Thukhunzui a Kidaalna

Gaaltaite leh gambeel-asiaute in Malaysia thukhunte mang peelmawh ding hi.

Gaaltaite leh gambeel-asiaute thukham apalsat akua mapeuh Malaysia thukhun tawh kituak in mawhna dan tuak ding hi.

Tua gaaltai ahihkeileh gambeel-asiau pen zong adang mikhat bangmah in palik thusitna, matlehhenna, thubawlna leh thongkhiatna ngah ding hi.

UNHCR in Malaysia sungah mawhna khialhna abawl gaaltaite leh gambeel-siaute thukham tawhkituak in panpihna pialo hi, hite pen gamsung milut etcikna tawh kisailo hi.

Gamsung milut thukhun hangtawh gaaltaaaite ahihkeileh gambeel-asiautematlehhen ahihkeileh kepcipna atuak hunciang, UNHCR in amau suahtak na’ng ngetsak:

Refugee Malaysia website online siauhnalai ahihkeileh UNHCR Matlehhenna leh Kikepcipna Hotline tungtawn in matlehhenna leh kikepcipna tawhkisai thulelate etcianna leh ngahna

Thukham tawhkisai theihna anei taangmite zangh in matlehhen ahihkeileh kikepcipna atuak gaaltaaite leh gambeel-asiaute ii dinmun encian

Gaaltaai ahihkeileh gambeel-asiau mite tungah thukham tawhkituak in palai sepsakna leh panpihna kipia

UNHCR in Matlehhen leh Kikepcipna Hotline leh Refugee Malaysia website tawnin akibawl matlehen thupuakte en in kankhia hi. UNHCR in thukham tawhkisai theihna anei taangmite tawh Gamsung milut Etcikna thukhun nuai a matlehen atuakte kikepcipna leh thubawlna te atun loh nading, manlangtak in palaisepna tawh hong huh ding hi. Azenzen in ukna thunei lamte in matlehen atuak pen ii mimal hihna sittel dingin atuamvilvel ngetna hong neih kei leh UNHCR in hong kimat tung ni 14-sungin hong huh theilo ding cih hehpihna tawh na phawk un.

Thukham palsat hi dinga aki ummawh mikhat pen ukna-thuneite in thukancianna abawl beh theih nading in thu akisitma, akikep hunsung akep ding uh phalna ngah hi. Mikhat suakta dingmaw ahihkeileh thukhenzum ki paipih ding cih pen thukisitna tungtawn a kingah thunung (yahlat) tungah kinga hi.

Matlehenna leh Kikepcipna Thupuakna

Koi tengah Thupuak ding?



1. Matlehenna leh kikepcipna hotline

UNHCR kimat leh kikepna hotline ho in (Mikang leh Malay pau bek).

+6012 630 5060
Monday to Friday: 2PM pan 6PM
Sani ni leh Nipi ni: 8AM pan 4PM



2. Gaaltaai Malaysia wibsite (Refugee Malaysia website)

Refugee Malaysia website aom Contact Page ah pai inla ‘Report arrest and detention’ teel in.

https://refugeemalaysia.org

Cik ciang Thupuakbawl ding?

Gambeel-asiaute ahihkeileh Gaaltaaite khat matlehhen ahihikeileh kikepcipna atuah ciang
Amanlang theipen in thupuak bawl in



1. Thupuak bawlna tawhkisai thu acing theipen in pia in.

Matlehen atuakmi ii theihhuai thulelate
Min, kum, numei maw pasal, UNHCR file nambat, pianna gam, gammi hihna, minam, biakna, damlohna omzia leh adang zawngkhalnate.

Matlehen ngahna thute:
Hong kimat ni, kimatna ahang, kimatna mun/kikepcipna, thukhenzum vaituamtuamte.



2. Anunung pen theihhuai thulelate theisak in

Alem theih hun ciangin anunung pen theihuai thulelate theisak in

Azenzen in hong ki Khawlsak ahihkeileh matlehen na tuahleh

Patau lo ding (om khinkhian ding)

Uliante tawh awneem takin kiho in

Hong matna ahang dongh in.

Hong man uliante tungah na UNHCR laikung-laidal original lak in.

Thuneite in na UNHCR laikung-laidal original pen UNHCR Verify Plus app zangin SQR code tawh sittel thei ding hi.

