UNHCR ré (Osman, Maikel yá Bo Bo Selai namor) uggwá manúic or repouth faiyé zibá yé UNHCR or Duara Bocótígorá Yunít yáni “Resettlement Unit” arde Doftórgorá Yunit yáni “Registration Unit” ólla ham goré hói dabigoré. Manúiccwá ye refúji arde sáara-tuwouya ókkol oré “WhatsApp” loi taaluk goré ar doftórgoríbólla arde duara bocótígoríbólla UNHCR or epoáinmén arde intarbyúr laingorí dibohói RM 10 thiañ óité loi RM 300 thiañ fójjonto tóp-áp gorídibólla hoó. Zana asé dé fún nombór ókkol zuún fókkor gwá ye estemal goré úun óildé 013-4005306, 011-25515774 yá 011-68342928. Onorá efún ombór ókkol óttu faiyódé ókkol mésseij or juwab nofírái bólla ar íiyan ót díyan nódi oré haçifélái bólla mocuwara diyazar. Aró, manúiccwá ye UNHCR or soñíjja dé íiyan buzáibólla UNHCR or torfóttu diya estáf ókkol oryá estók or fotú ókkol foñósa. Íbayé tará ré modot gorífaribó hói, íbar cíkar óiye dé mancóré aró zaatí maalumat ókkol arde tarár UNHCR or foriso dokumén or fotú ókkol fatáitó hóo.
Iiyan ekkán zali ham yá dúkabázi. E manúiccwá UNHCR ólla ham nogoré.
Añára ehotá gan oré iyatgoráidi zúrditam sai:
- UNHCR or ókkol hédmot féri yáni maana.
- Tuáñrtú tuáñr keis or Rejistar ólla, Refújir Tobkar Mosbut Fáisela yáni RSD’lá, Duara-bocótígoráibólla, yá zehonó UNHCR or hédmot ólla UNHCR or estáf yá zehonó mancóré thiañ diya noforibó.
- Tuñí tuáñr keis or Rejistar , RSD, Duara-bocótígorá yá zehonó UNHCR or hédmot jóltí fai ólla UNHCR or estáf yá zehonó mancóré thiañ diya noforibá.
- UNHCR or zehonó estáf zodi refúji ókkol óttu thiañ luwat cámil asé dé íiyan sóbut óiye dé óile, fóurán tara ré ham óttu félaidi fulíc ót repouth gorá záibo.
Añára onoráré iín or baabote sáñt dibólla dorháas gorír:
- Húñcíar tákíba omanúic ókkol óttu zará UNHCR loi háas taaluk asé hói tuáñré intarbyu ókkol, duara-bocótígorá yá zehonó UNHCR or hédmot gorídibó hói thiañr dabigoré.
- Tará ré tuár zaatí maalumat yá fotú ókkol cíar nogóijjo.
- Tuáñr fémilír, fúáijjar yá koum or mancór zehonó maalumat tará ré cíar nogóijjo.
- Zodi tuáñré endilla manúic ókkole taaluk gorí accé dé óile, éhón-éhón fún kóol yá hotá hótóm góro
- Fulíc or háñsé repouth goró.
- E fórom mwá estemal gorí UNHCR ót repouth goró.
Zodi tuñi cubá goródé índilla hamhoros ókkol or repouth UNHCR ót góijjo dé óile, tuñar foriso ré zahér nogoríbó, tuáñr UNHCR or kaád ganó kensél noibó ar tuáñr keis sán or karwaiyi gótté deri nogoríbó ar bonó nogoríbo.
Nisóttu késsú fotú arde eskrínsót asé ziín fókkorái lói taalukat asé ar manúiccwá nam óil dé Osman, Maikel yá Bo Bo Selai.
UNHCR or karwaiyi, modot arde dúka ar marihóon or hélaf folósi ókkol or baabote aró maalumat faibólla, meérbanigori “Refugee Malaysia Website” or “Farud and Corruption” or sábbar háwalat zai soó.
Osman or sáñte hotáttara hoil dé sóiyi eskríncót ókkol(Zaatí maalumat arde forisor banuwati gorágiyé)
Nomuna estók/áam fotó ókkol zin oré cíar gorágiyé:
