Ram thumnak lei kalnak kongah hal lengmangmi biahalnak hna

Ram thumnak lei kalnak kongah hal lengmangmi biahalnak in kan in don Ram thumnak lei lanhnak kong ah thil sining dikthlair hna telh in ram thumnak lei kalnak tawlrel ning kong ah hika ahhin tlamtling tein na hmuh khawh.

Ram thumnak lei kalnak kongah thil sining a tlangpi in le case sining dikthliar in hmuh le relnak

UNHCR nawlngeihnak chungah ram thumnak lei kalnak kong hi khoikadah thawngpang ka hlat lai?

K
C

UNHCR ram thumnak lei kalnak kutken cauk chungah hin UNHCR ram thumnak lei kalnak kongah an phungphai le an thiltuah ning hna tling tein tial a si. Ralzam a latu hna ram nih an phungphai le an tuah dingmi hna kha ram pakhat cio i an konglam an tialnak dal kip ah an langhter hna. Ram Thumnak Lei Kalnak Kutken Cauk hi zapi caah tialmi a si.

Ka case kong i ceihhmai dingin Durable Solution Unit (DSU) hi zeitindah ka pehtlaih hna ning a si lai?

K
C

Pumpak in zung ah rat, asiloah ca, fax le email in kuat a hau lo. Nain, a herh tik paoh ah zung nih zung ah ra dingin tawlrel na si khawhnak ding ah na telephone number (Whatsapp na hman le hman lo chim chih) le na email address kha a thar na hman ahcun UNHCR ah na pek dingmi a biapi.

Ram thumnak lei kalnak/ Ram thumnak lei kalnak ding tawlrelpiak dingah aa tlakmi

Zung luhnak biahalnak (interview) ka dih hnu ah cohlan ka sinak ding ca le ram thumnak lei ka kalnak ding caah zeican dah a rauh lai?

K
C

Pumpak in UNHCR a lut cangmi paoh ralzam sinak cohlan dingah a tling maw/ tling lo timi biahalnak (interview) tuah dih an si lai i, minung pakhat ralzam a si taktak maw tiah biachahnak tuah hlan ah huhphenhnak le kilvennak a herh taktakmi a si maw timi kha thukpi in a konglam zohpiak ta a si lai. UNHCR nih ralzam ah a cohlanmi hna lawng ram thumnak lei kalnak ding ruahpiak an si lai. Ralzam ah cohlan awktlak a si maw tiah biachahnak caan le ram thumnak lei kalnak caan hna hi case pakhat le pakhat an i dang cio. UNHCR zung lut cangmi sinak asiloah ralzam sinak pek cang mi hna hi ram thumnak leiah kalter an si lai tinak a si lo.

Ralzam sinak card ka ngei cang. Ram thumnak lei kal khawhnak ding caah zeitikdah biahal ding in (interview) kawh ka si lai?

K
C

Having a refugee card does not automatically mean you are eligible for resettlement. Further, the length of stay in Malaysia does not make a refugee eligible for resettlement. The resettlement ‘Submission Categories’ are explained in Chapter 3 of the UNHCR Resettlement Handbook. Ultimately, due to limited resettlement quota, cases will be prioritized for resettlement according to the urgency and severity of the protection and resettlement needs.

Ram thumnak lei kalnak ding caah biahalnak (interview) ka tuah dih cang. Ralzam a lami ram nih zeitikdah biahal dingin an ka kawh te hnga?

K
C

Ram thumnak lei kalnak ding caah biahalnak (interview) tuahmi nih aa tinhmi cu ram thumnak lei na kalnak ding caah na case zohpiak le tuaktanpiak kha a si. Ram thumnak lei kalnak biahalnak tuah na si dih in ram thumnak ah kal dingin na case kuatpiak ding le ding lo biachahnak tuah dingah na case zoh piak hmasa a si lai. Case pakhat le Pakhat a kalning caan hngak a hua. United States of America (USA) ah na case kuatpiak na si ahcun Resettlement Support Centre (RSC) nih RSC interview phit dingmi ni le caan thawng an in thanh te lai. United States of America si loin hmundang ah kuatpiak na si ahcun, na kalnak ding ram i tuanvo ngeitu hna he biahalnak na ngeih dingmi ni le caan cu ram thumnak lei aiawh in UNHCR asiloah International Organization for Migration (IOM) nih thawng an in thanh te lai.

Ram thumnak lei kalnak ding caah biahalnak (interview) ka tuah dih cang. Ralzam a lami ram nih zeitikdah biahal dingin an ka kawh te hnga?

