ယူအင်အက်ခ်ျစီအာတွင်မှတ်ပုံတင်ရန် မကြာခဏ မေးလေ့ရှိသောမေးခွန်းများ

ယူအန်အိတ်ခ်ျစီအာရ်သည် ၂၀၁၉ ခုနှစ်အတွင်း သို့မဟုတ် မတိုင်မီ လျှောက်ခဲ့သော မှတ်ပုံတင်ရန်တောင်းဆိုချက်များ၊ အထူးသဖြင့် ထိခိုက်လွယ်သော ပုဂ္ဂိုလ်များကို ဦးစားပေးလုပ်ဆောင်နေပါသည်။ ထိခိုက်လွယ်သော ပုဂ္ဂိုလ်များတွင် ဥပမာ၊ အမျိုးသမီးများ၊ ကလေးသူငယ်များ၊ သက်ကြီးရွယ်အိုများ၊ ပြင်းထန်သော ကျန်းမာရေးအခြေအနေများနှင့် မသန်စွမ်းသူများ၊ ဖမ်းဆီးခံရဖွယ် သို့မဟုတ် ပြည်နှင်ဒဏ်ခံရနိုင်ဖွယ် အန္တရာယ်များနှင့် ရင်ဆိုင်နေရသောသူများ ပါဝင်သည်။ ကလေးသူငယ်များ၊ သက်ကြီးရွယ်အိုများ၊ အမျိုးသမီးများ သို့မဟုတ် ကိုယ်ဝန်ဆောင် အမျိုးသမီးများအားလုံးကို ကာကွယ်စောင့်ရှောက်ရန်လိုအပ်သူများဟု လုံးလုံးမယူဆကြောင်းလည်း ကျေးဇူးပြု၍ သတိပြုပါ။ အကယ်၍ သူတို့သည် ပိုမိုမြင့်မားသောကာကွယ်မှုလိုအပ်သောအန္တရာယ်များနှင့် ရင်ဆိုင်ရမှသာလျှင် သို့မဟုတ် ထပ်မံတိကျသောလိုအပ်ချက်များရှိမှသာလျှင်၊ သူ/သူမအား အမြန်မှတ်ပုံတင်ပေးရန်အတွက် ထည့်သွင်းစဉ်းစားပေးခြင်း ခံရပါလိမ့်သည်။

ကျေးဇူးပြု၍ သက်ဆိုင်ရာ ရရှိနိုင်သောစာရွက်စာတန်းများဖြစ်သည့် နိုင်ငံကူးလက်မှတ်၊ အထောက်အထားမှတ်ပုံတင်စာရွက်များ၊ လက်ထပ်စာချူပ်၊ မွေးစာရင်း၊ ဆေးရုံစာရွက်စာတမ်းများ၊ မိသားစုသန်းခေါင်စာရင်း သို့မဟုတ် အမျိုးသားမှတ်ပုံတင်စာရွက်စာတမ်း၊ စစ်မှုထမ်းစာအုပ်ငယ်များနှင့် အခြား ယူအန်အိတ်ခ်ျစီအာရ် နှင့်/သို့မဟုတ် ယူအန်အာရ်ဒါဘီလိုအေ (UNRWA) ရုံးတို့ထံ အရင်ကမှတ်ပုံတင်ထားသည့် အထောက်အထားများအား ယူဆောင်လာပေးပါ။ ထို့အပြင် အနီးနားတွင် ဆိုင်များမရှိသည့်အတွက် ရုံးသို့ ကိုယ်ပိုင်ရေဘူးများနှင့် အဆာပြေစာ/ အစားအစာများကို ကျေးဇူးပြု၍ ယူလာပါ။ ရုံး၌ စောင့်ဆိုင်းရမည့်အချိန်သည် သင်မျှော်လင့်ထားသည်ထက် ပို၍ ကြာနိုင်ပါသည်။

