Gaaltaai Dinmun Khentatna FAQ

RSD tawh kisai thudot taangpite

RSD icih in bang hiam?

K
C

Gaaltaai Dinmun Khentatna (RSD) icih in mi khat in gam tuamtuam, gamke ahihkeileh gam-minam thukhun nuai-ah gam tuamtuam in daal theih nadinga gaaltaai khat ii ngetna tungah saan huai hiam cih kumpi thuneihte ahihkeileh UNHCR lampana khentatna ahi hi. A gamke-te in gaaltaai dinmun khentat nading mawh puakna a neih hangin, 1951 kum Gaaltaai Kipawl Khensatna lianpi ah na kizom lo ahihkeileh a phamawh thukhun leh kipawlkhopna a paipi na kipan nai lo tua gamte leh gamgite nuai-ah UNHCR in RSD tawh kisai vaaihawm theih hi. 1951 kuma Gaaltaai Kipawlkhop Khensatna lianpi ah Malaysia kihel lo a, gambeel-siauna daan ding mun neih lo uh ahi manin UNHCR in RSD ii sep ding tawh kisai Malaysia ah vaaihawm sak hi. RSD icih in mimal khat tek ading a mimal paidaan ding gam tuamtuam gaaltaai-gambeel daal nading ngetna ahi hi. A deihna ahangin bang hangin mi khat a gam uh ciah kik ding lau uh ahiam cih theih nading sittelna ahi hi. RSD kamdotna hun sungah, gambeel-asiau pen tungah amau mimal taangthu leh dinmunte, bullphuh kician a omna hanga a pianna gam a nusiatna leh a ciah kiknop lona thudotnate kidongh hi. Kamdotna tungtawn pan muhtheih a genkhiat bulphuh leh tua ciangin pianna gam thu-leh-la dinmun tungpan gaaltaai mi khat in saan huai mah hiam cih a mimal thu tungtawn panin RSD Unit in ngaihsut sak ding hi.

Gaaltaai khat icih a kua hiam?

K
C

1951 Gaaktaai Kipawlkhop khensatna daan hileh gaaltaai khat hi cih a ngaihsut uh tua nu/pa in ama gam pan apua ah om hi ding leh ciah kik theih nawnlo/ a ciah kik noplona in minam vai, biakna vai, gam mi hihna vai, social kipawlkhopna khatpeuh ah ataang-mi hihna vai, ahihkeileh gamvaai muhdaan vai ah kibatlona hanga ciah kik ding launa-te kihel hi.

Taangpi-a bawlsiatna a thuak ahihkeileh taangpi taangta mai ah nasia taka nawngkai sakna a tuak (galkidona ahihkeileh kilang neihna) hanga pianna a gam uh a ciah kik theih nawnlote zong gaaltaai khat in ama ki saang hi.

Hih ciangtanate tawh akituak mite pen gaaltaai in kithei dinga, amau dinmuh uh pen thukhuntawh kituak in 'gaaltaai' leh RSD tawhkisai seplehbawlna akizawhna dungzui in UNHCRte ii thulela kepna ah ki ciamteh ding hi. RSD tawhkisai seplehbawlna akizawh masiah, mimal khatsim in dinmun pen 'gambeel-asiau' in ki ciamteh ding hi.

Nen niamna a thuak thu bulpi in gambeel-asiaute leh gaaltaaite anih tuak ading kisai a, cihnopna ah tuamtuam theihpih mihing suaktaakna thukhun ah mi khat a ciahkikna hangin bawlsiatna ahihkeileh kibawlsia ding, mihing bangin kituat lo ahihkeileh simmawhna thuak ding ahihkeileh daan kipia ding ahileh a gam ciah lo ding kingah hi.

Gaaltaaite leh gambeel-asiaute in a omna gam i thukhunte leh tawnziate tungah zataakna a neih tuak ding uh ahi hi. Azenzen in gaaltaai ahihkeileh gambeel-asiau khat in kumpi deihlo na khat a sep leh gamsunga om adang khatpeuh peuh tawh kibangin thukhun paidaan mah bangin amaute in zui ding uh hi.

Gaaltaai khat pen gam pem khat tawh kibang lo hi. Gam pem mi khat icih ciang amau utthu tawh a gam nusia in mun khat peuhpeuh ah teen nading kizawhna hi a, gentehna in nasepna, pilsinna ahihkeileh adang mimal ngaitsutna dangte ading cih bang daan. Mi khatpeuh in hih ngaihsutnate hangin a gam a nusiat leh amau pen gaaltaai khat hi loin gam pem khat ahi hi.

