ပရေင်ပညာ

ပရေင်ပညာတန်ဒစးဒုင်ကောန်ၚာ်

ပရေင်ပညာတန်မူလ

ပရေင်ပညာကဆံင်တန်လ္ဒောဝ်

ပရေင်ပညာကဆံင်လ္ဒောဝ် / တန်သၠုင် / ကဆံင်လ္တူ

ပရေင်ပညာပဵုတုဲကဆံင်သၠုင်ဝွံ ပရေင်ပညာကဆံင်လ္ဒောဝ်၊ ကဆံင်တတိယ ဟွံသေင်မ္ဂး ပရေင်ပညာကဆံင်သၠုင်လေဝ် ကော်ခဴမံင်ကီု မဒှ်ရ။ ဣဏံဂှ် ဒှ်ပရေင်ကတ်လ္ၚတ်ပညာ မလုပ်သၞောဝ် ကဆံင်လက်ကရဴအိုတ်မွဲဒှ်တုဲ သီုဒှ်ဒၞာဲကောန်ကွးဘာဂမၠိုင် သ္ဂောံရုဲစှ် နဲကဲဂၠံင်ဍာန် ပရေင်စိုန်သ္ကီု မချိုတ်ပၠိုတ် မသ္ပကဵုဏာကောန်ကွးတံ တၞဟ်နသ္ဂောံဒုင်ကေတ် တဆိပ်ကြာဒဳဂြဳမွဲမာန်တုဲ ကဵုဏာဇြဟတ်ဓရိုဟ် ကမၠောန်ဂယျိုင်လမျီု ပ္ဍဲနဲကဲဂၠံင်ဍာန် နဒဒှ်တၠပညာစိုန်သ္ကီုမွဲတၠ မဒှ်ရ။

ကောန်ဒှ်ဒဒိုက်ဂမၠိုင် ကေုာံ ညးစ္ၜုဲစ္ၜော်အခေါင်ဂီုကၠီုဂမၠိုင်ဝွံ တၞဟ်နသ္ဂောံတိုန်ဘာကတ်လ္ၚတ်ပညာ ပ္ဍဲဘာခဝ်လုက်အလဵုအသဳ ကေုာံ ဘာတန်ကဆံင်သၠုင်အလဵုအသဳ ပ္ဍဲကၟိန်ဍုင်မလေဝ်ယှာဂှ် ဟွံကလိဂွံအခေါင် မဒှ်ရ။ သ္ဂောံလုပ်စိုပ်ကဵု ပရေင်ပညာကဆံင်သၠုင် ကေုာံ အစဳဇန်ပရေင်ပညာကဆံင်သၠုင် ပ္ဍဲဘာခဝ်လုက်ဂမၠိုင် ကေုာံ တက္ကသဵုပုဂ္ဂလိကဂမၠိုင်ဝွံ လၟိဟ်သၟတ်ကောန်ဒှ်ဒဒိုက် မအောန်အောန်ညိညဓဝ် သၟဟ်အစောံမဒှ်ရ။ ၜိုန်ရဘာခဝ်လုက်ဂမၠိုင် ကေုာံ တက္ကသဵုပုဂ္ဂလိကဂမၠိုင် ကေတ်စရိတ်ဘာ ပဵုတုဲသၠုင်ကီုလေဝ် လဆောဝ်လဆောဝ်မ္ဂး သွက်ကောန်ဒှ်ဒဒိုက်ဂမၠိုင် ညးတံရေင်တၠုင်ကဵုမံင် သကဝ်လာယှေပ် ကေုာံ ဖျံဖျေံၚုဟ်စရိတ်ဘာနွံ မဒှ်ရ။ ယူအာန်အုက်ချ်သဳအာ ဒက်ပ္တန်လဝ် ပရေင်ပံင်တောဲကမၠောန်မွဲစွံ ကရောံဘာခဝ်လုက်ပုဂ္ဂလိကဂမၠိုင် ကေုာံ တက္ကသဵုပုဂ္ဂလိကဂမၠိုင် မပ္တံကရောံ Brickfields Asia College (BAC) သီုကဵုဂကောံပရေင်ပညာ(Education Group) မသ္ပကဵုပရေင်ချဳဒရာင်ဍာံစၟတ်မွဲ မဒှ်ရ။ သွက်တင်နင်ပဵုတုဲကလိဂွံမာန် စပ်ကဵုတန်ဗ္တောန်ဂမၠိုင် ကေုာံ အခေါင်အရာမကလိဂွံမာန် ပ္ဍဲ BAC ဂှ် သ္ပဂုဏ်တုဲ လုပ်ဗဵုရံင် ပရေင်ချဳဒရာင်ဍာံစၟတ်ညိ။

တၞဟ်နသ္ဂောံသၠုင်ပ္တိုန် အခေါင်အရာကတ်လ္ၚတ်ပညာ နူကဵုပရေင်ဆက်စၠောံ မကတ်လ္ၚတ်မွဲကဆံင် နဒဒှ်ဗီုပြင် ပရေင်ပညာကဆံင်သၠုင် မသုင်စောဲ ကွတ်ပညာဂတာပ်ခေတ်တုဲ တၞဟ်နသ္ဂောံပံင်ဖျပ်ပကောံ ပရေင်ကတ်လ္ၚတ်မုက်ကဵုမုက် ကေုာံ ပရေင်ကတ်လ္ၚတ်အန်လာင်ဂှ် UNHCR ရုန်ဂ္စာန်လဝ်တုဲတုဲ မဒှ်ရ။ ဣဏံဝွံ သ္ပကဵုဏာဇြဟတ်ဓရိုဟ် ကုကောန်ကွးဘာ မတန်တဴဒၟံင် ပ္ဍဲဒေသဇမ္ၚောဲဂမၠိုင် ဟွံသေင်မ္ဂး ညးမဟွံကလိဂွံအခေါင် သ္ဂောံလုပ်စိုပ်ကဵု ပရေင်ပညာကဆံင်သၠုင် မဆက်စၠောံဏာကဵု ဘာတက္ကသဵုကဆံင်လ္တူဂမၠိုင် မဒှ်ရ။ သ္ပပ္တံနူ 2010 တေံတုဲ ကောန်ဒှ်ဒဒိုက် ညးမကတ်လ္ၚတ်ပညာ ၜိုတ် 25,000 လ္ပာ်လ္တူ ပ္ဍဲ 23 ကၟိန်ဍုင် ပါလုပ်မံင် ပ္ဍဲအစဳဇန်ကတ်လ္ၚတ်ပညာ မဆက်စၠောံလဝ် ပ္ဍဲဂၠံင်ဍာန်ပၠာတ်ဝှမ် Coursera မဒှ်ရ။ စပ်ကဵုကောန်ဒှ်ဒဒိုက် ညးတန်တဴမံင် အလုံမွဲဒမြိပ်ဂၠးကဝ်ဝွံ နူဒၞာဲလဵုမွဲဒှ်ဒှ် သ္ဂောံလုပ်စိုပ်ကဵု Coursera သၟဟ်အစောံမာန်ဂှ် သ္ပဂုဏ်တုဲ လုပ်ဗဵုရံင် တင်နင် Coursera ညိ။