Elóm
Malaysiat, refúji arde sáara-towordé fuain arde nojuwan ókkol oré zehonó tobkar hókumot or éskul ót fónna forár ejazot node. Tará siríf UNHCR arde tar patnar ókkole sáñt dedé gair rosómi kounor taalimi sentar ókkol or zoriya elóm hásel góritfáre. Fura Penninsula Malaysia’t UNHCR ré mani loiyé dé índilla 150 cán taalimi sentar asé, lékin íiyan or maani eén noidé ki taalimi senthar yá estaf ókkole UNHCR or torfóttu honó maali modot faá.
Tuáñr hañsór ekkán taalimi senthar tuwodé óile, meérbanigori fótti tobkar elóm ólla nisortú asé dé refúji arde sáara tuwouya ókkol or taalimi senthar or liís ókkol oré tuwájju doó. Fótti taalimi senthar ré aladá-aladá hóros dabigoré ar dahél ólla aladá-aladá folósi arde niyom asé. Taalimi senthar beggúné fís yáni hóros lóde noó. Meérbanigorí, taalimi morkos ókkol ore, tarár fís ar folósi ókkol kiki asé íiyan zanibóllá, dhaárik taalukat goróo. Fán hom asé dé íiyan ólla, UNHCR ré éskul or fíis ólla maali modot dinofaré.
Nisortú liís góijja asé dé taalimi senthar ókkol oré e dostur gín or uore darmudar gorí UNHCR re maani loiyé. Zodi tuñí taalimi senthar oré UNHCR ré maani loibólla arde nisor liís ót cámil góitto soó dé óile, meérbanigori dostur gín buzíbólla foró ar e karwaiyi gín foró ziín or zoriya UNHCR ré Malaysiat taalimi sentar ókkol maani loó.
Pre-praimari / Ébtedayi Gurahalor Elóm
Pre-praimari / íbtedayi gurahalor elóm mán 3 bosór óttu 6 bosór boc óiye dé fuain dóllá. Iiyan fuaindóré ébtedayi elóm ólla toyar goré.
Ébtedayir agor elóm óildé zuban arde cómazi éskil ókkol beétór banai bólla arde buniyadi muntakí ar báfízanar éskil torki gorí oinno fuain arde ústat ókkol loi milamicá gorár uore zuúrdiya. Fuaindóré húruf arde nombór ókkol or foriso goráidé ar tarár maahúl oré doriaf gorónor hóusaladé.
Meérbanigorí, taalimi morkos ókkol ore, tarár fís ar folósi ókkol kiki asé íiyan zanibóllá, dhaárik taalukat goróo. Fán hom asé dé íiyan ólla, UNHCR ré éskul or fíis ólla maali modot dinofaré. Nisor taalimi sentar gíné refúji arde sáara-tuwouya ókkol oré pre-praimari / ébtedayi gurahalor elóm peécgoré.
Primary / Ébtedayi Elóm
Primary elóm hódé íiyan 6 bósor óttu 13 bosóijja fuain ókkol ólla. Íiyané tará ré forá, leká arde hísab or mouzú cíka. Íiyané aró elóm or ókkol zagat foríbór fóndicén deéi ar dusóra tobkar elóm arde tar uorólla fuaindó ré zatí tórki arde toyar goré. Iiyan hótóm góribólla aám háisafé 6 bósor lage.
Meérbanigorí, taalimi morkos ókkol ore, tarár fís ar folósi ókkol kiki asé íiyan zanibóllá, dhaárik taalukat goróo. Fán hom asé dé íiyan ólla, UNHCR ré éskul or fíis ólla maali modot dinofaré. Nisor taalimi sentar gíné refúji arde sáara-tuwouya ókkol oré primary yáni buniyadi elóm peécgoré..
Mazári Elóm
Mazári elóm hóo dé íiyan 14 bosór óttu tar uoror boc óiyé dé fuaindólla. Iiyané primari elóm aoré maani solé ar iiyan ói zaga zeçé fuain ókkole primari fónnat cíkke dé íinor kimot oré torkigoré ar fónna arde íhsabor eskil ókkol oré beétor gorítulé. Mazári elom ót, fuain ókkolé múhái elóm hásélgóre kiyólla hóilé tará ré mouzúr mahér ókkol oré di forá.
Meérbanigorí, taalimi morkos ókkol ore, tarár fís ar folósi ókkol kiki asé íiyan zanibóllá, dhaárik taalukat goróo. Fán hom asé dé íiyan ólla, UNHCR ré éskul or fíis ólla maali modot dinofaré. Nisor taalimi sentar gíné refúji arde sáara-tuwouya ókkol oré mazári elóm peécgoré.
Uoror/ Baát-Dusóra Tobkar/ Ahéri Elóm
Uoror elóm, aró hoó baát-dusóra tobkar/ tesára tobkar yá ahéri elóm, óildé dusára tobkar elóm hótom gorónor baade aiyé dé tobka. Iiyan rosómi taalim or ekkán éktiyari ahéri tobka zeçé fónnaforóya ókkole mahérí maath ókkol basé ziyané foróttu zai oré tará ré akedemík digiri hásél gorába ar fecádari hísafé fosón góijja maath ót keriar ókkol goré.
Malaysiat, refíji arde sáara-towouya ókkol oré pabilík kolej ar ahéri fónnar edara ókkol ót zaibólla ejazot nodée. Olfo refujir juwan e praiveít koleg arde yunivasiti ókkol ót baát-mazári taalim arde uoror taalimi program ót dahél óitfáre. praivéit koleg arde yunivasitit ókkole becí fís adaigoré dé óileyó tará mazé-mazé refúji ókkol ólla eskóolarcíp ókkol arde hóm fís or mouka deé. UNHCR ré “Brickfields Asia College (BAC) Education Group Make It Right Movement” or dóilla praivéit ahéri taalimi edara ókkol loi patnar góijje. BAC’r mazé faáza dé mouka arde kuús ókkol or baabote aró maalumat faite, meérbanigorí “Make It Right Movement” ót zai soó.
Malaysiar bairé késsú taalimi edara ókkole yó duniar zehonó zagat asé dé refúji ókkol ólla eskóolarcíp deé ar mazé-mazé eskóolarcíp foiya ókkol oré taalimi edara asé dé dec ót sóforgorí fónna foríbólla modot dítfare. Eskóolarcíp ókkol or aró maalumat ólla meérbanigori “Scholarship Opportunities for Refugees” ót zai soó, ar Malaysiar refúji ókkol ólla faá zadé eskóolarcíp ólla eçé tuwoo.
UNHCR ré taaluki taalim or zoriya mouka ókkol barái bólla kucíc gorát asé zaá aála taalim or ekkán nuwa súrot ziyan téknologi estemal goríyó ré muáñmúikka arde onlain taalim or juçái deé. Iiyané durór elakat táker dé foróiya ókkol oré yá zará aála taalim hásel gorínofaré tará ré aála yunivasiti ókkol loi taalukat goráidifaré 2010 cón óttu lóti, 23 cán decór 25,000 zon or uore refújir foróinna ókkol “Coursera”dóilla platfom ókkol ót taalukgorá asé dé taalimi program ót córik óiye. Duniar zehonó zagat asé dé refúji ókkol keéngóri “Cousera” ré faibo íiyan or aró maalumat faite “Coursera” gán ót zai soó.
Elóm or Mutaallek Jiníc Ókkol
Elóm or Wébinar