Youtube tungpan in NHCR te ii nasep silbawlnate ka ngahpih thei hi aki ci Rohingya khat pen UNHCR te in theikhia uh hi. Tua mi pa in UNHCR puan asilhna Video file tawh ten a, amah pen UNHCR zum nasemte tawh/ahihkeileh UNHCR tawh kizopna nei ci a, mite pimuh dingin bawl hi. A video tenna sungah kizopna (link) khat pan in UNHCR te ii sep leh bawlsaknate siauh ding ami mal in thapiakna nei hi. Tua pa in a page ah Pemtate ading Leitung gam tuamtuam Kipawlna IOM min (logo) leh a WhatsApp page ah UNHCR min (logo) zangin theihhuai mimal thu le late a ngah theih nading in kizopna (link) khat koih hi.
Hih thupen khemna khat ahi hi. Tua mipa pen UNHCR ahihkeileh IOM nasem hilo hi. Tua pa pen UNHCR ahihkeileh IOM tawh kizom lo hi. Tua pa in mi khat kiangah UNHCR laikung-laidalthupi piak theih nading thu ahihkeileh hihtheihna neilo ban ah mikhat peuhkiang pan a mimal thu le late nget khuan neilo hi.
UNHCR leh IOM te in nang kiang pan sum hong ngen ngeilo ding cih hehpihna tawh kong theisak uh hi. UNHCR laikung-laidalthupite na ngah theih nading, UNHCR ahihkeileh IOM te ii nasep silbawlnate ah nathu amanlan theih nadingin ettheihna nei ing sum hong pia in hong ci, mite kiang pan kidawm in. Tua mite tungah atheihhuai nathu nalate hawmkhia kei in.
UNHCR te ie hong sepsak nate ahi (UNHCR laikung-laidal thupite, minkhumna, RSD, Gampem nading vaihawmsakna, etc.) na ngahtheih nading in hong huh thei ing ci a, sum hong ngen mi natuah leh thupuak bawl in:
- Palikte kiangah
- Hih siauhnalai zangin UNHCR ah
Muanmawhhuai gamtatnate tawh kisai thupuak UNHCR ah nabawlna hangin na UNHCR card hong ki phiatsak lo dinga, nathu nala zekaai ahihkeileh hong ki khaksak lo ding hi.
UNHCR te ii nasep silbawlziate leh panpih huhna tawhkisai thu le la theihbeh nop aleh Refugee Malaysiawebsite ah sim in.
