Furagorár Rasta Ókkol
Furagorár rasta ókkol óilde refúji arde sáara-tuoya ókkol ólla duara-bocótír mouka sára tesára ekkán dec ót góli tákibor héfazot asé de rasta ókkol. Fóttí ek decé éndilla mouka ókkol or zoriya loi kobul goríbólla tarár nizor corót ókkol lagaiyé. Refúji ar sáara-tuoya ókkole UNHCR or háwala sára daárík dorháas gorífare. UNHCR or kirdar óil de háñsa mouka ókkol, corót ókkol arde dorháasgorár karwaiyi ókkol sóron. UNHCR e mouka yiín ‘ólla, mancóre yá dorháas ókkol or háwala nogore.
Becírbág furagorár rasta ókkol ót dorháas diyar cúraugorár ham tecára dec ót asé de fémilír membór yá fuáñíjjattú goráfore. Zodi tuñí honó ekkán furagorár rasta yá frugram ót mon diyó de óile, tesára dec ót asé de tuáñr taaluki manúic cwá ré refúji ré modot goré de tarár dec or hókumot yá hókumot noóide tonzím(NGO) ókkol ót zaibólla arosgoro. Zodi dorháas ekkán zoma diya giyé dé óile, émutaálek émbasi/ hai comicenar or torfóttu modot soó.
Malaysia’rtú Nelizon or Hédayot
Zodi tuáñr furagorár rastar dorháas Australia’r lai góijjce de hóile meérbanigori UNHCR ofis loi Cómbar óttu Cúkkurbar e(beinna 8 wáttu ázinna 4 wá) bútor taalukgori Malaysia’rtú tuñí keéngori nelizaiba de yían zanilo.
Zodi tuañrtú Australia sára oinno decólla furagorár rastar dorháas fañs óiye de óile, meérbanigoti Hézorot or Decbidec or Tonzim (IOM) loi taalukgori tará tuáñaré hontorika loi tesára decólla nelizaibor arde ruwana óibor modotgorí farbó de yían zanilo. Tuñi yian IOM Kuala Lumpur ót +603 9235 5400 loi taalukgori gorífariba yáa IOM Ofis ót, Cómbar óttu Cúkkurbare (beinna 8 wáttu ázinna 4 wá.) bútor aáifariba.
Zeñtte UNHCR yáa IOM ót aiba, tuáñrtú dorháas arde góiccé de yían or baabote ókkol modotgari habosfonna dehónor zorurot hóibo, ar tákede óile zehonó ofis or foriso arde sófor or taaluki dokumen deháforibo, mesal etebare- tuáñr decór paásput arde gosíbo de decórtú diyé de víza. Ahámiyot: UNHCR yáa IOM or hañse noaibór age flaith thiket nokiniyo. Malaysia’rtú nelibar age tuáñrtú bohót tobka amól goráforibo ar yíin tuáñr acárgoíjjo de émutabek noóile, tuáñr flaith tiket borbat zaibogói. Aróo, IOM e tuáñré nelizaibor modot ólla, IOM tuáñre mukommol báfe fláith tiket kinidi oré buúkin goridouya wónforibo.. maani modot ólla IOM or pekéij ót fláith tiket ókkol kini oré buúkgorí diyon gan hámaká cámil táibo. Ahérittu, UNHCR yáa IOM loi mulakatgorár age fláith tiket kinon yáa buúkin goron gan or maani óilde tesára ekkan decót kaanuni torikaloi tákar mouka háiraifelon.
Fémilí Duara-éttehat-óon
Lamattú liís gorá giyé dé dec ókkole refúji ókkol ólla fémilí duara éttefák óibor mouka deé. Zodi tuáñrtú tuáñr egena ek zon nisóttu asé dé dec ókkol or bútóttu zehonó ekkán ót asé dé óile ar tuñí uggwá fémilí duara éttefák óonor program or zoriya tarállói mili bólla tará tuáñré hóndila gorí modot gorífáribó dé íiyan záinto soó sé óile, aró maalumat ókkol faibólla émutaalek dec or nam ót kliík góro.
