Utthu a Ciah kikna
UNHCR in Malaysia gam pan pusuakna tawhkisai sepzia bawlzia dungzui acial cial a hilhciat nate leh Malaysia gam pan pusuak theih nading in akisam laikung laidal thupi ahi, Eima utthu a khentat in Pianna gamah puak kikna’ng Siauhna Lai (VRF) pan in pianna gam tawh kisai akician thu le late pen khentatna bawl in eima utthu a khentat in ciahkikna ahihkeileh pianna gam puak kikna vaite sepsak hi.
UNHCR tawh Kizom in
Nang pen UNHCR tawh minkhumna angahkhin khat hi in na pianna gamah na ciahkik nop aleh na ciahkik nopna tawhkisai thu te UNHCRte kiangah contact form pan in thu na zasak thei hi.
Na ciahnopna thu hong kisan aleh UNHCR Hunsau a kimang ding Buaina siansakna Panmun (DSU) te’n eima thu a khentat in pianna gam puak kikna tawh kisai gamtat danding hilhna hong neihtheih na’ng hunseh na dungzui in, niciam pia ding in hong ho ding hi. Tua thukikuppihna hunsungin, nangma khentatna tawh na gam ciah ding a khentat na hih leh na ciahna dingtawh kisai thu le la theihhuaite hong ki gen ding hi. Na gam ih pianzia thu leh late a kipan hiteng pan in thukhun tawh kituak in pai khia in ciah thei ding cihte zong hong ki gencian ding hi.
Eima utthu a khentat in pianna gam puak kikna vai gamtat danding hilhna na ngahma in vanleng tiket lei khol kei in, kimawk sup thei hi. Vanleng tiket na neih kholhna in UNHCR te tawh na neih ding gamtat danding hilhna tawh kisai na niciam pen hong bangbang lampi tawh palvangsak tuanlo ding hi.
Eima khentatna tawh Ciahkikna tawhkisai Vanzatte
Eima khentatna tawh Ciahkikna tawhkisai Vanzatte
Utthu a ciahkikna vai internet pan thugenpihna (Webinar)
Athupi Theisaknate: A tunga webinar pen June 2024.in kibawl ahih lam hehpihna tawh na ciamteh un. Minit 4:08 leh minit 6:48 apha webinar sungah Gampeemte ading Gamtuamtuam Kipawlna (IOM) te ie Utthu a Ciahkikna tawhkisai Panpihna leh Kigawmkhop kikna sepding geelnate ahi, vanleng tiket leina cihte pen amau sepding geelna nuai ah sepsak ding a lunggulh leh amau in panpih in huh thei uh hi. 14 April 2025 ni-in IOM pan AVRR zeekna nuai ah huhna sum ki ngah nawnlo ahihna geenna hong neikhia hi, tu a kipan vanleng tiket leisak panpih huhna te aki khawl ta ahi hi. Utthu a ciahkikna tawhkisai UNHCR in vangleng tiket hong huh in leisak lo ding cih na ciamteh un. Tua ahihman in utthu a a gam ah aciah kiknuam mimalte in amau vanleng tiket ding pen amau leh amau in vaipuak alak ding uh ahi hi.
Dotna Pawlkhat Om maw?
Thu le la theih behnop aom leh, Utthu a Ciahkikna tawhkisai Aki dongh Zelzel Dotnate (FAQ) ah dong in.