Dubara-bocótígorár BFS

Duara-bocótigorár uore Bar-bár Fusár gorá giyédé Súal ókkol (BFS) ót estekbal gorázar. Eçé, háas duara bocótigorár taaluk asé dé nozoriya ókkol óddua lói duara bocótir karwaiyir uore aró bici sáb-sáb maalumat ókkol tuaifaiba.

Duara-bocótigorár uore, aám ar háas keis or maalumat hásil góroon.

UNHCR or mandéit or bútor yáni UNHCR or gorónor hók or bútor tesára decót duara-bocótígorár baabute añí maalumat faiyom de hoçé?

K
C

UNHCR or Duara-bocótigorár Átor-kitab e UNHCR or duara-bocótigorár folósi ar amól ókkol or tofsili maalumat de. Duara bocóti gorádé dec ókkolé, ítarar folósi ar prugram ókkol oré enfóradi decór ceptar ót yáni híssat boiyan goijjé. Duara-bocótigorár Átor-kitab óil de ekkán pablík dokumén.

Durable Solutions Unit óre añár keis or baabote mocuwara gorí bellá keén gorí zukazuk goittám?

K
C

Ofís ót enfóradi báfé aiyón yá ciñçi, fax yáto email ókkol foñósáibár zorurot nái. Lékin, tuáñr telifún nombór arde email thíkana ré "Contact Form" gwá furagori UNHCR ót apdéit goro taaké ofís óttu zorurot óde éñtté tuáñr loi epoainmén or bondubos gorífare.

Duwara-bocótigorár/ Dubara-bocótigorár Karwaiyílla Laayeki.

Añár rejisthrecén intarbyu baade, añáre refúji hísafe manilua zaibellá ar bidec difeçá zaibellá hotó din lagibóu?

K
C

UNHCR ót rejistar óiye de manúic cwáttu refújir tobka fáiselagorár karwaiyir bútortú zaá foribo, thaim yían ót manúic cwá uggwa refúji óile ekkán fáisela loibar age manúic cwár dec-bidec or héfazot or zorurot ré múrhái antaz lagai saábo. Sríf oi manúic cún zará ré UNHCR e refúji hoi fáisela góijje tará ré duara-bocóti goráibólla biasanat aníbo. Refújir tobkar fáisela arde duara-bocótigorár karwaiyir thaim keis ekkán loi ekkán foróok. Rejistargoróon yáani doftórgoróon yáa UNHCR re refújir tobka doon or maaní yian noói de ki uggwá manúic duara-bocótigorár háwala faibo.

Añái añár refúji kaádh gosí faiyí. Duara-bocótígorár intarbyúlla añáré dakibó dé hoñótte?

K
C

Refúji kaádh tákon or othuméthík maaní yian noói de ki tuñí duara-bocótigoríbor layek. Aró, Malaysia't becí din dóri tákile refúji uggwá duara-bocótigorár layek nobone. Duara-bocótigorár Zomadiyar Ketagori Ókkol UNHCR or Duara-bocótigorár Átor-kitab or Híssa 3 ót toskoragorá giye. Ahéritú hoile, duara-bocótigorár kutha címa báinda óon or zoriya, héfazot arde duara-bocótigorár zoruri ókkol or arjén ar soktí mutabek keis ókkol oré duara-bocótigorár tuájju diya zaibo.

Añái añár bidec zai tókiyot oibár intarbyu ré fura góijji. Añáre zai tókiyot óibar dec loi añár intarbyu goríbellá hoóñtté daháibou dé?

K
C

Duara-bocótigorár intarbyúr moksút óil de tuáñr keis oré duara-bocótigorái bólla antaz lagon. Duara-bocótigorár intarbyúr baade, faisela ekkán loibar age tuáñr kies swá ré duara-nozorsánigori duara-bocótigorár zoma diya zaibó ki nozaibó yían soónsa. Yian or karwaiyilla lagibó de thiam gan kies ekkán loi ekkán forók. Duara-bocótigorár báfa-sintagorár baade tuáñr keis san zoma góijje de óile, Thikitáibó de Hóltuar Yuníth(DSU) ye zomadon or baabute tuáñré zanaibo. Yiar baade, UNHCR re yáa Dec-bidecor Híjorotgorár Tonzím(IOM e duara-bocótigoráibor dec or zagat tuáñré koólgoríbo ar duara-bocótigoráibo de decór ofísar ókkol loi tuáñr intarbyúr baabute maalumat dibo.

