Naungeek Minkhumnading

Naungeek na neih aleh Malay pau a Jabatan Pendaftaran Negara (JPN) ci a, aki thei, kumpi thuneite ii Gam leh minam tawhkisai Minkhumna Panmun khuatual zum khat peuhpeuh ah tua naungeek numei or pasal ii min na khum thei a, nausuahna tawhkisai theihpihna lai na ngah thei hi. Naungeek suah khit ni 60 sungin na bawl leh NRD ah bawlman piak kullo hi. Bangbang hi taleh, ni 60 khitciang na bawl leh minkhumna tawhkisai ziakai man hong ki la ding hi.

Kalsuanzia 1: Nausuak Minkhum nading Siauhnalai La in

Naungeeksuahna zatopi pan, ahihkeileh Gam leh minam tawhkisai Minkhumna Panmun (NRD) khuatual zum pan in ngetna siauhnalai la in.

Kalsuanzia 2: Gam leh minam tawhkisai Minkhumna Panmun ah Pai in

Siauhnalai (form) tungah gelh dingteng akigelhsa leh akisam laikung laidalte tawh tualsung Gam leh minam tawhkisai Minkhumna Panmun (NRD) zum ah pai in. Anuai ate na zuih ding kisam hi:

  • Hihna ciaptehna laikung-laidalte ahi (UNHCR kad ahihkeileh Aki ngaisutsak Nanuai a omlai laidal / kipawlna kad / passports) – original leh copy
  • NRD zum ah na pai uh ciangin UNHCR tawh minkhumna a ngahkhin nu le pate in, na UNHCR kad ahihkeileh Akingaihsut sakna Nuai ah omlai hihna na (UC) laidalte uh hehpihna tawh na keng un. Ahing lai passport atawi na hih uh leh tua zongh zang thei hi. Tua na passport sunga akihel thule late pen nata suahna tawhkisai theihpihna laisungah a kiciamteh ding ahi hi. Na passport sunga thute na gamte kiangah hong ki hopsawnsak lo ding hi. Na UNHCR kad ahinna abeikhit aleh nausuah theipihna lai na ngah thei kei ding, na UNHCR laikung laidalte ahihna na behlap khit tak ciangin nang tawh akinai pen NRD zum kee khat ah pai kik in.
  • Nu le pate kitenna lai ahihkeileh kikhenna lai (akingahtheina pan)- original leh copy
    Malaysia biakna tawhkisai thuneite ie thukhun tawhkituak a, apiak kitenna lai ahihkeileh adang tuadante thukhun tawhkituak in bawltheih khuanh angah kipawlnate ie hih kitenna pen thukhuntawh kituak mah hi cih theipihna apate bek NRD zumte in sang cih kong theisak uh hi. Nang pen Muslim khat hi in thukhun tawhkituak kitenna lai na neih kei leh nata suahna lai sungah anu min bek kiciamteh ding hi. Muslim ahilo thukhun tawhkituak kitenna lai aneilo nu le pate ahiphial zongh in nausuahna lai sungah a pa min ki gelh thei ding hi.
  • Zatopi pan a nausuah kipsakna laikung-laidal ahihkeileh azenzen in naungeek inn pan asuak ahih aleh palikte thupuak bawlna lai original
  • Akisam dingteng akimkhin nausuak minkhumna siauhna lai – original leh copy
  • Naugil ommaw omlo cih kisitna laibu( nau neiding nu cih sittelna laibu) ahihkeileh niciamna kad a original
  • Azenzen in nopen kiteenna a omlo, Muslim ahilo nupakop na hih uh aleh naupang ii apa akici pen in naupang ii anu tawh nausuak minkhumna ah min athu (letmatthu) kul hi. Tuadan in ahihkeileh apa pen ii thu leh late nausuak theihpihna laisungah kihel lo ding hi.
  • Nausuak minkhum ding aziakaite, hih laikung-laidal tungah hih ding a hong ki ngente theihbehnop aom leh hehpihna tawh JPN website ah lut inla en hi. Akiletsa AM 80 leh BMK 81 siauhnalaite hiteng (here) ah kimu thei hi (theihpihna ding bek)

Phawksakna : NRD zumkee khat peuh tawh buaina na phuutkhak uh leh (bang buaina piang, cik a piang, koiteng NRD zumkee cihte akihel) tua theihhuai thute pen na kipawlna makaite tawh UNHCR ah hong thei sak un. Ahih theih leh theihhuai thu le la ahihkei leh laikung laidal tawh kisai a limte zongh hong kihel sak un.

Phawsak kikna

v

Malay-pau apau thei Mi

Ahihtheih aleh Malay pau apau thei mikhat ii hong huh panpihna na ngah ding ngaihsutna kong pia uh hi.

Kikepcipna pan Suak

Azenzen in naungeek pen anu a kikepcip (thongkiat) sungin asuak ahihleh tua kikepcipna phualpi a om gamsung milut etcikna thuneite in nausuak minkhumna leh naungek suah theihpihna lai angah theih nading hong huh ding kisam hi, anu leh naungeek pen gamsung milut etcikna thuneite in kem ahih man hi.

Mihing Minkhumna

Pianna nu leh pate, thukhun tawh kituak in akeemte, ahihkeileh nausuahna tawhkisai theihpihna, siamna anei mi khat peuhpeuh in akisam laikung laidalte aken naak aleh nausuahna tawh kisai minkhum sak thei hi.

Gam leh minam tawhkisai Minkhumna Panmun (NRD) omna mun.

Hitenga (here) ki gelh NRD zum khatpeuh ah na pai thei hi Kuala Lumpur sungah ateeng na hih leh, ko ma’n hih zum ah pai un ci-in kong gen ding uh hi:

NRD/JPN Jalan Duta
Bangunan Kerajaan Jalan Duta
(Kompleks Kerajaan Tuanku Abdul Halim)
Publika Dutamas, 1, Jalan Dutamas, Solaris Dutamas
50480 Kuala Lumpur

Gam leh minam tawhkisai Minkhumna Panmun (NRD) zum ah naungeek suak minkhumna tawh kisai sepzia-bawlzia te theihtheih nading in hiteng (here) ah videos limlak na Malay pau, Mikaang pau tawh zongin na en thei hi.

Na UNHCR ciaptehna lai (file) sungah Asuakthak Naupang Guanluutna

Azenzen in nang pen UNHCR ah minkhum khin, nausuah theihpihna lai neikhin/ahihkeileh asuakthak naungeek tawh kisai akisam ding laikung laidalte a omkhit aleh nausuah theihpihna laidal copy khat/ahihkeileh akisam ding adang laikung laidalte pen Family Composition Change siauhnalai pan gelh dingteng na gelh khitteh aap/khak in.

COVID-19  natna kizelh na hangin UNHCR in niciamna omlopi a zum ah paina pen hong sanglo ding hi ung. Tua ahih man in Family Composition Change form niciam hong ngen unla, UNHCRte ie niciampia a hong sap ding hehpihna tawh na ngak un.