မၞိဟ်ဗြဴပပၞပတောံ ဒှ်ညးတာလျိုၚ်ကၠောန်မံၚ်ကလောန်ရုၚ်ယူအန်အိတ်စ်သဳအာ၊၊

နူကဵုရုၚ်ယူအန်အိတ်စ်သဳအာတအ်ဂှ်ပြဟ်ဟ်ဏံကလိဂွံမံၚ်ပရိုၚ်ဆက်ဆက် မၞိဟ်ဗြဴမွဲတၠ ဍေံဟီု ဍေံဂှ်ကၠောန်မံၚ်ရုၚ်ယူအန်အိတ်စ်သဳအာ သွက်ဋ္ဌာနသ္ပရိတ်ဂျေတ်စ်သတေယှေန်ကဵုဋ္ဌာနသွက်ဂွံဖျေံသ္ဇိုၚ်ဒၟံၚ်အာဍုၚ်သ္အာၚ်ရ၊၊ မၞိဟ်ဗြဴဂှ် ကေတ်အဆက်ကောန်ဒှ်ဒဒိုက်တအ်နကဵုဝတ်သပ်အေပ် ပလံၚ်ရမျာၚ် ချူပလံၚ်လိက်ရ၊၊ တုဲပၠန် မၞိဟ်ဗြဴဂှ်အာတ်သြန်သၠုဲအကြာRM-2,000ကဵု RM-3,000 အကာကဵုပလံၚ်စုတ်သြန်ပ္ဍဲကဵုဘဏ်အကံက် သွက်မၞိဟ်ဗြဴဂှ် ဂွံသၠာဲကဵုလိက်တၞးယူအန်အိတ်စ်သဳအာ၊ ကဵုစၟတ်တ္ၚဲချိၚ်၊ တုဲတှ်ေဂွံပအေန်တာဗျူ သွက်ဂွံဂွံရိတ်ဂျေတ်စ်သတေယှေန်ကဵုသွက်ဂွံဖျေံသ္ဇိုၚ်ဒၟံၚ်အာဍုၚ်သ္အာၚ်ရ၊၊

နကဵုမၞိဟ်လဳလာန်သုၚ်စောဲမံၚ်မဂၞန်စက်မံက်ကတဝ်ပြဟ်မံၚ်ဂှ် မဒှ်မဂၞန်_011-33321567 or 011-16560601 ဏံရ၊၊. မၞိဟ်ဗြဴဏံ ဟီုဂးလဝ်ကဵု ကောန်ဒှ်ဒဒိုက်ဂမၠိုင် ယဝ်ကောန်ဒှ်ဒဒိုက်တံ ကဵုသမ္တီတေင် မၞိဟ်ဗြဴဏံ ကဵုယူအာန်အုက်ချ်သဳအာမ္ဂး ကာဒ် UNHCR ကောန်ဒှ်ဒဒိုက်တံဂှ် ဒးဒုင်သီ၊ ဒးဒုင်ကုတ်ထပိုတ်တုဲ ကိစ္စဝင်ဝှဴကောန်ဒှ်ဒဒိုက်တံလေဝ် ဒးဒုင်ကၟာတ်အာဏောင်။ ဟိုတ်နူမၞိဟ်ဗြဴဏံ ကၠောန်မံင်ကမၠောန် ပ္ဍဲ UNHCR တုဲ မုအရာသာ်လဵုမွဲ ဟွံက္တဵုဒှ်ကဵုဍေံပုဟ်ဂှ် မၞိဟ်ဗြဴဏံ ပဵုတုဲထပ်ဟီုဂးကဵုပၠန်ရ။

မိက်ဂွံကဵုကသပ်လညာတ်ကဵုဗှ်ေတအ်ညိည ဆလံမှ လ္ပကလေၚ်ပလံၚ် ဏါ လှ်ပတိတ်ထောံမေတ်သေတ်စ်တအ်ဖအိုတ် ပလံၚ်ပလုပ်နၚ်လဝ်နူကဵုမဂၞန်စက်ဏံတအ်ဂှ် တုဲတှ်ေ ကိစ္စဏံဂှ် ကဵုပရိုၚ်ကဵုရုၚ်ယူအန်အိတ်စ်သဳအာ လတူအန်လိုၚ်ဖှောမ် မေတ်စ်သေတ်စ်ဍေံပလံၚ်လဝ်ကဵုဗှ်ေတအ်သီုဖအိုတ်တက်သကြေမ်ယှတ်တုဲပလံၚ်တောဲစုတ်မွဲစွံကဵုဖှောမ်ဗှ်ေပတိုန်ဂှ်ညိ၊၊

