Pengtlang hruaitu upa sinak ruangah UNHCR he a hlei in pehtlaihnak a ngeimi ka si tiah a chimmi an um tiah UNHCR nih thawngpang kan don. Ralzam sinak caah biachahnak (RSD) kong le Canada, Australia le United Kingdom ram hna telh in ramthumnak lei kalnak ranh deuhnak ding caah hi bantuk minung nih hin ramzam sin ah phaisa a hal hna.
Mahhi hi a hrokhrawlmi khuakhannak a si. UNHCR riantuannak paohpaoh cu phaisa fangkhat hmanh liam a haumi a si lo. Zung luhnak kong ah siseh, RSD kong ah siseh, Ram thumnak lei kalnak caah siseh, asiloah zeibantuk ca hmanh ah UNHCR riantuantu asiloah midangdang zong phaisa na pe kho hna lo.
UNHCR he a hlei in pehtlaihnak a ngeimi ka si tiah a chim i Canada, Australia, United Kingdom asiloah ramdang kalnak caah kan bawmh khawh hna tiah a chim i phaisa an halmi hna cu rak i ralring. Na theih ballomi minung sinah nangmah na pumpak konglam va chim in va pe hlah.
UNHCR kong he pehtlai in i tawlrelnak ah ralzam le dornak a sawk liomi hna bawmhnak caah pengtlang hruaitu upa hna nih phaisa hal hi UNHCR nih nawl a pekmi a si lo.
UNHCR card/catlap peknak caah siseh, interview kawhnak caah siseh, zung rat nicaan (appointment) peknak asiloah ram thumnak lei kalnak kong ah pengtlang hruaitu upa an siloah pengtlang bu hna hi UNHCR nih phaisa a hal bal hna lai lo.
UNHCR lei i tawlrelnak kong ah ralzam sin in phaisa hal ah aa telmi pengtlang hruaitu upa asiloah pengtlang bu hna cu UNHCR nih an rian in a dinhter hna lai.
Hibantuk phaisa halnak kong he pehtlai in lunghrinhmi na ngeih i UNHCR ah report na tuah ruangah na UNHCR card chuh na si lai lo, na case zong a fumhter lai lo i na case zong phihpiak na si lai lo.
UNHCR riantuannak a simi hna (Zung luhnak, RSD, Ram thumnak lei kalnak) kongah kan bawmh khawh lai ti in phaisa an halmi hna cu hika hin report na tuah lai:
- Palik sinah
- Mahhi form hmang in UNHCR sinah
UNHCR i tawlrelnak kong le bawmhchanhnak kong ah tamdeuh in na theih khawhnak ding caah Refugee Malaysia website ah rak zoh te.