Uzir-e-Sehét é elan goijjéde ki refúji, sáara tuwoya ókkol ar habosfonna sára manúic ókkol, KOVÍD-19 ór fúk marbellá basí luwagiyéde hókumotor ar húsusí klínik ókkol ót ehón zai faribóu. Liís ót diyagiyéde klínik ar hóspital ókkol lói hon kisím ór fúk moujut aséde ar tará dorhoicca ar dhoóñr manúic dunú dhoillar lá fúk marene no nomare yían ór uore tuáñrtu cek gorísaibár zorurot óitfare. Fúk maróon nán óilde maana.
Zehonó manúic zibá aijó KOVÍD-19 ór foóila foijjal yáto dusára foijjal mariboude óile, liís góri diyagiyéde klínik ókkol ót uggwá din-tarík faibellá zukazuk goróon saá. Eçé uitará yó moujut asé zará uggwá foóilar foijjal mari faijjíil mogor dusára foijjal or din-tarík óre loot nóofa.
Meérbanigorí, tuáñr din-tarík ór mouka faibellá honó ekkán klínik ór hañsé koól yáto ímeil foóñso. Tar fore, fúk maribellá, din-tarík diyagiyéde din ot klínik ót zoo. Uggwá din-tarík náide manúic ókkol óre khédmot gorá nozaibóu.
Moujut aséde hókumotor ar húsusi klínik ókkol ór liís óre yoñótsaázaibou