Canada’r Refújir Praivéit Esponzarcíp(PSR) Frugram
Refújilla Canada’r Praiveit Esponzarcíp (PSR) frugram loi uggwá decóitta yá hámica bácinda ókkol e refúji ókkol oré Canada’t zaibor modot gorífaribo. Maalumat ókkol Canadian Government arde UNHCR Canada’r websáit ót faáza. Frugram or baabute tuñí aró Yutúb vídyu ókkol saáitfaro:Refúji ókkol or Privéit Esponzarcíp: Hóbor ókkol loilo!
Lékin, meérbanigori nuth gorába de ki, Immigrecén, Refúji arde Sithízencíp Canada (IRCC) ye PSRM frúgram or matahátit fañs zoinna grúp arde Kommunithi Esponzar diya toitta bon raikké. E usul lan 2025 dizembar or 31 tarik fóijjonto tákibo. Esponzarcíp or Razinama Faiyéde Yítara ré eruká yiané hóti nogoríbo. Aróo maalumat faibolla, meérbanigori zaisoó: Temporary pause on intake of refugee sponsorship applications from groups of five and community sponsors – Canada.ca
Héñtte, bongoríbar age Malaysia’r UNHCR e “Grúp of 5 (G5)” or esponzarcíp dorháas góijja accíl de yíinor refújir tobkar sóbut ólla aros ókkol faát accíl. Meérbanigori iiyán kíyal góribá dé Malaysiar UNHCR re éndilla sóbut yá honó ciñçí ókkol nodé. Yían or bodalat, Canada’r hókumote G5 loi dorháas ókkol góijje de mancór refújir hálot oré sóyi né cekgoré daárík UNHCR loi.
USA’r Priv’eit Esponzar Frugram – Welkam Kórps
Amerikar Hókumot e U.S ót refúji Gólaibor Frugram(USRAP) oré tíyagoráirakíbo hoi elan góijje. Yiané yoo Wélkam Króps karwaiyir refúji ókkol oré hóti góijje. Aró maalumat ólla eçé kilíkgoro.
Australiar Húsusi Insáni Program (SHP)
Australiar decóitta ókkol arde tarár koum ókkole Australiar Húsusi Insáni Program (SHP) loi refúji ókkol ore Australiat zaga fáildai zaibólla modot gorítfaré. “Australian Government” websáit ót aró maalumat ókkol faáza.
Laayek óiye de refúji ókkol oré esponzarcíp karwaiyi loi modotgorí zaibólla, UNHCR Malaysia ye Australia’r Hai Komicén loi taaluk zari ráikke.
Tesára Decót Elom or Mouka Ókkol
Kessú furagorár rasta ye refúji ókkol oré tesára dec ót tarár elóm ore torkigoríbor ejazot de. UNHCR Mouka Ókkol or platfórm e refújilla asé ar monzur góijje de uoror elóm hásilgorár frugram ókkol, eskil baróon or frugram ókkol, arde fecá torkigorónor frugram ókkol or ekkán liís diyagiye. Platfóm ót liís gorágiyé dé fóttí uggwá program UNHCR ré sóiyi né cék góijjé. Zodi tuáñrtú Malaysia’t yáa oinno dec ót tuáñr forá ré aró barái bor mouka ókkol tuaibor mon asé de óil, eçékilíkgoro.
Meérbanigori iiyán kíyál góribá dé, UNHCR re forouya fuandor vízar dorháas ókkol ólla modot nogoré. Zodi tuáñré Malaysiar bairór univarsiti ekkáne kobul góijje dé óile, tuáñr forouyar vízar dorháas goríbólla meérbanigori girós decór émbasi yá hai komicén loi taalukat goró.
