Tlaihkhih asiloah thongtlak kong he pehtlai in UNHCR ah a tanglei kan langhtemi ning hin report na rak tuah khawh :
- Refugee Malaysia website chungah a ummi Tlaihkhih le Thongtlak Tikah Report peknak form ah
- Tlaihkhih le thongtlak tikah chawnhnak Hotline in. Tlaihkhih le thongtlak ton tikah 012-630 5060 ahhin a tanglei kan langhtermi caan ning tein report pek khawh a si:
- (Cawn nikhat in Ninga ni ) 8.00 am – 6.00 pm tiang
- (Zarhte le Zarhpi) 8.00 am — 4.00 pm tiang
Report na tuah tikah a tanglei langhtermi hna hi na chim chih a herh:
- Tlaihkhih a tongmi a min
- UNHCR number
- Tlaihkhih a ton ni le an tlaihnak hmunhma
- Atu lioah an chiahnak palik sakhan min asiloah thonginn min
- Thonginn ah a ummi a si ahcun a body number
- Biaceih zung ah chuahpi dingin nitla pek cangmi a si ahcun biaceih zung ah a chuah dingmi nithla le biaceih zung a min
Tlaihkhih kong he pehtlai in phone in thawngthanhmi siseh, Refugee Malaysia website in thawngthanhmi siseh Legal Protection Unit nih a tawlrel hna dih lai. Immigration Upadi ningin tlaihkhih a tongmi hna nih hmailei ah thongtlak chap le tazacuai an tonlonak ding caah UNHCR nih aa tlakmi upadi lei riantuantu agency hna he a herhmi khamnak a tuah lai.
Tlaihkhih le thongthlak kong he pehtlai in zeitindah UNHCR ah report pek ning a si tiah Mirang holh le Malay holh in chimmi video a si. Tlaihkhih ton tikah holh dangdang in report peknak hmanthlak hika ahhin hmuh khawh a si i, tlaihkhih ton tikah zeidah tuah ding a si timi thawngthanhnak hika ahhin hmuh khawh a si.