RSD Kamdotna

Koi bangin RSD niciam kamdotna ngah theih ding ka hi hiam? Abeisa kumte ah minkhumna ngah khin mahleng RSD niciam kamdot nadig ka ngah nai kei hi.

K
C

Gambeel-asiaute kiang pan ngetna laite a tam luatna hangin akua mapeuh adingin RSD kamdot nading niciam zah tuat sak ding pen piang theih lo hi. UNHCR in thukina panpih kisapna a neihte leh lauhuaina a tuak phadeuh ahi gambeel-asiaute, gentehna in Malaysia sungah lauhuaina nasia takin tuak, ahihkeileh kimat-kihen kikepna hanga lauhuaina a tuak, ahihkeileh a pianna gam kipuak kik dingte awlmawh masak zaw hi. Kisapna ai tuamte neih ahihkeileh kidaalna khatpeuh a neih lo gambeel-asiaute in RSD kamdot maa-in hun sawtpi tak ngaak ding uh hi. Gambeel-asiau khat in bang hun ciangin RSD kamdot nading ngaak ding cih ahun kiseh sakna om lo hi. RSD kamdotnate ahileh UNHCR ah minkhumna na ngah ani a kha, pianna gam, biakna ahihkeileh minam hinate in sai lo a, kisapna zui-in ahun kiseh sak hi. RSD niciam ading hong kiseh sak ciangin, UNHCR in siikkhau kihona (telephone) tawh kamdot nading ani a kha leh a hun te hong za sak ding hi. Tua ahi manin hong kihopih theih nadingin hehpihna tawh kizopna na thu na la-te ii website tungah bawlpha (update) den in. Kam hong letsak ding pasal ahihkeileh numei na deihzawk khat zawzaw a omleh hehpihna tawh phone hong kisap laitak in thei sak pah in. Niciamna na neih kei leh hehpihnatawh UNHCR Zindawnna Phualpi ah hong pai kei in. Niciamna na neih kei leh na lut ding hong kiphallo ding hi.

Niciamsa ka RSD kamdot hun tawh kisai ading ka kiging kholh ding khatpeuh a om diam?

K
C

RSD kamdotna tawh kisai kigin tuam ding bangmah om lo hi. RSD thu hong dongh-te in kamdotna tawh kisai nang hong hilhcian leh hong makaih ding hil. Hehpihna tawh UNHCR Vaaidotna Phualpi (Centre) ah RSD kamdot niciam hun sehsa ahi minit 30 maa-in hong pai un. Nong tun a zekaai aleh UNHCR in tua ni in kamdotna hong neih lo theih ding hi. Dan phal a taang ding mi na neih leh RSD kamdotna niciam hong saite kiang za sak in. Hehpihna tawh na UNHCR file sungah na khumsa leh minkhumna a ngahsa na innkuanpih khempeuh nong tonpih ding kisam hi, gentehna na zi/pasal/ leh tate. Na laikung na laidal khatpeuh peuh (na UNHCR laikung laidal aa kipan) ahihkeileh na thu tawh kisai in teh cih a na ngaihsut muhtheih dangte leh laite hong tonpih in. Na ni a tamzaw UNHCR Vaaidotna Phualpi (Centre) ah zangh ding cih hehpihna tawh kiging kholh in. Cisa nat' buuk vei-a khuh/gawl na ahihkeileh na omdaan nop na sak kei leh hehpihna tawh UNHCR Vaaidotna Phualpi ah hong pai kei in. RSD zum-a nasem pen sam ahihkeileh lai (message) khak in damlo na hina theihsak in, na niciam ani a kha adang hun khat hong seh sak nading gen in. Na damlona dinmun tawh kisai UNHCR in hong theihpih ding cih na ngaihsut aleh RSD kamdotna hong neih ding ahihkeileh hun sehna hong pia ahi UNHCR zum nasem kiangah, na domlona dinmun hanga kamdotna na zop zawh lona thu hong dongh te kiangah hehpihna tahw theih sak in.

RSD kamdot hun sungah kei bang hong ki dongh ding hiam?

K
C

Thudotna tuamtuam ahi a, nangmah hong kitheihpihna, mimal hihna leh innkuan taangthu, leh na pianna gam nong nusiatna ahangte leh Malaysia ah gambeel na siauna hangte hong ki dongh ding hi. Na thu (case) tungah a phamawh theih sakna kaaikhawm in thu khensatna khat piak theih nadingin kamdotna nai tampi bei dinga, ahih hangin khawl hun na ngeen theih ding hi. Dotna khatpeuh na tel kei aleh a dongh pen in honng geencian ding hi.

