UNHCR zumpi pen asungah luttheihna dingin kihong nailo hi.
Kuala Lumpur, Selangor leh Putrajayahuamsung-a teng gaaltaai gambeelte leh gambeel-asiaulaite pen Gam leh minam Dinkik nading Geelna Hunkhen 2 na leh amau ii SOPte tawh kizui in niciampiakna tawh zumah hong pai theih nading sapna kipanta hi. Kuala Lumpur, Selangor leh Putrajaya pualam aom gamkee dangte pen gamkee khat leh khat kikawm ding akiphal ciangin UNHCRte’n amimal in sapna hong kipan ding uh hi.
Niciam-piakna angah gaaltaai gambeelte leh gambeel-asiaulaite bek zum ah paithei ding uh hi. Azenzen in Kuala Lumpur, Selangor leh Putrajaya huamsung ah na omkei-a niciamna hong kipiak kei aleh, UNHCR ah hong pai kei in.
Niciampiak sapna a ngah mite pen zum ah a paiding ni leh nai hunte kipia ding hi. SMS pan in niciam-piakna ani leh ahun kipsakna na ngah ding hi. Vaidawnna Mun na tun teh, asung hong ki lutsak ma-in sapna na ngahna SMS nalak kul ding hi. UNHCR ah niciam piaknate omlopi in apai akuama peuh pen ciahin hong kisawl pah ding hi.
Atawntung in muktuam nazat ding leh COVID-19 SOP thukhunte nazuih ding hehpihna tawh phawk den in. Azenzen in na niciam piakna ni ahihkeileh nang niciam hong kipiak ni ma in na ci anopphat kei leh zum ah hong pai kei in. Hehpihna tawh UNHCR ah thu na puak theihna ding leh niciampiakna ahun hong sehsak kik theihna dingin Minkhumna Hotline hopih in.
UNHCRte’n refugeemalaysia.org website tungtawnin theihsakna khat peuhpeuh ahihkeileh zumah na paitheih nading tawh kisai akikheel thute pen hong theisak ding ahih man in, hehpihna tawh na en pahpah un.