ဒုက္ခသည်မလေးရှား ဝဘ်ဆိုဒ်မှတစ်ဆင့် မိသားစုဖွဲ့စည်းမှု၏ ပြောင်းလဲမှုအတွက် တောင်းဆိုချက်တစ်ခုအား ကျေးဇူးပြု၍ တင်ပြအပ်နှံပါ။ အကယ်၍ ဝက်ဘ်ဆိုက်မှတဆင့် မိသားစုဖွဲ့စည်းပုံ ပြောင်းလဲမှုအတွက် တောင်းဆိုမှု ပြုလုပ်ပြီးလျှင် ရည်ညွှန်းနံပါတ် (reference number)ကို ပရင့်ထုတ်၍ သို့မဟုတ် သေချာစွာ သိမ်းထားပါ၊ ကျေးဇူးပြု၍ သင်၏ မိသားစုဖွဲ့စည်းမှု၏ အပြောင်းအလဲအတွက် တောင်းဆိုချက်တစ်ခုအား တင်ပြပြီးဖြစ်ပါက၊ သင့်ဇနီးနှင့် သားသမီးများအတွက် မှတ်ပုံတင်အသစ်တောင်းဆိုချက်ကို ထပ်မံမတင်ပြ/မလျှောက်ပါနှင့်။ သင့်ဇနီးနှင့် သားသမီးများကို သင်၏ ဖိုင်တွင် ထည့်သွင်းရန်အတွက် ရက်ချိန်းကို ယူအန်အိတ်ချ်စီအာမှ သင့်ကို ဆက်သွယ်လာမည်ဖြစ်သည်။ ကျွန်ုပ်တို့သည် ထို့သို့သောကိစ္စရပ်များနှင့်ပတ်သက်ပြီး တောင်းဆိုချက်အား လက်ခံရရှိသည့်နေ့စွဲအပေါ်အခြေခံ၍ လုပ်ဆောင်ပေးနေပါသည်။ ဒုက္ခသည်များ၏ ကျန်းမာရေးနှင့် သုခချမ်းသာကို သေချာစေရန် ရက်ချိန်းအရေအတွက်ကို ပုံသေ သတ်မှတ်ထားသောကြောင့် ရက်ချိန်းများ မရှိပါက သင့်အား စင်တာအတွင်းသို့ ဝင်ခွင့် မပြုပါ။

ဒုက္ခသည် မလေးရှား ဝက်ဘ်ဆိုက်မှတစ်ဆင့် မိသားစုဖွဲ့စည်းပုံ ပြောင်းလဲမှုအတွက် တောင်းဆိုချက်ကို ကျေးဇူးပြု၍ တင်ပြပါ။ အကယ်၍ ဝက်ဘ်ဆိုက်မှတဆင့် မိသားစုဖွဲ့စည်းပုံ ပြောင်းလဲမှုအတွက် တောင်းဆိုမှု ပြုလုပ်ပြီးလျှင် ရည်ညွှန်းနံပါတ် (reference number)ကို ပရင့်ထုတ်၍ သို့မဟုတ် သေချာစွာ သိမ်းထားပါ၊ ကျေးဇူးပြု၍ မိသားစုဖွဲ့စည်းမှု၏ အပြောင်းအလဲအတွက် တောင်းဆိုချက်တစ်ခုအား တင်သွင်းပြီးဖြစ်ပါက သင့်မွေးကင်းစကလေးအတွက် မှတ်ပုံတင်အသစ်တောင်းဆိုမှုအား ထပ်မံတင်ပြခြင်း မပြုလုပ်ပါနှင့်။ အကယ်၍ သင့်တွင် ရက်ချိန်းမရှိပါက ရုံးသို့ ကျေးဇူးပြု၍ မလာပါနှင့်။ ချိန်းဆိုမှုများမရှိပါက ဒုက္ခသည်များ၏ ကျန်းမာရေးနှင့် နေထိုင်မှုအဆင်ပြေရေးအား သေချာစေရန် ရက်ချိန်းပေးခြင်း အရေအတွက်ကို ပုံသေကန့်သတ်ထားသောကြောင့် သင်သည် စင်တာအတွင်းသို့ ဝင်ခွင့်ပြုမည်မဟုတ်ပါ။ ကလေးစာရင်းသွင်းခြင်းဆိုင်ရာ နောက်ထပ်အချက်အလက်များကို ဤနေရာတွင် ကြည့်ရှုတွေ့မြင် နိုင်ပါသည်။

မလိုအပ်ပါ။ မှတ်ပုံတင်ခြင်းဆိုင်ရာ ဝန်ဆောင်မှုများနှင့် ယူအန်အိတ်ချ်စီအာစာရွက်စာတမ်းများအပါအဝင် ယူအန်အိတ်ချ်စီအာနှင့် ၎င်း၏ လုပ်ဖော်ကိုင်ဖက်များ၏ ဝန်ဆောင်မှုများအားလုံးသည် အခမဲ့ဖြစ်ပါသည်။ အကယ်၍ ယူအန်အိတ်ခ်ျစီအာရ်၏ ဝန်ဆောင်မှုများအတွက် သင့်အား တစ်စုံတစ်ဦးမှ ဝန်ဆောင်ခပေးဆောင်ရန် တောင်းဆိုပါက၊ ကျေးဇူးပြု၍ လိမ်လည်မှုနှင့် အကျင့်ပျက်ခြစားမှု တိုင်ကြားချက်ဖောင်တွင် တိုင်ကြားပါ သို့မဟုတ် ယူအန်အိတ်ခ်ျစီအာရ် အန္တရာယ်၊ ပေါင်းစည်းမှုနှင့် ကြီးကြပ်ကွပ်ကဲမှု ယူနစ်- mlslufrd@unhcr.org သို့ အီးမေးလ်ပို့ပါ။