Dukabazi Ókkol Óttu Húñciar Takóo
UNHCR re zehonó dúkadiya, marihóon, yá fáidatílóon oré boddac nogoré.
UNHCR arde tarár paáthnar ókkole dedé ókkol dorhás or fórom arde hédmot ókkol maana. Tuñí rejistar goríbólla arde bidec loizai bólla yá tuáñr keis ore jolti karwaiyi goríbólla thiañ dinofaríba. Honó kiyá yá honó tonzim oré bíccác nogóijjo zabá ye tuáñrtú UNHCR yá paáthnar ókkol or hédmot ólla thiañ saá.
Dúkabas ókkol óttu húñciar táko zibaye doftór goribólla, duara-bocóti goráibólla, maali yá oinno doilla modot ókkol ólla, nokol UNHCR or dokumén arde misá dabidawálla thiañ yátoba oinno modot ókkol saá. Epec gan mancór zoriya yá Facebook, Telegram, WhatsApp, Viber, Instagram, You Tube, yátoba oinno súrot ókkol or zoriya goríbo. Tará tuáñré bíraibólla maalumat ókko deháitfaré de kí tará UNHCR loi taaluk asé. Tará ré bíccác nogoríba.
Endilla misá wada ókkol dedé manúic ókkole tuáñr mocbur hálot or fáida túle. Taáttú ókkol hálot ót basoó. Tará tuáñr thiañ suri gorítfare yá tuáñr nizor maalumat oré besi fáida hásil gorítfare.
Thiañr bodalat UNHCR or zehonó hédmot ókkol tuáñré pecgoré de óile íin misá. Zodi thiañ yá tuáñr jisím faibólla aros goríbo dé íyan óddua loi zehonó doilla modot saáde óile, tuáñrtú eçé onlain fórom or zoriya UNHCR ót, zehonó UNHCR or paáthnar ót, arde dákor fulíc gáñtít fóuran repouth gorónsa.
Malaysia’r kaanun ót dúkabazi ekkán jrúm. Tuñí dákor fulíc gáñtít zai dúkabazir repouth difariba.
Dúkabazir wakiar repouth góille tuáñr keis san deri noibó yá ulda dába noaáibó.
Fókkorai ar Marihóon
Fókkorai óilde zehonó ham yá maarúmgorá, zeçé golot boiyan yá cupon gan cámil asé, ziyan loi UNHCR oré, tar paáthnar ókkol arde/yá refúji ókkol oré fáida hásel óttu zanifíni gúmrah goron.
Marihóon óilde oinno paáthír ham oré golot torika loi asór félabólla zehonó dami jiníc (daárík yá gúrai oré) fuzon, doón, loón yá soón.
Fókkorait aámbáfe zatí yá maali fáidálla beimani cámil. Marihóon óilde gúc doón yá loón yátoba oinno súrot or najayes fáida háselgóra.
Fókkorai arde Marihóon or baabute aró becí maalumat faibólla, meérbanigori Fókkorai ar Marihóon or sábba gwát zai soó.
Refíjir Hélaf Fókkorai arde Marihóon or Mesál Ókkol
Forisor Dúka óilde UNHCR ót doftór óibólla ekzon mancé oinno ekzon or zatí maalumat estemal gorón yá uggwá mancé nizor nam yá oinno forisogorár maalumat ókkol or baabute misáhon. Iyan ót ekzon e oinno ekzon or UNHCR ót rejistar óiye de habos estemalgorí hédmot ókkol yá karwaiyi ókkol nize hásel góribólla soón gan cámil óitfare.
Fémilír buniyat or fókkorait máze gair munaséf fáida ókkol háselgorí bólla uggwá fémilír hákikí buniyat or baabute misá hoón yá uggwá fémilí bútor or taaluk or baabute misá hoón. Iyan ót fémilír taaluk oré misá dabidawagorí ekkán keis óttu mancóre baddi féloon yá gólai doon gan cámil asé. Mesál etobaré, fuñáijja ókkol ore bái boli hói misá dibi gorí honó kiya ré keis ekkán ót cámil góron yá uggwá mancé nizor báina ré nizor fua boli hói nizor keis ót gólon.
