Ralzam hna dirhmun Cozah nih a tawlrelmi bawmh le dirhkamhnak caah UNHCR le Malaysia Cozah cu kum tampi chung i ceihhmainak ngei in lam an kawl cuahmah lio a si. Cozah nih dornak asiloah kilvennak a kalpi ningcang (government asylum system) caan sau deuh a dir khawhnak dingah, riantuan tinak cu thok cuahmah a si cang. Hi thil sining ahhin ralzam huhphenhnak le kilvennak phunglam le phungphai hna, cun UNHCR nih mithar a cohlannak le Ralzam Sinak Biachahnak (RSD) kalpimi le riantuan ning hna hi cozah riantuantu hna cu an i fiang cang.
Mah minung pumpak bakin rak zoh ve hrimhrim hi training chungah aa tel vemi a si caah interview a phimi nih interview a phitmi hi zeibantukdah a si tiah rak zoh ve dingin cozah riantuantu hna cu UNHCR zung ah rak ra dingin UNHCR nih a sawm cang hna.
Zungluhnak (reigistration) le RSD interview an phit lio cozah lei riantuantu hna nih anmah minung pumpak hrimhrim in rak zoh dingmi hna hi 2022 March 7-11 ah khin UNHCR nih timhtuahnak a ngei i, hika ram ah ralzam sinak a sawkmi ram dihlak chungin interview a phi dingmi hna hi a minung in thim an si lai i, mah cu thimmi minung hna cu Zungluhnak (registration) le RSD interview an phit lio cozah lei riantuantu hna nih anmah minung pumpak hrimhrim in an rak zoh ve dingmi hna kha a lungtlingmi an si lai. Interview phi dingin thimmi minung hna cu thil sining chimh le mahhi riantuannak sining le konglam hna hi chimhfian hmasa an si i, interview an phit tikah cozah lei riantuantu hna nih anmah minung pumpak hrimhrim in an rak zoh ve dingmi hna an lungtlin le tlinlo kha duhthimnak pek an si.
Registration le RSD interview hna hi cozah lei riantuantu hna nih an tuah hna lai lo i, interview a phimi hna kha anmah nih zeibantuk biahalnak hmanh an hal hna lai lo. Cun, RSD biachahnak tuah tik zongah cozah lei riantuantu hna hi an i tel lai lo. Tuah zungzalmi le zulh zungzal tawn bantukin midang sinah va chim chin lo ding le a lengah chuahter lo ding kha mahhi interview ah aa telmi minung paoh nih zulh dih dingin tuanvo an ngei.
Cozah nih UNHCR riantuan ningcang tha deuh in an lungfian le an theih khawh deuhnak ding, a donghnak ah Malaysia ah a ummi ralzam dirhmun le sining cozah nih a tawlrelmi bawmchanh le dirhkamhnak caah le ralzam hna huhphenhnak le kilhkamhnak caah mahhi riantuannak hi a biapimi an si. Ralzam hna dirhmun le sining, ralzam hna nih zeicaahdah an ram an chuahtak i Malaysia le vawleicung pumpi ah huhphenhnak le kilhkamhnak an herh timi kha cozah riantuan hawi hna nih dikthliar deuh in an theihfian khawhnak ding a bawmh hna lai.