UNHCR ót Registar Óité(BFS)

UNHCR re 2019 ót yá tar age zará rejistar yáni doftór óibolla dorhás góijje ítararé ardé hásgóri komzuri asé dé ítararé tuwájjuder. Hásgóri komzuri asé dé ítarar mesál ókkol ót cámil ásedé ítara óildé, hótarat asédé beçiáin, gura fuain arde burá manúic ókkol, mazur manúic, hótara biaraimma ókkol zaráttu elacor zorurot,ar oi-manúic zará dórahóonor yá decóttu nelaidibor doórot asé tará. Ókkol fuain,burá manúic,beçiáin,yá hámil mayafuain ókkol ore, komzur ya hótarat áse hói dóra nózáibó. Siríf zodi tará kúbbecí héfazot or hótarat asé dé óilé yá késsú hás zorurot asé dé óilé, taráré jólti doftór goribólla báfa záibó.

Meérbanigori tuáñr keis loi taalukat asé dé ókkol habosfonna zeílla nekí faspout, forisor habos ókkol, neká súrot, zonom súrot, daktor hánar habosfonna ókkol, fémilír sensar hábos yá decóitta forisor dokumén, meletrir sárvísor kitab ókkol arde oinno UNHCR yá UNRWA ofís ót age doftór óiyo dé sóbut ókkol aníyo. Aro, meérbanigori tuáñr fanir dhabba ókkol ar hána/fiça ókkol ofis ot aniba, kiyóllahoilé atehañsé honó duan faa nozaibó ar ofis ot entezar or taim tuñi acá gorodde yiattú bicí lamba óit fáre.

Meérbanigori fémilí buniyadir tobdil ólla "Refugee Malaysia Website" lói dorhás zomádó. Zodi tuní wébsáit or zoriya fémli banai bar ekkan aros zoma di takile, meérbanigori fákka goríbá dé kí, tuñí háwala nombór gwá sábai ráikkó. Meérbanigori tuáñr bou arde fuain rejistar goribólla ar ékkan nuwa dorhás zomá nodiyó zodi tuñí fémilí banaibar tobdil or dorhás ékkan age zomá góijjó dé óile. Tuáñr bou arde fuain dóre tuáñr fáil ot golai bóllá UNHCR ór torfottu tuáñr lói taalukat goribó. Añára éndilla keis ókkol, dorhás faiyídé tarík or uore darmudar gorí karuwái gorí. Epoaínmén sára tuáñré séntar ót gólar ejazot nodibó, kiyólla hóilé rifúji ókkol or sehét arde aram or hálot ore fákka goribólla epoáinmén or taádat ore mokorór gorázá.

Meérbanigori "Refugee Malaysia website" or zoriya fémli banaibar tobdíl or dorhás gán zomá dóo. Zodi tuní wébsáit or zoriya fémli banai bar ekkan aros zoma di takile, meérbanigori fákka goríbá dé kí, tuñí háwala nombór gwá sábai ráikkó. Meérbanigori tuáñr nuwa óiyedé ledera fuwálla aró ékkan nuwa rejistar goribór dorhás zomá nodiyó zodi tuñí fémilí banaibar tobdil or dorhás ékkan age zomá góijjó dé óile. Zodi tuáñrtu epoainmén notákilé meérbanigori ofis ot noáicco. Epoáinmén sára tuáñré séntar ót gólar ejazot nodibó, kiyólla hóilé rifúji ókkol or sehét arde aram or hálot ore fákka goribólla epoáinmén or taádat ore mokorór gorázá. Fuain rejistar gorónor baabote aró maalumat ókkol eçé faá zaibó.

Noó. Doftórgorár yá rejistar gorár hédmot arde UNHCR or habosfonna óité loi UNHCR arde íbar sáñtí yání patnár ór ókkol hédmot maana. Zodi zehonókiya UNHCR or sárvís yáni hédmot ókkol ólla, tiñya saá dé óile, meérbanigori: Fraud and Corruption Complaint fórom lói repout goró yá "UNHCR Risk, Integration and Oversight Unit": er mlslufrd@unhcr.org ót email goró.