahihkeileh RM 2000 liau ding ahihkeileh anih tuak a gap na ngah thei hi. Thukham palsatna tawhkisai thu khat peuh ah UNHCR in pailai hong sepsak lo ding hi.