Hih pen UNHCR te ii deihsakna tawh Johor ah August 3, 2020 ni-in Johor Outreach Community Center (JOCC) ki hong ding cih thu zaksakna ahi hi. UNHCR sepkhiatna lak ah NGO te ii nasep pih ahi Cahaya Surya Bakti a kici, omna phual kan-in a pualam a teengte huhna phualpi pen ahunzui a sepkhiat zel ahi ahinna ni abei laidalthupi te laihsakna leh thudawpna nei dingin gamke (pyinee) dang pan Kuala Lumpur a om UNHCR zumpi ah gamlapi zinkhiat akul gaaltaai gambeelte leh gambeel asiaulaite ii atuahkhak uh sum tampi beina leh hamsatnate vaihawm sak nading ngimna ahi hi.
Tua Phualpi pen Kempas, Johor ah ki hong ding a, zum vai tuamtuamte pen NGO te nasep khoppih ahi Cahaya Surya Bakti (CSB) te’n UNHCR tawh khut kilen in hong semkhia ding hi. JOCC pen UNHCR ii nasep khiatna Zumpi ahih loh lam hehpihna tawh naciamteh un.
Johor lam ah a teeng gaaltaai gambeelte leh gambeel asiaulaite, ahinna ni abei laidalthupite laihsaktheih nading in niciam piakna pen JOCC zum pan in kizopna hong kipan tading hi. Niciam (appointment) piakna bek tawh nakisem ding hi. Niciamna (appointment) ngah lopi in JOCC phualpi ah apaite peuhmah thakhat thu in hong paikhiasak kik pah dinghi.
JOCC tawh kisai thu leh late hehpihna tawh anuai ah na zongin:
- Omna mun: No. 38, Jalan Kempas Utama 2/4, 81300 Johor Bahru.
- Kizopna Nambatte: 07-5547432, 07-5547631.
- Nasepna Naihunte: 8.30 am-4.30 pm (niciam piakna bek tawh).
- Akihon Nite: Nipi ni pan Saangkah Nili ni (niciam piakna bek tawh)