ဣဏံဂှ် ဒှ်ပရေင်လီဠာန်ရ။ မၞိဟ်ဗြဴဏံဂှ် ကၠောန်မံင်ကမၠောန် ပ္ဍဲ UNHCR ဟွံသေင်ရ။ ပရေင်ရီုဗင်ရေင်တၠုင် UNHCR အလုံအိုတ်သီုဝွံ နကဵုစေတနာမးမးရောင်။ ရန်တၟံကဵုသ္ဂောံဆက်ကၠောန်အာကမၠောန် ကိစ္စဝင်ဇကု စပ်ကဵု ပရေင်ပၠောပ်စရင်ရဳဂျေတ်သတာ Registration ကီု ပရေင်ဖျေံသ္ဂုတ်သွာတ် ကဆံင်စၟတ်ကောန်ဒှ်ဒဒိုက် Refugee-Status Determination (RSD) ကီု ပရေင်ဖျေံသ္ဇိုင်ဍုင်သ္အာင် Resettlement ကီု တင်ရန်တၟံကမၠောန်တၞဟ်တၞဟ်လဵုမွဲဒှ်ဒှ် ဇကုကဵုကေတ်သြန် ကဵုညးဒုင်ကာ ယူအာန်အုက်ချ်သဳအာ ဟွံသေင်မ္ဂး ပူဂဵုလဵုမွဲဒှ်ဒှ် ဂွံဟွံမာန်ရ။

ပူဂဵုညးမဟီုဂးပ္တိတ် အဆက်တၟေင် ပ္ဍဲ UNHCR နွံမံင်တုဲ သ္ဂောံကလိဂွံအခေါင် သၟာန်သွဟ်အေန်ထာဗျူဂမၠိုင် ဟွံသေင်မ္ဂး ပရေင်ဖျေံသ္ဇိုင်ဍုင်သ္အာင် နကဵုလှာဲဂတးကဵုကေတ်သြန် ယဝ်ဍေံတံရီုဗင်ကဵုဇကု ဂွံမာန်မံင်ဏောင်မ္ဂး စွံသတိညိ။ လ္ပပါ်ပရံကဵုဏာ တင်နင်ပူဂဵုဇကု ကဵုမၞိဟ်ဗြဴတံဏံညိ။

တၞဟ်နကဵုပြင်ပၠောပ်သြန် ပ္ဍဲကဵုအကံက်ဗာန်မွဲမွဲဂှ် UNHCR ဆလံဟွံဟီုအာတ်မိက်ဇကုရ။ ညးဒုင်ကာ UNHCR လဵုမွဲဒှ်ဒှ် ညးမပါလုပ်ပ္ဍဲ အာတ်မိက်ကေတ်သြန် နူကောန်ဒှ်ဒဒိုက်တံမ္ဂး လွာဲဂှ် ဒးဒုင်နုက်တိတ်နူကမၠောန်ညးတံတုဲ ဒးဒုင်တေင်ကဵုဗၠာဲသၟိင်ရ။

ယဝ်ရဇကုကဵုသမ္တီတေင် ပရေင်ကမၠောန် မၞုံသံသယ ဗ္စိုပ်ကဵု ယူအာန်အုက်ချ်သဳအာမ္ဂး ကာဒ် UNHCR ဇကုဟွံဒးဒုင်သီ၊ ဟွံဒးဒုင်ကုတ်ထပိုတ်၊ တုဲမ္ဂး လၟေင်ကမၠောန်ကိစ္စဇကုလေဝ် ဒးဒုင်လဇုဲအာဟွံသေင်၊ ဒးဒုင်ကၟာတ်အာ ဟွံသေင်ရ။

ယဝ်ညးတၞဟ်ဆက်နင်ဖုင်ကဵုဇကုတုဲ ဟီုဂးကဵုဇကု ရီုဗင်ကဵု ပရေင်ရေင်တၠုင် UNHCR မပ္တံ (သၟာန်သွဟ်အေန်ထာဗျူ သွက်ပၠောပ်စရင်ရဳဂျေတ်သတာ Registration ၊ ပရေင်ဖျေံသ္ဂုတ်သွာတ် ကဆံင်စၟတ်ကောန်ဒှ်ဒဒိုက် Refugee-Status Determination RSD ၊ ပရေင်ဖျေံသ္ဇိုင်ဍုင်သ္အာင် Resettlement) နကဵုလှာဲဂတးကဵုကေတ်သြန်မ္ဂး လွာဲဂှ် ဖျေံထောံဖုင်တုဲ ကဵုသမ္တီတေင် ဗ္စိုပ်ဇရေင်

• ဋ္ဌာနကလေၚ်သွဟ်လဳလာန်သဳသဳအိုၚ်ဒဳဗၠာဲသၟိၚ်တအ် မဂၞန်စက်-03-26101559.
• UNHCR သုင်စောဲ ဝှမ် ဏံ

တင်နင်ပဵုတုဲကလိဂွံမာန် စပ်ကဵုလၟေင်ကမၠောန်ဂမၠိုင် ကေုာံ ပရေင်ရီုဗင်ထ္ၜလ္ဘာ် UNHCR ၊ သ္ပဂုဏ်တုဲ နိဿဲကဵု ဝါပ်သာက် ကောန်ဒှ်ဒဒိုက်ကၟိန်ဍုင်မလေဝ်ယှာ Refugee Malaysia website ညိ။