Nu/pa sinak hngatchan in zaangennak

Nupa sinak- hngatchan in zaangennak (GBV) timi cu mipakhat kha nupa sinak thleidan ruangah harnak pek kha a si. Cu ahcun thazaang hman, thihpheih, lih chim, an sinak phungphai a si lo ningin hnek, a si loah thangka hna ai tel kho. A bikin, nu hngakchia le nu hna hi GVB harnak towngmi an si. Sihmanhsehlaw, LGBYIQ+ mi nung, pa hngakchia, le patling hna zawng harnak an tong kho ve. Mi pakhat cungah Hramhram in nupa sinak tuah le nupa sinak-hngatchan in zaangennak phun dihlak hi nu hrin covo nawl buar a si. Hi bantuk thil tuahnak hna hi thil tha lo tuahnak a si caah Malaysia upadi ningin hremnak pek khawh a si.

Miaknak kawlin nupa sinak tuahnak le ning cang loin tuahnak hna hi cohlan khawh lomi umtu ziaza a si caah UN le NGO rian tuanmi vialte nih khammi a si.

Nu pa sinak hman timi cu zeidah a si?

Derthomnak a ngeimi hna cungah sinak hman a si lo ah, thilti khawh ai dan ruangah zumhnak ngeih ruangah nupa sinak tuah a si lo ah ning cang lion hman timh mi paoh hi a si. Abiana ah, sianginn cachimtu pakhat nih a sinak (a nawl ngeihnak) hmangin ralzam hngakchia hna cu nupa sinak hramhram in tuahpi, ralzam pakaht nih nupa sinak hmanpi a duh lo a si ahcun bawmhnak vialte chuh dih a si lo ah a caan ruah ter hna hi an si. Cun hi chungah hin mi va zuar le hlawhhlannak zawng ai tel.

Nupa sinak ningcang loin hman timi cu zeidah a si.

A taktak a si lo ah thihpheihnak he nupa sinak hmanpi mi a si lo ah hramhram in a si lo ah namnet in tuahmi paoh hi Nupa sinak ning cang loin hman cu a si. tlaih hrem, Nupa si duhnak he pehtlai in hrocernak he hnahnawhnak pek, a si loah nupa si duhnak he bia in ti hram hna ai tel khomi a si.

Pa, Nu, pa hngakchia, nu hngak chia, kum zeizahmi a simi paoh, pum tlamtling he tling lo he, nu pa si duhnak theih hngalhnak a ngei rih lo lomi telh loin a si lo ah Nu le pa sinak he i hngat chan in le zei bantuk dirhmun paoh ahhin-Mah i lung sitnak in nupa si duhnak tuah le ningcang loin hman hi a ho paoh nih ton khawhmi a si.

United Nations hruainak cu tleitleng hna cu zulh asi, UNHCR ah rian tuanmi hna le NGO a tuanti hawi hna nih an tuah bak lo ding:

• Tangka, rianpek mithmai zah in tuahtonak, thilri, a si lo ah riantuan piaknak ah nupa si nak he i thlen nawn dingin i pehtlaihnak tuah.
• Nu pa sinak tuah dingah kum 18 tang hna he i pehtlaih.
• Minung si nak man ngei loin Duh paoih in nupa si duhnak tuahmi paoh, dawhcah lo a si loah mah lung driamnak caah hmannak cawl canghnak.

UNHCR, UN, NGO tuanti menber, a si lo ah ralzam fim cawnnak hmunhma a si loah bu-tlang rian tuanmi hna nih nu pa si nak hman pi le ning cang loin an tuahmi hna na theih a si ahcun, Women aid ( nu bawmhchannak) bu riantuannak ah direct in report tuah, UNHCR cu nu pa sinak le ning cang loin a tuah tu report na tuah tu hna a bawm tu a si.

• WAO hotline: +603 3000 8858 (8am-10pm)
• SMS / WhatsApp TINA: +6018 988 8058 (24 hours)

UNHCR Inspector General’s Office (IGO) UNHCR Headquarters zawngah direct in report tuah khawh a si:

• Email: inspector@unhcr.org
• Online report tuahnak form: https://www.unhcr.org/igo-complaints.html
• Biathli chimnak fax: +41 22 739 7380
• Mail: UNHCR, 94 Rue de Montbrillant, 1202 Geneva, Switzerland

Report na tuah tikah, na telh hrimhrim ding:

1. Zeidah a cang?
   • • Thil a cangmi a si ning theih ning kong(s)
2. Thil a dik lomi a tuah tiah a ti tu cu a hodah asi ?
   • • Min dih lak, riantuanmi, le a riantuannak bu min, le a dang atelnak konglam a si khawh ahcun pe dih.
3. Zeitikah le khawika ah hi thil hi a can(s)?
   • • A si khawh ahcun, a ni le a caan telh chih

Report na tuahmi hi biachahnak tuah dingin kan chiah lai i biathli ah chiah piak na si lai a ho sin hmanh ah kan chimchin hna lai lo cucaah na UNHCR he zeihmanh pehtlaihnak a ngei lai lo. Sualnak a tuah a si ahcun, palik sin zawngah report na tuah khawh. Lung tlin lonak hna le firfik-a raktummi hna paoh cu bawmhnak riantuan piak le bawmchanhnak he pehtlaihnak kan in tuah hna lai.

Ralzam asiloah dornak a sawk liomi hna chung in nu/pa sinak hngatchan in zaangennak a tongmi (GBV), chungkhar buaibainak a tongmi, nupa sualnak kongah ningcang loin tuaitam a tongmi, hramhram in asiloah ngakchia nupi pasal ngeihter, hnahnawhnak peng a tongmi hna asiloah zuar a tongmi dirkamh dingin UNHCR cu aa zuammi a si. GBV kong he pehtlai in nangmah na si loah midang bawmh a herhmi na theih hna ahcun a tanglei ah langhtermi UNHCR riantawn hawi pakhatkhat hi na pehtlaih khawh hna.