Na Fa Benh Ningcang

Nauchuahnak lehhmah Birth Certificate lakning le na UNHCR file ah na ngeihkami na fa benhning.

NA FA BENH/MIN KHUMH NING CANG?

Fa ngei kami na si ahcun na fate kha nangmah na file chung i benh/ khumh khawhnak ding caah nauchuahnak lehhmanh (Birth Certificate) na va lakpiak lai. Na fa a chuahka in ni 60 chungah nauchuahnak lehhmah na lakpiak ahcun a man um lai lo. Ni 60 a luan hnu i na nauchuahnak lehhmah na lak ahcun a man hal na si lai.

Dot 1 nak: Nau chuakka cazin khumhnak ca (form) na lak lai.

Na fa a chuahnak siizung asiloah Malaysia rammi Hmatpungtin Zung (NRD) a simi ‘Jabatan Pendaftaran Negara’(JPN),ah sohhlua na lak lai.

A dot 2 nak: Sohhlua na phit ciami le a herhmi ca dang hna naa ken lai i Jabatan Pendaftaran Negara (JRN) ah na kal lai.

Na fate min cazin khumhnak ding caah a herhmi naa ken dingmi hna cu:

Sinak fiantertu le a langhtertu ca hna: UNHCRC card/ community card/ passport- Original le copy hna;
Thitumhnak lehhmah, nulepa i tthennak lehhmah (na ngeih ahcun) original le copy hna;
Na fa hi siizung ah a chuakmi a si ahcun siizung ah a chuakmi a si tiah an ttialmi ca, inn ah a chuakmi a si ahcun inn ah a chuakmi a si tiah palik nih an ttialmi original ca;
Nau chuakka cazin khumhnak sohhlua original le (https://www.jpn.gov.my/wp-content/uploads/2014/07/jpnlm01.pdf, chimhmi awhpiak ca lawngah)
(Nau nan pawi lio i siikhaan ah nan rak i piah tawnnak) original cauk
Aa tthi-um rih lo (puai a tuah rih lo) nain fa a ngeimi nan si i Muslim nan si lo ahcun ngakchia i hringtu a nu le ngakchia i a pa ka si ko a timi nih hmunkhat ah min nan thut lai. Cuti hmunkhat i min nan thut tti lo ahcun nau chuahnak lehhmah (birth certificate) ah hringtu a pa konglam telh a si lai lo.

A si khawh ahcun Malay holh a thiammi nih mahhi tuahnak ahhin in bawm kho hna sehlaw a tha tiah ruahnak pek kan in duh.

Hringtu a nu thong a tlak lioah nau a ngeih a si ahcun, hringtu a nu le a fate kha an pahnih in Lah-wah-kah (immigration) nawlngeitu hna hrennak tangah a ummi an si caah thonginn ah tuanvo ngeitu immigration nawlngeitu nih ngakchia te hi thonginn ah a chuakmi si timi le nauchuak lehhmah laknak kongah an bawmh hna awk a si.

A ho nihdah a tuah khoh?

Hringtu nulepa, phungning tein zohkhenhtu asiloah nauchuahnak ah theihhngalhnak a ngeimi nih a herhmi ca an i ken ko ahcun nau chuakka min cazin khumhnak an tuah khawh.

Khoika dah Hmatpungtin Tuahnak (JRN) Zung cu a um?

Hika cazin chung i a ummi zung paoh ah na kal kho: https://www.jpn.gov.my/alamat-cawangan/

Kuala Lumpur khuachung ah na tuah khawh ding a si ahcun, hika zung ahhin va kal law tiah kan in duhpiak:

NRD/JPN Jalan Duta
Bangunan Kerajaan Jalan Duta (Kompleks Kerajaan Tuanku Abdul Halim
Publika Dutamas, 1, Jalan Dutamas, Solaris Dutamas,
50480 Kuala Lumpur

Fa chuakka Na file chungah benh/minkhumh ning?
UNHCR ah min ai khumh cangmi na si ahcun, UNHCR na file ah na fa chuakka na benh khoh.

A dot 1 nak: Na chungchuak fa a si hrim tiah fehternak lethmat ( birth certificate) la

Na fa-sem cazin chung khumhnak ah A cunglei a dot dot in kan langhter bantuk hin voikhat na zulh ahcun na fasem chuahnak certifacat na ngah lai I UNHCR file ah , na khumh khoh lai.

A dot 2 nak: UNHCR zung ah rak ra

UNHCR zung Ratni caan pek loin pumpak in rak khawh a si lai lo, nain na fasem benhnak ding a si ahcun mah ti ning hin a ngah lai. Hi timtuannak ning te hin Cawn nikhat ni le Ni nga ni Nazi 8: am in 11am karlak ahhi na fa he zung ah nan rat i kho. Na fa sem chuahnak certicate le UNHCR cahnah catlap, n arak I ken lai.

THEIHDING: A tu lio caan COVID-19, ahhin UNHCR nih zung chungah luh a sianh rih lo. Rat ni caan pek loin UNHCR zungah zaangfahnak in rak ra hlah. Chungkhar chuahpi benhnak kong a si ahcun, zaangfahnak in minkhumnak Hotline at 017-614 3810 ahhin rak chawn. zing 8.00 am in zan lei 4.00 pm, Nikhat ni in Ni nga ni tiang.