Kipawlkhopna ka mite in thu kiciante na geen hong kitheih pih nading lampi kingah bai hi, cih hong geen uh hi. Ka thu khauh lo ahi ding ka lunghimawh hi.

K
C

RSD kamdot hun sungah RSD kam hong donghte tawh seemkhawm leh na hina thumaan na piak ding na mawh puak ahi hi. Na hina thumaan leh na phuutkhaakte na geen ding thupi mahmah hi. A nung ciang UNHCR na paipih khialna hong kitheih leh, hih in na RSD thu sukha in buai sak theih hi.

Keima mimal thu leh la daalna leh muan huaina tawh kisai bang cih ding?

K
C

Na geen khempeuh muanhuai takin kikep sak dinga, nang phalna om loin apualam nasepkhoppih thumnate kiangah kihawm sawn lo ding a, cikmah hunin na pianna kumpi thuneihte kiang kihawm sawn lo ding hi. UNHCR in na thu le na la tawh kisai kipawlkhoppih thumna ah hawm sawn ding a kisap leh nang ii thukimna hong la masa phot ding uh hi. Thu le leh la-te leh laikung laidal khempeuh pen UNHCR hihdaan (system) na sungah bit takin kikeem ding hi. Kamdotna pen a aw tawh kikhum leh a lai in kigelhkhia dinga, dotnate leh dawnnate UNHCR in la ding hi. Ahi zongin kaihkhop thu le la daalna leh UNHCR zum nasem-te bit nading thu tuamtuam-te hangin UNHCR tawh kiho tuahna leh thudotna khatpeuh peuh pen aw khum (record) ding hong kiphal lo hi. Nang lampan maunhuai dingin mabaan zom theih, puahpha theih ahihkeileh na mimal hina thute nial theihna neih hiteh. Thu hong dongh pen kiangah zong muhna thu paidaan khatpeuhpeuh dongh theih hiteh.

Ka file sunga innkuanpih dangte thudotna a kinei tam?

K
C

Na RSD kamdot hun ciangin na file sunga a kihel mimal khempeuh, a picingsa leh naupang anih tuakin hong om ding uh kisam hi. Na file sunga om na innkuan dangte tungah kamdotna a mimal in kidongh theih ding hi.. Amaute in zong a zaak ding leh gambeel siau theihna neih hi.

Kamdot hun sunga kamletna tawhkisai bang cih ding?

K
C

Nang lampan lem na sak kampau khat tawh kamdotna neih theih ding tanh na nei a, na nget aleh UNHCR in kamphen khat hong vaaihawmsak ding hi. RSD kamdot hun sungah kamphen khat ii mawhpuak ahih leh RSD thu adong pen dotnate leh dawnkiknate bangbangin letsak bek ding hi. Kamphen in panpihna lam cih bang neih lo leh na thu kikhentatna ah panpihna bangmah neih lo hi. Khamphen zong muan huai nading kiciamna tawh kigak hi.

Azenzen in kam hong dong ahihkeileh kamphen kheek ding kisam cih bang ngaihsun khaleng bang cih ding?

K
C

Azenzen in kamphen tawh kihotuahna ahihkeileh kinialna dangte a om leh deih hunhun in kamphen kheek nading kingen thei hi. Nang lampan lungnop huai zaw na sak numei-pasal RSD kam hong dongh ahihkeileh kamphen adang khat na ngeen thei hi. Tua na kheekna hangin na thu na la bangmah sukha lo ding hi. Nang lampan gammi hihna, biakna hihna ahihkeileh minam hihna kibang lo RSD kam dongh ding khat ki ngeen theih lo hi. UNHCR zum nasemte khempeuh in panpih tuam a nei lo dingin letkip bulphuh nei a, tuaciangin amau hina in a vaipuak septheihna tungah thuzawh bawl lo ding uh hi. Thu tuamtuam hangin RSD hong dongh kamdotna na deihlohna adiak a om leh, hehpihna tawh RSD kam hong dongh kiang ah theihsak inla kamdotna na zopto noplona leh tua thu hoih taka atheih dingin amaute a encing (manager) kiang a tung dingin ngeen in. RSD a encing (manager)pen in athu hong ngaihsut sak dinga, na ngetna tungah kam hong dongh pen na kheekna ahang tuamtuam paubaanna a om kei leh kisaan sak dinga, ahih hangin kamciam kipia lo hi.