Amanlang theipen in UNHCR, innkuanpih, ahihkeileh lawmte theisak in

*Na UNHCR laikung-laidalte ahihkeileh ciaptehna nambat, kimatna mun, na om na palik zum, leh hongman thuneite nambat, a angsuan (na ngah theih leh) thukhen zumpi nakah ding ni cihte theisak in.

Thukhen zumpi ah hong ki Puak aleh

v

Thukhenzum ah Theisak ding

UN laikung laidal ahihkeileh online pan in minkhumna a asiaukhin na hih leh tuate thukhen zum ah thei sak in



UNHCR Theisak in

Thukhenzum ah hong ki paipih aleh tua thukhen mangpi kiangah ah phalna ngen inla, UNHCR ahihkeileh na inkuanpihte/lawmte thuzasak pah in.



Kamphen ngen in

Malaypau Bahasa Malaysia (Malay) leh honggen thute natel kei leh kamphen ngen inla “UNHCR” ci phapha in. Lusuk, lupei cihte zangh khakei in, tuadan hihna in hong ki genthute atel hong bangh sak thei hi.



Na hihna Nang le nang genkhia in

UNHCR tawh minkhumna angah khinsa khat nahihna ahihkeileh gambeel-asiau khat na hihna genkhia in.



Thukham siammi (Lawyer) khat ngen in

Thukhun tawhkituak in hong huhding nakisap lam Thukhen-mangpi theisak in

Phawksak kiknate

Na paina peuh ah na UNHCR laikung-laidalte a original pua in
Na UNHCR laikung-laidal nambat lotngah in
Na UNHCR laikung-laidal nambatte na innkuanpihte ahihkeileh na lawmte lotngah sak in
Na innkuanpihte, na lawmte, na kipawlna makaite’ phone nambat khat leh nih lotngah in
Na innkuanpihte ahihkeileh na lawmte na omna mun theisak hamtang in

Thukham palsatna khat Thupuakzia

Palik thupuakzia nam nih om hi:

Thukham palsat mi pen tungah palikte gawtna anase zaw atuah ding deihlo ahihhang Palikte atheisak cih ciangbek na utleh “athu-avai thupuakna” (case report) na bawl ding ahi hi.
Thukham a palsat mi pen tungah Palikte ii anase zaw ((ayiiyu) gawtbawlna, thu kisit, matlehen, leh thukhen zumpi ah thubawl ding cih dan na ut leh “gawtpiakna thupuak” (action report) na bawl ding ahi hi.

Palik Thupuak Bawlzia

Palik Zum khat ah Pai in

Anai pen palik zum ah pai in. Palik zum khempeuh pen nisial in nai 24 sung kihong hi
Mikang ahihkeileh Malay pau na pau theih keileh, na innkuanpih, nalawmte, kipawlna makaite leh kamphente tawh na pai khawm thei hi.
Hong kiciaptehna laikung-laidal (UNHCR card cihte) leh adang thupiang tawhkisai laikung laidalte keng in.

Palik Zum Ah

Nang leh nang kipulak inla hong kiciaptehna na laikung-laidal palikte kiangah lak in
Palik thupuak na bawlnop anam (athu pulaakna ‘case report’ ahihkeileh gawtpiakna thupuak) ‘action report’ koi zaw cih pen palikte theisak in.
Athu apianna mun, banghun apiang, kuateng kihel leh bangteng piang cihte palikte kiangah gencian in.

Azom Bang?

Palik thupuakbawlna a copy khat amawkna in hong ki pia ding hi.
Palik mangpa in nang leh hih thubuaina sunga akihel mite hong sam in thudotna hongnei beh ding hi
Ukna-thuneite in Thukhen zumpi kahding khentatna aneih leh mitmuhteci ding in napai kulding hi.

Ngaisutpiak Behnate!

Na pulaknop thute bawlsa in palaik zum pai lecin navai manlang zaw ding hi
Na pulaaknop na gelhkholh laite Mikaanglai ahihkeileh Malay hi leh lem hi.
Na thupuaktna laikhakna sung ahihkeileh laikepna (USB-pendrive) ah keem, ahihkeileh laidal tungah gelh in. Tua pen palik zum ah keng in

Numei-pasal hihna tungah ngonghtatna leh nasepna mun/nasepna tawhkisai lungkim lohnate thukhun tawh kituak in honghuh theiding NGOs kipawl na omhi. Hehpihna tawh Gender-Based Violence leh Livelihoods pages ah hog theisaksawn un.