Dokum’en or dúkat misá yá manaiya dokumén ókkol oré hákiki hísafe pecgoróon gan cámil. Iyan ót fura dokumén oré mongóça banon, zaayes dokumén ókkol oré bodoli félon, yá UNHCR or zali dokumén zendilla nekí foriso kaád ókkol, UC ciñçí ókkol, epoainmén sílip ókkol, yá daktori dokumén ókkol estemal gorá.
Fáidaúthon or eskím ót uggwá manúic yá mancór grúp ókkol zará UNHCR loi yá tarár paáthnar loi háas taalukat yá lagaiya aséi hói misá dabigoré zeçe dec ókkol ót duara-bocótigorá gan ó góille ar doftórgoróon, dokumén toiyargoróon, duara-bocótigoróon, yá UNHCR or zehonó karwaiyi gorídibar bodolat thiañ soón gin cámil. Fáidaúthar eskím ókkol manúic or mazé óitfare yátoba UNHCR or manúic yá paáthnar estaf or sónna dóron or zoriya óitfare, yátoba onlain/cómazi midia (mesál, Facebook ót zeçe kiyó ekzone manúic ókkol oré háas ekkán zagat doftórgori UNHCR or dokumén maana dibo hoó, yátoba UNHCR/paáthnar or estaf or sónna dóri WhatsApp ót fotú yá odiyu klíp ókkol loi mésseig di UNHCR or karawaiyi ókkol ólla mancóré thiañ dibólla hoón or zoriya.
Marihóon ót UNHCR or estaf oré cúida óde fáisela ókkol yá jolti gorídiyar karwaiyir bodolat thiañ yá hédmot jason gan cámil.
Taaluki Nuthís Ókkol
- Dúkabas Ókkol Óttu Húñciar: UNHCR ót Hamgoré Hói dabigoré de Maiyafua (08 tarík Fefuari 2023)
- Dúkabas Ókkol Óttu Húñciar: Koum or Liídar (15 Fefuari 2023)
- Húñciar Takóo: Facebook ót Doftórgóra arde Duara-bocótígorár Dúkabas(16 tarík Maac 2023)
- Dúkabas Ókkol Óttu Húñciar: Osman, Michael yátoba Bo Bo Selai nam or ekzon manúic (28 tarík Septembor 2023)
- Dúkabas Óttu Húñciar: Rohingya YouTubar (04 Desembor 2023)
- Devdass yá Davadass Anjan Nam or Manúic (22 Desembor 2023)
Fókkorair Hélaf Vídiyu Ókkol
Mobail App Ókkol or Zoriya Awas or Nuth Ókkol Foñósa de Dúkabas Ókkol
Mobail app kkol or zoriya awas or nuth ókkol foñósa de mancóttu húñciar takóo zará dibigoré UNHCR loi taaluk asé hói ar hórosdilé doftór goróon arde duara-bocótí goróon ólla modot gorífare hoó.
Mobail App Ókkol or Zoriya Hotá Hoó de Dúkabas Ókkol
Mobail app ókkol or zoriya tuáñr loi hotá hoó de manúic ókkol óttu húñciar takóo zará UNHCR loi taaluk asé hói dabigorí manúic ókkol óttu zaatí maalumat tua ar doftór goróon arde duara-bocótí goróon ólla hóros dilé modotgori faribóho.
UNHCR Nokol Websait Ókkol / App ökkol Banaiyé De Dúkabas Ókkol
UNHCR or websait ókkol / app ókkol óttu húñciar ziín ót mancór zaatí maalumat saá ar hóros dilé doftór goróon arde duara-bocótí goróon or modot goribóho.
Koum or Liídar Ókkol Zará UNHCR loi Háas Taaluk Asé Hói Dabigore
Koum or liídar ókkol zará UNHCR loi háas taaluk asé hói doftórgóron ar duara-bocótigorón or karwaiyi ókkol ólla hóros dabigóre taráttu húñcar takóo.
UNHCR or Soñíjjar Sónnadore dé Dúkabas Ókkol
UNHCR or soñíjja hói sónna dori doftórgorái bólla arde duara-bocótigorái bólla hóros saádé munúic ókkol óttu húñciar takóo.
Dúkabazi Ókkol óttu Húñciarír Mutaalek Jiníc Ókkol
Kessú Súal Asé?
Aró maalumat ólla, meérbanigori Dúkabazi Ókkol Óttu Húñciarír Barbár Fusár Gorágiye dé Súwal Ókkol(BFS) ót zai forísoó.