UNHCR or Ofís ehón óo eéñté áñçi aái golibellá nóo kúle.
Phase 2 of National Recovery Plan (yáni Deçóre Wapes torki goríbar Felán) ór Tobka 2 ar híbar ain-kaanun ókkol mouzin, UNHCR e Kuala Lumpur, Selangor ar Putrajaya’t asé dé refúji ar sáara tuwoya ókkol óre Ofís ór uzu aibellá zukazuk gorá cúru gorí fílle. Ek estéith ottú ar ek estéith ót sófor goríbar ejazot dilé, UNHCR re, Kuala Lumpur, Selangor ar Putrajayar baáre aséde oinno estéith ókkol óttu yó manúic zón zukazuk gorá cúru goribóu.
Siríf uggwá apuáinmén lói aséde refúji ar sáara tuwoya ókkol é, ofís ór uzu aái farit farede Zodi tuáñrttú uggwá apuáinmén nái de óile ar Kuala Lumpur, Selangor edde Putrajayat bútore notákoodde óile, UNHCR or hañsé nuaiccó.
Uitará, zará ré uggwá apuáinmén ollá zukazuk gorá giíl, hítara ré Ofís ór uzu aibellá uggwá tarík ar thaim diya zaibou. Tuúñi tuáñr apuáinmén ór tarík ar thaim aséde héndhillá, ekkán fakka goribár SMS gosí faiba. Tuáñrttú Reception Centre ót gólibar ejazot faibar agottú, e fakka goribár SMS oré hámahá dahá foribóu. Uitará zará apuáinmén ókkol sára UNHCR ot aiyé, hítararé héhon-héhon toratori wapes fíri zaiboilla huwá zaibou.
Meérbanigorí, monot raikkóo de ki, hárr thaim ot muk ór maás lagai raikkóo ar KOVÍD-19 ór SOP ókkol óre mani soilloo. Zodi tuáñrttú apuáinmén ór age yáto apuáinmén ór dín gaat gom nolágedde óile, ofís ót nuaiccó. Meérbanigorí, UNHCR oré zanai bellá, Rejisthrecén Hoótláin ót koól goróo, ar tuáñr apuáinmén óre ar-ekbar din-tarík lari diya zaibou.
UNHCR re honó hóborbattiri yáto ofís ót aái faribóu né nofaribóu híin ór bodolilé refugeemalaysia.org wébsáith ór zoriya zanai dibou, meérbanigorí iba ré thaim-e-thaim-e cek gorí saiyó.