Añí uggwá "Durable Solutions Unit (DSU)" torfóttu koól faiyí zeçé hoóddé ki añár duara-bocótígorár keis oré bongorí ráikke. Añái aró hóbor keén gorí faiyoum de?

K
C

Húsusir héfazot or zorurot asé de yían ólla, UNHCR e keis kiyólla dhúlai ráikke yían fotti zon oré hámicá buzái hoói nofare. Doila-bodoilla wajá ókkol ólla, kies ókkol dhúli tákibo. Lékin, zeñétte wajá gan furafuri antaz lagai s'bgorí hól oibó éñtte tuáñr duara-bocótigorár karwaiyi gan salu óibo. UNHCR or hañsé gilé yáto tuñár keis or baabote bar-bár fúsar goilé íiyan honó nobodolibó ar tuáñr keis sán age barónot honó modot nomilibó.

Añár duara-bocótígorár karwaiyi becí deri kiyólla óor?

K
C

Fotti taalluk asé mancórla, duara-bocótigorár gan ekkán thaim háde karwaiyi. Muktólif immigrecén or kaanun, ahámiyot diya ar cómbol ókkol or zoria, Karuwaíyir taim dec ekkán lói ekkán forók ói ar agori kiyas-gorá bicí-kotin. Mosóla ókkol zendila ne ki zonom, biya, hámil, sárasari ar fuain rakáraki, doftórgorá, mora ókkol oré age sóiyi gori antaz lagai hólgori duara-bocótigorá gan óitfare.

Duara bocótigorá dé decót

Duara-bocótígorár intarbyur thaim ót, añár keis san hondecót zoma dibo de íyan fusár lói fáijjom né ?

K
C

Ói, tuñi faribá. UNHCR e tuáñr fémilír ereda ókkol ar doilla-bodoilla duara-bocótigorá de dec ókkol or corót oré báfasintagore. E maalumat e UNHCR oré tuáñr fémilílla ekkán laayek duara-bocótigorár dec basídibar modot gore.

Añí fosóngorí dé decót duara-bocótígoráibólla aros gorí fáijjom né ?

K
C

UNHCR e refújir duara-bocótigorár fosónor dec honnán zani loi núth goré de óileyó, uggwá refúji ré hon dec ót dibo de yían or ahéri fáisela gan UNHCR e gore. Zeñétte oi fásela gan goríbo, UNHCR e refúji ókkol or zehonó háas zorurot arde tarár fémilír taallúkat or zimmalo.

Añárlá duara-bocótígorí bólla baiccé dé dec sán oré añí inkar gorí fáijjom né? E mouka ré inkaar gorí baade, añár keis or ki oibó?

K
C

Zodi tuñí ekkán dec ót duara-bocótigorár báfasinta ré nafosón goróo de óile, tuáñré aró duara-bocótigorár karwaiyi ókkol óttu batdiyar hótorat asó. Tuáñré intarbyu gorí góiccé de dec óttu tuáñr keis oré lamai loibolla fáisela góijjó de óile, UNHCR e tuáñré yían or notiza ar hóti ki buzáibo- óitfare UNHCR e tuñí fosóngoró de dec ót tuáñr keis san arzoma gorí nofaríbo.

Háas Bocótigorár Taaluk-asédé Halot Ókkol

Añái añár medhikél eskríinín gorí félli mogor añáré International Organization for Migration (yáni IOM) e aró uggwá eskríinín ollá zaito hoór. Kiyollá?

K
C

Duara-bocótigorá de dec ókkole refújir ápdhéit daktori theés ókkol saá. Duara-bocótigoráibó de dec or folósir uore darmudargori, refúji ókkol óttu tará nelizaibor age ekbar óttu becí teés diaforibó de asé.

Añár fémelí aijó ekkán dirgó miyadi fáiselallá entezar gorér. Añár duara-bocótírgorár karwaiyi ré muúm míkka salai loizai fáijjom né? Añár fémelillá ki oibóu? Añár fémili loi duara-bocótírgorár dec ót duara milibólla UNHCR e modot goré né?

