UNHCR Malaysia ma laha akoon TikTok. Dhammaan akoonnada TikTok ee sheeganaya inay ka socdaan UNHCR waa kuwo been abuur ah.
Waxaa naloo sheegay jiritaanka TikTok oo been abuur ah kuwas oo ah @rohingya.edu2 iyo @Tasmida.sidik, kuwaas oo si been ah u sheeganaya inay matalayaan UNHCR Malaysia. Akoonnadan wax xiriir ah lama laha UNHCR, waxayna ku hawlan yihiin isku ekaysiin iyo iska dhigid UNHCR iyo hoggaamiyeyaasha bulshada Waxay si qalad ah u marin habaabinayeen dadweynaha iyagoo wadaagaya sawirro laga soo qaaday bulshooyinka qaxootiga, shaqaalaha UNHCR, iyo hay’adaha NGO-yada la shaqeeya, si ay u abuuraan sawir been ah oo UNHCR ah.
Dhammaan akoonnadan waa been-abuur. Shakhsiyaadka ka dambeeya akoonnadan waxay isticmaalayaan aqoonsiga qof kale, wax xiriir ahna lama laha UNHCR, mana haystaan oggolaansho oo ay kugu caawin karaan diiwaangelinta, go’aaminta xaaladda qaxootinimada (RSD), ama habraacyada dib-u-dejinta. Fadlan ha wadaagin macluumaadkaaga shakhsiyeed hana bixin wax lacag ah oo ay codsadaan.
Sida Loo Soo Wargeliyo Akoonka Been-abuurka ah
Waxaan kugu boorinaynaa inaad si toos ah akoonkan ugu soo wargeliso TikTok adigoo adeegsanaya agabkan soo socda:
- TikTok: Soo Wargeli Isticmaalah
- Hagaha YouTube: Sida loo Soo Wargeliy TikTok
Xusuusin Muhiim ah
- Dhammaan adeegyada UNHCR waa LACAG LA’AN, oo ay ku jiraan dukumeentiyada UNHCR, diiwaangelinta, go’aaminta xaaladda qaxootiga (RSD), iyo dib-u-dejinta.
- Ka feejigno qof kasta oo sheegaya inuu ka caawin karo dib-u-dejinta ama hababka kale ee UNHCR isagoo ku beddelaya lacag ama adeegyo.
- Haddii aad la kulanto qof ama dad sheegaya arrimaha noocaas ah, fadlan u soo wargeli:
- Xarunta Ka-hortagga Khiyaanada ee CCID ee Booliska: 03-26101559 / 03-26101599
- UNHCR: Soo gudbi warbixin adigoo adeegsanaya foomkan
Soo sheegista dhaqdhaqaaq shaki leh ma saameyn doonto kiiskaaga. Dukumeentigaaga UNHCR lama kansalayn doono mana dib u dhici doono ama lama xidhmi doono kiiskaaga sabab la xiriirta soo sheegista khiyaano.
Si aad u hesho macluumaad sax ah oo ku saabsan adeegyada iyo hababka UNHCR, fadlan booqo Refugee Malaysia website.