K
C

Ram thumnak lei kalnak ding caah biahalnak (interview) tuahmi nih aa tinhmi cu ram thumnak lei na kalnak ding caah na case zohpiak le tuaktanpiak kha a si. Ram thumnak lei kalnak biahalnak tuah na si dih in ram thumnak ah kal dingin na case kuatpiak ding le ding lo biachahnak tuah dingah na case zoh piak hmasa a si lai. Case pakhat le Pakhat a kalning caan hngak a hua. United States of America (USA) ah na case kuatpiak na si ahcun Resettlement Support Centre (RSC) nih RSC interview phit dingmi ni le caan thawng an in thanh te lai. United States of America si loin hmundang ah kuatpiak na si ahcun, na kalnak ding ram i tuanvo ngeitu hna he biahalnak na ngeih dingmi ni le caan cu ram thumnak lei aiawh in UNHCR asiloah International Organization for Migration (IOM) nih thawng an in thanh te lai.

Ram thumnak lei kal kho rih lo dingin case hi hrenpiak lio na si tiah Durable Solution Unit (DSU) lei nih thawng an ka thanh. Hikong ah zeitindah thawngpang fiang deuh in ka theih khawhning a si lai?

K
C

Bia thlithup hi phuan lo a herh caah zeiruangahdah case hrenpiak an sinak a ruang hi UNHCR nih pumpak in a chim kho hna lo. A ruang tampi ruangah case tampi hna hi hren an si kho. Nain, na case hrenpiak na sinak a ruang tlamtling tein zohfel dih cikcek a si hnu, a fianglomi fianter a si hnu le a tlamtling lomi thil hna tuahfel a si hnu ah ram thumnak lei na kalnak ding kha tuahpiak than na si lai. UNHCR zung ah kal lengmang i na case sining dirhmun hal le hlathlai lengmang ruangah na case dirhmun ai thleng hlei lai lo i, a ranter deuh fawn lai lo.

Ram thumnak lei ka kalnak ding hi zeiruangahdah a rauh tuk hnga?

K
C

Mizei ca paoh ah ram thumnak lei kalnak ding tawlrel chung caan hi a rau dihmi a si. Immigration phungphai, usapek ning le herhhaimi hmuh ning le i bawmhchanh ning hna hi aa dan cio caah, ram thumnak lei kalnak an tawlrel caan hi ram khat le ram khat aa dan cio caah chim chung dingah thil har ngaingai a si. Nua ngeihnak, thitumhnak, naupawinak, nuva i thennak le fale aho sin ah dah an um lai, mithar zung luhnak, thihlohnak kong hna hi ram thumnak lei a kal ding na si hlan ah tha te le felfai tein zoh ta dih an si.

Ram thumnak lei kalnak Ram

Ram thumnak lei kalnak ding biahalnak (interview) ka tuah lioah ka case hi khoika ram ah dah kuat a si lai tiah ka hal kho maw?

K
C

Na hal khawh ko. Nan chungkhar duhnak le ram thumnak lei in a latu ram hna nih tahfung an ngeih ciomi kha UNHCR nih zoh le ruahpiak a si. Na chungkhar caah aa tlakmi ram UNHCR nih an in thiampiaknak ding caah mahhi thawngthanhnak nih hin a bawmh lai.

Ram thumnak kalnak ding caah hin ka duhmi ram i thim khawh a si maw?

K
C

Ralzam nih kal an duhnak ram kha UNHCR nih a chinchiahpiak ko hna lai, nain ralzam a kalnak ding ram a donghnak biachahnak cu UNHCR kut ah a um. Biachahnak tuah tikah hin ralzam hna nih zeibantuk theng dah an herh timi le an chungkhar pehtlaih ning kha UNHCR nih a ruahmi si.

Ram thumnak an ka thimpiakmi hi ka duh lo ti khawh a si maw? Ram thumnak lei thimpiakmi ka duh lo ah ka case kongah zeitin a si lai?

K
C

An in thimpiakmi ram ah kal na duh lo ahcun, hmailei caan ah ram thumnak kal ti lo dingin tuah khawh na si. Biahalnak (interview) tuah na si cang i na case zong cohlan na si cang ko nain an in kalternak ding ram ah kal duh loin na case lak than dingin biachahnak na tuah ahcun na case na lak thanmi kongah zeidah a cang kho timi le hmailai ah zeidah a cang kho timi kongah UNHCR nih chimhrinnak le ruahnak peknak an in ngeih lai – kal na duhnak ram ah UNHCR nih na case kuatpiak khawh ti lo zong na si.

Ram thumnak lei kalnak he pehtlai in thil sining hna

United States of America (USA) ah kal dingin ka case kuatpiak ka si. 12 dehhlennak/ lihchimnak (fraud) kongah khan kai tel ve. Thil sining a dik ningin ka chim i ka case hrenpiak ka si. Zeitikdah biahalnak (interview) tuah ka si lai i, zeidikdah ram thumnak ah ka kal te lai?