Thukham tawhkisai Telsimna

Malaysia a tung gaaltaai tampitak in dinmun kician neilo uh ahihman in amau sehtanh thei lo uh hi. Thu hoih khat pen Malaysia thukhun nuai ah gaaltaite in setanh nei uh hi.

Tua ih sehtanhte leh ih mawhpuakte theihna pen, adiakdiak in meetdawhna, kimat kiheenna leh ih gamah hong kipuakna cih lauhuainate ih tuakciang in hong thakhauhsak in thuhong telsak ding hi.

Gaaltaaite tungah thuman thutang in aki gamtat theih nadingin, UNHCR te in Malaysia gamsunga nang ie sehtanhte leh na mawhpuakte natel theihna dingin, thukhun tawhkisai pilna hongpia video te bawl uh hi. Hih pilna hong pia video te in thukhun tawhkisai athupi thutampi huam a, Malaysia a om gaaltaite leh gambeelte ie adot theihzeel uh thukhun tawhkisai dawnnate ahi hi.

Tuni hih video pen en inla nang leh nang kikhauh suah in!

Thule latawh teng inla, na sehtanh thei in.

Gamsung mite nuntakdan tawhkisai leh Vai Tuamtuamte

Hih video in khat leh khat kikal thukim laakna, innsaapna, lamkal ah mawtaw tuahsiatna cihdan buainate lemsak theih nading in thukhun tawhkiuak alo theilo a, na theih ding akisam thute ahi hi.

Mawhpalsatna leh Gamsung milutna tawhkisai Tukhun

Kumpi thunei lamte in thu hong dot leh nang ie sehtanh bang cih na ngaihsun ngei hiam? Hih video sunga thute pen Malaysia sunga mawhna palsatna leh gamsung milut tawhkisai thukhun alo theilo te ahi hi.

Innkuan Thukhun

Hih video pen nupa kitenna tawhkisai, minkhumna, kikhenna, leh naupang kepna cihdan thute theih nading kihel hi. Innsung ngonghtatna thulu tawhkisai theihciatna cihte zongh ki hel hi.

Nasep Thukhun

Gaaltaite leh gambeel-asiaute in Malaysia ah thukhun tawhkituak in nakisem theilo himah leh nasepna phual ah na sehtanh leh na mawhpuak pen natel ding thupi hi. Tuate hoihtak tel in hile cin na nasepnate in hong deidan, hong meetdawh leh akilawmlo in hong bawl ngamlo ding uh hi.

Refugee Malaysia Youtube Channel ah Legal Awareness playlist pan in paudang tawh in hih Thukhun tawhkisai Telsimna Video pen ki en thei hi.

Malaysia a om Gaaltaaite leh Gambeel-asuaite ading Thukhun tawh Kipanpihna Vanzat

Thukhun tawhkisai panpihna na kisap leh na omna tawh akinai pen Legal Aid Center ah pai in. Hih Legal Aid Centres te pen Thukhen leh sitnite tawh akalsuan hi a, thulela tawh kisai man piak kullo in ngaihsut piakna cihte zongh kihel hi.

- Thukhaam palsatmi / Immigration
- Innkuan Vai
- Nasepna / Nasepna Kinial kiseelna
- Khuatual leh Tangpii Vaite

Legal Aid Phualpite in na thu hong sit phatsak masa dinga koi cidan in hong panpih thei ding cih hong etsak ding hi. Azenzen in amau in thukhunsiam (lawyer) vaipuak hong aap sak leh sepleh bawl man sum tawm napiak kul kha ding hi. Tua zumpi ah na pai ciangin, na thu tawhkisai hidan laikung-laidalte neile cin hong lem ding:

- Eima mimal hihna theihhuai thule late ahi (e.g. UNHCR card)
- Na thu tawhkisai laikung-laidalte (e.g. palik report, thukhenzum pan hong sapna lai, thukimna lai cihdan atuamtuam)

Hehpihna tawh hih list te ah nang tawh akinai pen Legal Aid Phualpite na en in.