Mozurír Hórkot
Aró mukómmol rasta ókkol ót mozurír hórkot yáni ham or baabote lorasorar program ókkol cámil áse. Endilla keis ókkol ót, refúji ókkol oré tesára ekkán dec or kumfánittú ham ólla zañse ar sóforgorí dec yían ót gólibor modot faá.
Kessú tonzím, zendilla ne ki Talent Beyond Boundaries arde TalentLift (Canada) ye, refúji ókkol oré moukade taaké onlain ham or tojurba háselgóri tesára dec ókkol ót ham or dorháas gorífare. Meérbanigori núth goríbá dé kí eham or zaga ókkol kúb becí zítazitir óo.
Címanar Bairé Telen(CBT)
Aró becí kouka ókkol faite, meérbanigori “Talent Beyond Boundaries’ Opportunities” hóodé sábbat zai dekó. Háas késsu moukar dorháasgorí bólla, tuáñrtú Talent Catalogue ót rejistargorí baade mouka ókkol or sábbat wapes aáforibo. Meérbanigori núthgoríba de ki Talent Beyound Boundries or onlain plathfórm ót rejistargorá arde TBB’r hédmot ókkol estamalgorá furafuri fréé.
TalentLift (Canada)
“TalentLift (Canada)” uggwá laf nogoré dé dec-bidecór ham ót luwar agénsí zibá Kenedar hamdouya ókkol ore refúji ókkol ore keraiya goribór modot goré. Dec-bidecór hamor ummítwar or grúp ót gólibólla arde eskilwalar víza faibólla, ummítwar ókkole “”talent platform” ót rejistar gorífaribó.
Núth: Talent Beyond Boundaries’ or onlain plathfórm ót rejistargoá arde TBB’r hédmot ókkol fotti dorháasdoiyalla frée.
Train-To-Hire Pilot Project: Australia’t Hamor Manúic Doonor Rasta
“Train-To-Hire” or uggwá plaith projek or uore UNHCR arde IOM e ékkufúañtí hamgorér, zibayé eskil asé de refúji óole ruzgar or mouka faibólla hamor manúic dibar rasta tuwar.
Projek yibar moksút óilde basí loiyé de ummitwar oré eskil or tennín di Australia’r kessú háas sektar ót ham ólla toiyar goríbo.
Meérbanigorí zanirakóo:
-
- Sékcen yian or karwaiyi ehóno cúru nóo.
- Añára ehón dorháas yáa dil or arzu ókkol nogosír.
- Yibá uggwá pailoth cúruwat de yían ólla, sríf ulfo mancóre amól luwaaibo.
- Ehónor hálot or maze, emoukar baabote inquari goribólla meérbanigori UNHCR yáa IOM ot noaicco.
Lagibó de eskil arde kabiliyot ókkol or tafsil faágilé cíar gorázaibo. Apdéit faibólla websaith yibá ré lagatar sekgoríbólla añára tuañré zurdir.
Yian nuthgorá zoruri:
-
- ‘Train to Hire’ ót cámil óon nan maana.
- Basí bólla yáa húsusi taalukat faibólla honókiya thiañ dinofaríba.
- Frugram yibat gólibar bodolat zodi honókiya thiañ saár de óile, yían dúkabazi ar fóuran repouth goronsa. (Fura tofsil oré Fraud and Corruption | Refugee Malaysia) ót soó.
- UNHCR re dúka, marihóon arde ókkol doilla hóraf bortao ókkol ólla thuthéli bordac nogore.
Hamor manúic loizon or oinno maalumat ókkol decór háas-has websait ókkol ót faá zaibo.
Australia: Eskillwala Refújir Hammwar Razinamar Pailoth
Canada: Maali Larasoragorár Rastar Pailoth (EMPP)
Furagorár Rasta Ókkol Or Mutaallek Jiníc Ókkol
Furagorár Rastar Ókkol Or Wébinar