K
C

Dehhlennak/ lihchimnak kongah a rak i telmi hna paoh cu 2019 March le April ah khan United States i Department of Homeland Security (DHS) riantuantu hna nih biahalnak an rak tuah cang hna.. Na case caah thawngpang halnak, Resettlement Support Centre (RSC) +603 2141 5846 / +603 9212 8117 chawn hna a si loah emaile hi ka ahhin kua hna KLInquires@rescue.org.

Ka ngandamnak kai check dih cang ko nain International Organization for Migration (IOM) nih i check rih ding na si an ka ti. Zeiruangah a si hnga?

K
C

Ralzam a latu ram thumnak hna nih hin ralzam hna nih a hnubik an ngandamnak an i check mi an herh. Ralzam a latu ram nih zulhphung an ngeihmi ning zulh in ralzam hna nih ram thumnak i an kal hlan ahhin voikhatnak tam in ngandamnak i check khawh a si.

Durable Solution phi dingin ka chungkhar nih an hngak lio. Ram thumnak ka kalnak kong hi pehzulh awk ka tha maw? Ka chungkhar hi zeitin an si lai? Ram thumnak ah ka chungkhar he hmunkhat ah um kho dingin UNHCR nih nan ka bawm kho lai maw?

K
C

Chungkhar he hmunkhat ah umti ( i fawnh) khawh thannak le a fekmi chungkhar pehtlaihnak le i dirhkamh khawh thannak hi UNHCR nih a bawmh i, na chungkhar he an tthenter lai lo. Na chungkhar ah zung a lut rih lomi an um ahcun UNHCR sinah thawngthanhnak na tuah ding a biapi. Thil a cang dingmi kong hna cu na chungkhar cawnpiak le chimh an si lai.

Ralzam a si lomi he i tthi-um usihlaw, ka nupi/ ka va le ka fale nih UNHCR card an hmu kho ve lai maw, cun ka sinah ram thumnak ah an kal kho ve lai maw?

K
C

Ralzam a si lomi he nan i thitumh ahcun na nupi/ na va ram ah um khawhnak asiloah rammi si khawhnak lam na ngei kho. Ralzam a si lomi he thitumhnak a tuahmi cu ram thumnak lei kalnak kong ruahpiak an si hlan ah anmah duh thimnak kongah biachiahnak tuah ding le an chungkhar dihlak sining kha UNHCR nih tha tein zohfelnak a tuah ta hmasa lai.

Voikhat ngeih ah nupi pakhat nak tam a ngeimi/ nupi pakhat tam ai umpi mi ka si. Ka nupi le hi an dihlak in hmunkhat ah ka sinah ram thumnak ah an kal kho ve lai maw?

K
C

Voikhat ngeih ah nupi pakhat nak tam ngeih/ nupi pakhat nak tam i umpi hi ralzam a latu hna ram dihlak ngawt in an ram upadi nih nawl a pek lomi a si. Cucaah, nupi pakhat nak tam ngeih a duh ko rihmi ralzam hna cu ram thumnak lei kal an ngah lo. Ram thumnak lei an kalnak kong he pehtlai in chungkhar pakhat cio UNHCR nih ruahnak peknak in cawnpiaknak a ngeih hna lai i, a nupi/ a va le an fale caah a ttha bikmi a si lai an timi kha an ruah le an tuaktan a herh.

Ram thumnak nih an ka cohlang lo. Hmailei ah zeitindah a si lai?

K
C

Ralzam a latu hna a dang ram ah na case kuat colh a si lai lo. Nain, UNHCR nih case khat hnu case in an zohfel dih than lai i, nan chungkhar nih zeibantuk dah an herh timi kha an ruah lai. Ralzam latu ram thumnak hna hi ralzam laknak caah tahfung an ngeihmi le an hmanmi aa dan cio caah ralzam latu ram pakhat nih an in cohlan lo ahcun a dang ram zong nih an ka cohlang ti lai lo tiah na ruah ding a si lo.

Ram thumnak lei kal khawhnak ding caah i kawhnak/ i laknak (sponsorship programme) le UNHCR nih ram thumnak lei kaltermi tiin caan tha pahnih ka ngei. I auhnak/ i laknak (sponsorship programme) in ram thumnak lei kal i thim ninglaw, ram thumnak lei kalter an ka timhmi hmunhma ahhin keimah can ai ah ka chungkhar dang an si loah midang ka kalter kho hna maw ?

K
C

Pumpak asiloah chungkhar hna ram thumnak lei kalnak ding caah hin ram thumnak lei kalnak ding caah a herhmi zohfel le tuaktannak cungah ai hngatmi a si. Cu ruangah cun, ramthumnak lei kalnak ruahpiak dingah thehluh khawhnak caan tha cu na chungkhat a si lo ah na hawi kuat piak khawh a si lo.