Soledde ‘Lorasora Bongoribár Hókum okkól (yáni MCOs)’ ar ehón ór KOVÍD-19 ór háalot or ekkán notiza hísafe, UNHCR or Ofís é kessú hámica goréde ham ókkol óre solai loizai nofarér. Yián or bútore miyad fúrai giyói de UNCHR or habosfonna ókkol óre thaim mouzin noiya goróon, yáto, UNHCR ór borbat giyói de, yáto háñzi gíyoi de habosfonna ókkol óre bodoli doon ó, asé.
Yián ór mukabelat, UNHCR or Ofís é ekkán ciñçí neelai diyé, ziyán é miyad giyói de UNHCR or habosfonna ókkol, híin óre noiya goré fóijjonto maniluazaibou boulihói fakka goijjé. Yián acá górazedde ki, e ciñçí gan é, ehón éhón UNHCR or habosfonna doijjé dé sáara túwoiya ar refúji ókkol ór mukabela gorédde mosibot ókkol óre kessú homaibóu bouli.
Mehérbani góri, zaniloo de ki, e ciñçí gán é, ekkán UNHCR or dokumen ólla bodhoilla hísafe ham nogoríbou, ar héndhillah estemal nogoróon sáa.
Ekkán sábái (yáni pirín) góri fare de ciñçír salan óre e notís ór nisottú diyagiyé de liínk ót klík (yáni tip mari lé) loot fazaibou. E ciñçí gán óre, ekkán PDF fáil hísafe taáic eskrin fún ókkol ót saá zaibóu.