Refújir Tobkar Mozbut Fáisela

Rifujir Tobkar yá Hástir Mosbut Fáisela yáni (RSD) óildé eén ekkán karwaiyi ziyan hókumot ókkole yá UNHCR re mosbut fáisela góre dé kí bainelakoumi yá dec-bidec or héfazot túar dé manúiccwá re dec-bidec or, elakar yá decór kaanun etebare uggwá rifúji hísafe báfa zaákí nozaá. Rifújir tobkar mozbut fáisela góribólla ráijjo ókkol or asól zímma asé dé óile yó UNHCR re tar húkum yá mendeit lói ore indilla dec ókkol arde elaka ókkol ót RSD gorífáre ziíné 1951 cón or Rifúji Boiçók or paati nóiyó yá zará ehóno fójjonto ekkan RSD’r karwaiyir hémayot ólla kaanuni arde tonzimwala hamor cokól kaayem nóogóre.

Malaysia 1951 cón or Rifúji Boiçók or paati noó dé íiyan ólla arde íiyan ót decór sáara diyar nezáamó nái dé íiyan ólla, UNHCR re nizor húkum lói Malaysia’t RSD gorífáre. RSD Yunit óile dé eén uggwá dipármén zibáttu eham mán goríbór zímma asé.