Naungek Minkhum-nading

Naungeek na neih aleh Malay pau a Jabatan Pendaftaran Negara (JPN) ci a, aki thei, kumpi thuneite ii Gami tawhkisai Minkhumna Panmun khuatual zum khat peuhpeuh ah tua naungek numei or pasal ii min na khum thei a, nausuahna tawhkisai theihpihna lai na ngah thei hi. Naungeek suah khit ni 60 sung in na bawl aleh NRD ah bawlman piak kullo hi. Bangbang hi taleh, ni 60 khitciang na bawl leh minkhumna tawhkisai ziakai man hong ki la ding hi.

Kalsuanzia 1: Nausuak Minkhum nading Siauhnalai La in

Naungeeksuahna zatopi pan, ahihkeileh Minam Minkhumna tawhkisai Panmun (NRD) khuatual zum pan in ngetna siauhna laidal la in.

Kalsuanzia 2: Minam Minkhumna Panmun ah Pai in

Laikung laidal thupite tungah hih dinga hong kingente a kicingsa siauhna laite tawh Minam Minkhumna tawhkisai Panmun (NRD) zum khat ah pai in. Anuai ateng nakisam ding hi:

 

  • Kuami kuasa hiam cih lakna laikung laidal thupite (UN card te/ kipawlna card te/ gam khat leh khat zintheihna laibute-original leh copy
  • Pianna nu le pate ii kiteenna ahihkeileh kikhenna tawhkisai theihpihna lai (ahih theih aleh) ataktak (original leh aki banglian a kila (copy)
  • Zatopi pan a nausuah kipsakna laikung laidal ahihkeileh azenzen in naungeek inn pan asuak ahih aleh palikte thupuak bawlna lai- ataktak (original)
  • Akisam dingteng akimkhin nausuak minkhumna siauhna lai – ataktak (original leh aki banghlian aki la (copy)
  • Naupaai sunga kilakna laibu (nausuahna tawh kisai kisitna laibu) -ataktak (original)
  • Azenzen in nopen kiteenna a omlo, Muslim ahilo nupakop na hih uh aleh naupang ii apa akici pen in naupang ii anu tawh nausuak minkhumna ah min athu (letmatthu) kul hi. Tuadan in ahihkeileh apa pen ii thu leh late nausuak theihpihna laisungah kihel lo ding hi.
  • Nausuak minkhum ding aziakaite, hih laikung laidal thupi tungah hih ding a hong ki ngen theih beh nading in hehpihna tawh JPN website ah lut inla en hi. Akiletsa AM 80 leh BMK 81 siauhna laite hiteng (here) ah kimu thei hi (theihpihna ding bek)

Phawsak kikna

v

Malay-pau apau thei Mi

Ahihtheih aleh Malay pau apau thei mikhat ii hong huh panpihna na ngah ding ngaihsutna kong pia uh hi.

Kikepna mun pan Suak

Naungeek pen anu kimat tuak in akikepna pan asuak ahih aleh nausuak minkhumna leh nausuah theihpihna lai angah nading pen kikepna phualpi aom gamsung milut encik thuneite in naungeek leh anu pen gamsung milut encik thuneite ii thuneihna sungah panpih ding uh hi.

Mihing Minkhumna

Pianna nu leh pate, thukhun tawh kituak in akeemte, ahihkeileh nausuahna tawh kisai theihna, siamna anei mi khat peuhpeuh in akisam laikung laidalte aken naak aleh nausuahna tawh kisai minkhum sak thei hi.

Minam Minkhumna Panmun (NRD) omna mun.

Hiteng (here) ki gelh NRD zum khatpeuh ah na pai thei hi Kuala Lumpur sungah ateeng na hih leh, ko ma’n hih zum ah pai un ci-in kong gen ding uh hi:

NRD/JPN Jalan Duta
Bangunan Kerajaan Jalan Duta
(Kompleks Kerajaan Tuanku Abdul Halim)
Publika Dutamas, 1, Jalan Dutamas, Solaris Dutamas
50480 Kuala Lumpur

Gammi tawhkisai Minkhumna Panmun (NRD) zum ah naungeek suak minkhumna tawh kisai sepzia-bawlzia te theihtheih nading in hiteng (here) ah videos limlak na Malay pau, Mikaang pau tawh zongin na en thei hi.

 

Na UNHCR ciaptehna lai (file) sungah Asuakthak Naupang Guanluutna

Azenzen in nang pen UNHCR ah minkhum khin, nausuah theihpihna lai neikhin/ahihkeileh asuakthak naungeek tawh kisai akisam ding laikung laidalte a omkhit aleh nausuah theihpihna laidal copy khat/ahihkeileh akisam ding adang laikung laidalte pen Family Composition Change form pan gelh dingteng na gelh khitteh aap/khak in.

Covid-19 kizelhna hangin, UNHCR in niciam-piakna lo tawh pai pen sanglo hi. Hehpihna tawh niciam-piakna omlopi in UNHCR ah hong pai kei un. Niciam-piakna pen gelh ding kisamteng gelh in Family Composition Change form pan in na ngen thei hi.

UNHCR te ii niciam-piakna hong neih nading in hongsap ding cinghtak in ngak in ahihkeileh Minkhumna Hotline (Registration Hotline) ahi +6017-614 3810 pen 8.00 am pan 4.00 pm, sung Sangkah nikhat ni pan Sangkah ni ngani dong na sam thei hi.