Mah Lungtho Tein Kirnak
Mah lungtho tein kirthannak asiloah mah le ram ah kuat thannak kong he pehtlai mah chuahkehnak ram ah kir than dingin biachahnak tuah tikah felfai tein biachahnak tuahnak ding caah mah chuahkehnak ram thil sining chimh, Malaysia ram in chuahnak ding caah tawlrel dingmi a dot dot hna chimh le cawnpiak le Voluntary Repatriation Form (VRF) kongkau, cun Malaysia ram in chuahnak ding caah a herhmi ca tawlrelpi tibantuk hi UNHCR nih a bawmh.
UNHCR He I Pehtlai
UNHCR a lut cangmi na si i na chuahkehnak ram ah kir na duh ahcun, Voluntary Return (Request for Counselling) contact form na phit lai i kir na duhnak kong kha UNHCR na theihter asiloah thawng na thanh lai.
Kir na duhnak kong thawng na thanhmi an hmuh in mah lungtho tein kirnak kong he pehtlai in i cawnpiaknak ngei dingin UNHCR i Durable Solution Unit (DSU) nih zung na rat dingmi nicaan chimh dingin pehtlaihnak an in tuah lai. COVID zawtnak i ralrinnak caah mah lungtho tein kirnak kongah i cawnpiaknak hi atu lioah cun a langhlat in i cawnpiak a si.
Phaisa na sawksam sawhnak men ah a can nakhnga lo mah lungtho tein kirnak kong he pehtlai in i cawnpiaknak na ngeih hlan chung cu vanlawng tiket kha nangmah tein rak i cawk rih hlah. Vanlawng ticket na ngeih ruangah UNHCR he mah lungtho tein kirnak kongah i cawnpiak ngeih dingmi hi a tuan hlei lai tinak a si lo.
Mah Lungtho Tein Kirnak I Cawnpiaknak
- I cawnpiaknak nan ngeih hnu ah Voluntary Repatriation Form (VRF) pek awk na that le thatlo kha UNHCR nih biachahnak a tuah lai. VRF hi Malaysia Immigration nawlngeitu hna sin in ramchung in chuahnak nawlpeknak (exit permit) laknak caah a herhmi a si.
- VRF na ngah hnu in Malaysian Immigratiion portal hmangin Immigration Zung kal ding nicaan na hal lai.
- Immigration sin in nicaan pekmi na hmuh hnu lawngah vanlawng ticket na cawk lai. Immigration he i ton dingin nicaan pek na si ri in ni 30 chungah na cit dingmi vanlawng chuak kho dingin vanlawng ticket na cawk dingmi a biapi.
- Immigration Zung i na kal tikah a tanglei langhtermi hna hi i ken hna:
- A nung rihmi na passport asiloah nan ram tanzung nih an in pekmi Emergency Certificate (na thlaumi na passport aiawh ah an in pekmi)
- The Voluntary Repatriation Form (VRF)
- Na vawnlawng ticket
- Ni hleihluat (overstay) in na um ruangah dantatmi phaisa liam dingmi (Immigration Zung nih an khiahmi zat ningin a si lai, ralzam sinak dirhmun na ngeihmi le ni hleihluat na um zat ning hngatchan in a si i minung pakhat ah RM 100 in RM 3000 tiang a si)
- Immigration Zung na kal ni ah zeipaoh a tlamtlin dih ko ahcun, mahhi ni ahhin special pass le exit permit (ni 30 chung a nungmi) pek na si lai.
Biahal Ding Na Ngei Maw?
Tling deuh le fiang deuh in theih na duh ahcun, Mah Lungtho Tein Kirnak Kognah Atu le Atu Hal Lengmangmi Biahalnak (FAQ) ah hal khawh a si.
