UNHCR nan luh khawhnak dingah, kan bawmh khawh hna tiah Rohingya You Tube ah mi pakhat nih a chimmi UNHCR nih an hmuhchuah. Mi pakhat nihcun UNHCR angki banbul i hruk in videos ai thlah, mah pa nihcun mi hip kho dingin UNHCR riantuantu le/ a si loah UNHCR he pehtlaihnak a ngei bantuk in ai um ter. Video ahcun, UNHCR link ah luh in pumpak cio in UNHCR sohhlua sawk dingin forh fialnak a tuah hna. IOM logo hmangin International Organization for Migration (IOM) page tiah theihmi link le UNHCR logo hmangin pumpak konglam kawlnak WhatsApp page link zawng a pek fawn.
Mahhi hi a hrokhrawlmi khuakhannak a si. Cu mi pakhat cu UNHCR a si lo ah IOM zung riantuantu a si lo. UNHCR a si lo ah IOM he pehtlaihnak a ngei lo. UNHCR card/catlap pek khawhnak nawl a si lo ah a ho sin hmanh ah pumpak konglam halnak a si loah nawl ngeihnak a ngeimi asi lo.
Cun zaangfahnak in na theih ding cu UNHCR le IOM nih zei tik hmanh ah tangka an in hal lai lo. Mi pakhat khat nih UNHCR card/catlap hmuh khawhnak caah kan bawmh khawh lai an ti tu, le UNHCR a si lo ah IOM phung ning tein na case a kal khawhnak ding a si lo ah tangka pek in na case rang-taktak in kan in tuahpiak lai an ti tu hna sin in i ralring. Nangmah na konglam le na pumnak sining kha hi bantuk mi hrokhrawl sin i chim chin dingah i ralring.
UNHCR riantuannak (UNCHR card/catlap, zungluhnak, RSD, ram thumnak lei kalnak le a dangdang) kongah phaisa na ka pek ahcun kan bawmh khawh tiah a chimmi na theih hna ahcun, hika ah na report lai:
- Palik sinah
- Mahhi form hmang in UNHCR sinah
Hibantuk phaisa halnak kong he pehtlai in lunghrinhmi na ngeih i UNHCR ah report na tuah ruangah na UNHCR card chuh na si lai lo, na case zong a fumhter lai lo i na case zong phihpiak na si lai lo.
UNHCR riantuan ningcang le bawmhnak kong hna ah tamdeuh theih na duh ahcun Refugee MAalsyai website ah hin zoh le rel khawh a si.
