Gaaltaai-gambeelte leh gambeel asiaulaite ii, aman ahilo UNHCR laikung laidal zatna thupuak bawlnate UNHCR in ngah khin hi. Hih sungah mimalsim zongh kihel hi:
- Mikhat ii UNHCR card pen ei neihsa bangh a lak
- Midang khat ii UNHCR card ah maan pen amau ii maan tawh kheel ahihkeileh
- UNHCR card kheem zangh
Hidante pen aman logamtatnate hi cih kongtheisak hi. UNHCR card kheemte zatna, leina ahihkeileh zuakna ahihkeileh lakna, ahihkeileh midang khat ii UNHCR card pen ei adan in zatna pen khauhtak in kikhaam bek thamlo kimat kiheenna hong tun thei hi. Hih in thuneite leh UNHCR te ii man maw manlo cih sittelna nasepnate nawngkai sak a, tua zuattatnavaite hong kisittel ding ahih man in, na UNHCR vaite hong kaai to sak ding hi.
Nang ii nathu pen UNHCR ah kikhaak cip khin ban ah, thuneite in nang hong mat aleh sittelna hong kineih theih nading in nang ii UNHCR card numbat mah na piak lo phamawh hi.
UNHCR card kheem azangh, abawl, ahihkeileh azuak, ahihkeileh midang khat ii UNHCR card azangh mi khatpeuh na theih aleh hehpihna tawh tuathu emai mlslufrd@unhcr.org pan ahihkeileh Online pan Lungkim lohna thugenna Ngetnalai hitengah thupuak hong bawl un. Zuattatna tawh kisai thupuak nabawlna hang in, UNHCR ah na thu kaai tuam lo ding a, ahihkeileh zuautatna tawh kisai thukisitna ah nang hong ki puak lo ding hi. UNHCR in zuatatna tawh kisai thupuak angah khempeuh pen thusim in keemcing dinga, nang ii phalna omlo in kuama kiangah tua thusim theisak lo ding hi. Youtube ah Mikang, Malay, Arabic, Kawl, Khalkha, Jingpo, Mon, Persian, Rohingya, Somali, Tamil, Tedim leh Urdu lai tawh in aki muthei hilhcianna video te en in. Hiteng pan in a kibanghlo kampaute tawh poster te kimu thei hi.
UNHCR Malaysia in zuauphuahna leh nekgukna tawh kisai peuhmah koihkhonglo hi. Lauhuai cih theinapi bawlsakna tawh kisai Pumkhat Pawlkhat-a akithuah khawm Atungpan-a etcikna (RIOT) UNHCR Malaysiante’n zuauphuahna leh neekguukna tawh kisai aki muangmawh akua mah peuh ngawhtheihna ding-a pansan leh theihsakna nong neih na ding un thakong pia uh hi.
UNHCR nasepnate khempeuh sum piakkullo a khawnkhong ahih lam phawk in. UNHCR pan in, sepsakna khatpeuh na ngah theihna ding ahihkeileh a manlang hong kisepsak na dingin sum piatheilo hi teh Zuauphuahna leh Nekgukna tawh kisai natheihbeh nop aleh hih laimaiah lut in.,
Nidang in UNHCR ah minkhumna nei khin napi tulaitak in a (file) akikhaksak khinsa mimalte, hong kihonsak kik nading ngetna pen email (mlslursd@unhcr.org) pan in Gaaltai-gambeel himaw hilo cih Khentatna (RSD) ah ki aap thei hi. RSD Unit ah akihonsak kik nading ngetna lai akikhak tam mahmah ahihman in, honsak kikna ding ngetna tawhkisai nasepnate ah kiciantak in ziakai ding cih pen hehpihna tawh natuatsak un. Amaimai lo thaneemnate leh/ahihkeileh thukin leh amanlang theithei in kidaal ding kisam , lauhuaina anei mimalsimte pen, ngaihsutsak masak in kinei hi. Honsak kikna ding nasepnate tawh kisai theihbeh huai khempeuh hitengah kimu thei hi.