Mah Lungtho Tein Kirnak
Mah lungtho tein kirthannak asiloah mah le ram ah kuat thannak kong he pehtlai mah chuahkehnak ram ah kir than dingin biachahnak tuah tikah felfai tein biachahnak tuahnak ding caah mah chuahkehnak ram thil sining chimh, Malaysia ram in chuahnak ding caah tawlrel dingmi a dot dot hna chimh le cawnpiak le Voluntary Repatriation Form (VRF) kongkau, cun Malaysia ram in chuahnak ding caah a herhmi ca tawlrelpi tibantuk hi UNHCR nih a bawmh.
UNHCR He I Pehtlai
UNHCR ah min cazin a khumhmi na si i na chuahkehnak ram ah kir na duh ahcun, pehtlaihnak form phit in UNHCR sinah kir na duhnak kong na chimh khawh.
Kir than na timhnak na hmuh tikah, UNHCR ah Durable Solutions Unit (DSU) nih mah lungtho tein ramdang kirnak ruahnak cheuhnak caah caan khiah dingin an in chawnh lai. Ruahnak cheuhnak caan chung ah, na chuahkehnak ram ah mah lungtho tein na kir ahcun theihhngalhmi biakhiahnak tuah khawhnak ding caah bawmtu ding thawngpang an in pek lai, na chuahkehnak ram dirhmun le ramdangmi chuahnak phunglam hna zong aa tel.
Zaangfahnak tein na vanlawng ticket cu nang mah lungtho tein ram kirnak ruahnak cheuhnak na kai hlanah caw hlah, zeicahtiah santlai lo a si sual lai. Vanlawng ticket ngeih cu zeibantuk lam hmanh in UNHCR he ruahnak cheuhnak tuahnak ding caah tuan deuh ah tonnak a si lo
Mah lungtho tein kirnak he aa pehtlaimi thilri
Mah lungtho tein kirnak he aa pehtlaimi thilri
Mah lungtho tein Kirnak Webinar
Biahal Ding Na Ngei Maw?
Tling deuh le fiang deuh in theih na duh ahcun, Mah Lungtho Tein Kirnak Kognah Atu le Atu Hal Lengmangmi Biahalnak (FAQ) ah hal khawh a si.