K
C

UNHCR e fémilír duara-miloon arde modotfadé eganagoti ré juçaibólla bolde ar fémilí ré nosíre. Iián zoruri dé fémilír zehonókiya doftór agorá táigílegói tuáñrtú UNHCR ore zanai doón. Kiyas arde nothiza ókkolor baabote fémeli ré mocuwará diya zaibo.

Zodi añái uggwá gair refúji ré biyá goillé, añár bou/zamai ye ar fuainsúain dé UNHCR kaád faibou né ar añár fúañti bidec zai gói faribou né?

K
C

Zodi tuñí refúji noó de éndilla honó kiya ré biya góijjo de óile, óitfare tuñí tuáñr zindegir sáñtír dec ót tákar tobka háselgorítfaro yáa mumkinan decóittayi háselgorítfaro. Gair refúji biya góijje de ítara ré UNHCR e kúb húñciarir sañte antazgoribo taaké duara-bocótilla tará ré báfar age tarár fura fémilír hálot arde manúic cwálla ektiyar ókkol or fáisela gorítfare.

Añi uggwáttú bare becí biyá goijji. Añár bouáin añár fúañti bidec zai tókiyot ói faribou né?

K
C

Polygamy is unlawful in nearly all resettlement countries and therefore refugees cannot be resettled, if they are intending to continue a polygamous marriage. Fotti fémiliré tarár duara-bocótir hálot ókkol loi UNHCR e zonfoti mocuara dibo ar fémilir íbar górwali arde fuaindólla bála óibo de éndilla entezam ókkol báfizon nan zorurot óibo.

Añár zindigir sáñtí 18 bosór óttu hom. Añára ré ékkufúñatí duara-bocótígoráibó né?

K
C

Fuain dór biya dec-bidec ór kaanun hélaf ar iyan oré ekkán doñór miaya-morot bédabet. Éndillá, tuñí zodi 18 bosór or nisor honó kiya ré biya góijjo de óile, tuñí arde tuáñr gora zindegir sáñti dunízon duara-bocótígorár laiyek noói. Duara-bocótígorár dec ókkol or decór kaanun e fuain dór biya ré nomane. Késsú duara-bocótígorár decót, uggwá gura-fua biyá góijje dé íyan lói niyom bañdí zulúmi gorér hói decór címar bairór kaanuni ektiyar gorítfáre.

Añár fua zibá 18 bosór or nise íba ye biya góijje. Íyané kí añár fémilir duara-bocótígorár emkan ót honó hóti oibó?

K
C

Zodi tuñí yá tuáñr fémilí 18 bosór or nisor honókiar biyat cámil asé dé óile, UNHCR or nozorsánit tuáñr fémili gwá duara-bocótígorár nalaayek bonitfare. Íyan kiyólla hoile gura fuain dór biya ré dec-bidec or kaanun ót bekaanuni hóo ar iyan oré doñór ekkán maiya-morot or bédabet hói biasanat ané. Aró, maa-baf yá tarár zorton goróiya ókkol zará biyar bondubos góijje tará duara-bocótígorár decót kies háibor emkan asé.

Ekkán duara-bocótígorár decé añaré inkar góijje. Íyar baade ki óibo?

K
C

Tuáñr keis oré othumétík báfe oinno ekkán dec ót duara zomagorá nozaibo. Lékin, UNHCR e tuáñr fémilír háas zorurot oré báfasintat rakí keis ekkán-ekkán gori duara-antaz goróon oré mukommol goríbo. Kisímma-kisímma dec or kisímma-kisímma corót or zoriya, tuáñrtú yian báfon nosáa de ki ekkán dec e tuáñr e inkar góijje de óile, oinn arekkán dec e gosíbo.

Añáre esponzarcíp yáni thiañ báñgidi loizon arde duara-bosótígorár mouka duníyan peés góijje. Zodi añí oinno dec ót bocótí goríbólla esponzarcíp gan bací loilé, añár duara-bocótígorár háli zaga gan dusára uggwá fémilí ré yá koum or mancóré difáijjom né?

K
C

Noó. Ekzon or yá uggwá fémilír duara-bocótígorár aros zomadiya gan manúiccwár yá fémilí gwár duara-bocótígorár zoruri hoddúr íyan mafi soón uor damudar. Étólla, duara-bocótígorár báfa-sintar aros or zomadiyar mouka ré uggwá egana yá fúñáijja ré faldhai diya nozaibó.