သ္ပဟိုတ်နူကိစ္စ ယဲခိုဝ်ဝေဒ်-၁၉ ကၠောံထၞာန်သၠုင်တိုန်တုဲ အလဵုအသဳ ကၟိန်ဍုင်မလေဝ်ယှာ လလောင်တြးလဝ် စနူ စၟတ်တ္ၚဲ ၁ ဂိတုအဝ်ဂါတ် သၞာံ ၂၀၂၀ ဏံတုဲ ပ္ဍဲဒၞာဲမၞိဟ်ကောံကလောံဂၠိုင်ဂၠိုင်ဂှ် ပွမစုတ်ယာတ်ကၟာတ်ပါင် ဟွံဒ္ဂေတ်ဗက်ဟွံဂွံရ။ ကုပူဂဵုဟွံဒ္ဂေတ်ဗက်တံဂှ် ဒးဒုင်ဒုဟ် ဒန်သြန် ၁၀၀၀ ရေန်ကေတ် ဟွံသေင်မ္ဂး ဒးဒုင်ဖျေံထံင်ရ။
ကၟိန်ဍုင်မလေဝ်ယှာဂှ် နွံမံင်သၟဝ် အမိင်ထိင်ဒဝ် ပရေင်ချဳဒရာင်အာကၠုင် ကလေင်ခိုဟ်တိုန်ဒှ်တုဲ လ္တူညးပလီုပလာ် အမိင်ထိင်ဒဝ် ပရေင်ချဳဒရာင်အာကၠုင် ကလေင်ခိုဟ်တိုန်ဏံဂှ် ဗွဲမသ္ကာတ်မြဟ် ကြက်ရပ်စပ်အာဏောင်။ သွက်သ္ဂောံစဵုဒၞာ ယဲခိုဝ်ဝေဒ်-၁၉ မကၠောံထၞာန်မံင်ဏီတုဲ မပ္တံ ပွမမံင်ခြာခြာ အကြာမၞိဟ်ဂမၠိုင်ကီု၊ ပွမကြာတ်တဲ မွဲနှေံမွဲနှေံကီု၊ ပွမသုင်စောဲ ယာတ်ကၟာတ်ပါင် ဗွဲမချိုတ်ချိုတ်ပၠိုတ်ပၠိုတ်ကီု သ္ပဂုဏ်တုဲဆက်ဒ္ဂေတ်ဗက်အာ ကဆံင်ကဆံင်ညိ။