RSD kamdotna aman khitciangin

Kamdotna aman khitciang laikung laidalte aap ding kisam leh bang cih ding?

K
C

Hehpihna tawh kamdotna ah na laikung na laidal maan (origenal)te khempeuh hong keng in. Bangbang hita leh laikung laidal ahihkeileh theih sakna thu dang na puak nop a om leh RSD Unit lam, RSD Unit mlslurd@unhcr.org email ah laikung laidal a maan ahihkeileh teikhiatte (copy) khaak in. Hehpihna tawh email ah na case numbat, min leh phone numbat gial in.

RSD kamdotna ka man khin ta hi. Khensatna tawh kisai bang tan ka ngaak a kuul lai tam?

K
C

RSD kamdotna a zom ah, na thu (case) tungah ngaihsut sakna leh khensatna hong kineih ding hi. Telephone tawh hong kihopih in khensatna thu hong theih sak ding uh hi. UNHCR in a manlaang theih penin RSD thu khensatna hong neih ding a, ahih hangin hun paidaan ahileh mimal dinmun thu leh late tungah kingah hi. Na thu tawh kisai khensat nading theih huai kilawm thu dang a omlai a leh kamdot nading hong kisam kik theih hi. Lungduai tak leh nong telsiam manin ka lung uh dam hi. Na phone mumbat, na emailm na omna mun (address) ahihkeileh hong kizoppih thu leh late na kheel a leh UNHCR na theih sak nading thupi hi. Hiah meek in la na mimal theih sakna te update pha in.

Na ngetna lai na lawhcing a leh, gaaltaai-gambeel khat in nang hong kiciamteh ding hi. Na ngetna lai a lawhcing kei leh, hih khensatna tungah panpih ngetna na neih theih hi.

Thuumna leh hon kik nading paidaan ziate

Azenzen in RSD khensatna hong kinial bang hi leh amasa in bang cih ding hiam?

K
C

Na ngetna na lawhcing kei leh, khensatna ahang nang hong hilhcian ding uh a, khensat hilhcianna ahang lai khat zong na ngah ding hi. Na tungah khensatna hong theih sak khit ciangin UNHCR zum nasem in thuumna paidaan zia hong hilhcian dinga, tua ciang khensatna ah hong kinial zawh ni 60 sungin nang lampan thuumna nei thei hiteh. mlslursd@unhcr.org ah email tawh thuumna na khaak thei hi. Email pan Subject a cihna mun ah, "Nget Thuumna" (Appeal Request) ci-in at in la , na min, UNHCR file nambat leh na kizop nading phone nambat na zat laite lai tawh email pan khak in. Hong kipia ciangtan hun sungah nget-thuumna lai na aap man kei leh nget-thuumna khat ahun maa-a na aap manlona thu tuamtuam tawh nang hong kitelsiam lo dinga, UNHCR Malaysia ah na file kikheek ding hi.

Thuum ngetna lai ka aap khitciang bang lamen ding ka hiam?

K
C

Tuum ngetnalai na aap khit leh na thu hong kingaihsut sak kik ding hi. Thuum ngetnalai a aap khempeuh kamdotna bawl dingin hong kisam kik ding hi lo hi. Na file tungtawn pan a kingah thute leh thuum ngetnalai tungah khensatna khat kipia theih kha ding hi. Thuum ngetnalai sungah muh theih ahihkeileh thu thakte na neih leh na ngeen theih hi. Na thu (case) tawhkisai in RSD kam adongh leh kamphennate in koi bangin letsak cih na dot nop leh kingah hi. Thuum ngetna dinmun a tun leh, na thu (case) tungah khensatna hong nei masa-te sangin makaai adang in hong etsak leh hong zomto sak ding hi. Thuum ngetna dinmun ciangah na thu (case) hong ki etsak khitciangin a hoih lam ahihkeileh a hoih lo lam khensatna khat na ngah ding hi. Na thuum ngetna hong kinial sak nading dinmun na tun leh, na UNHCR file ki khaak ding hi. Hih RSD khensatna ah thuum ngetna na neih thei nawn kei dinga, tua in ngaihsutna nunung pen ahi hi. UNHCR laikung laidal khat beek hong kipia nawn lo ding hi.

UNHCR ah ka file kikhaak cih kei thu hong kiza sak hi. Bang hangin UNHCR in ka file khaak ahiam?

K
C

Bang hangin na file hong kikhaak sak cih ahang tuamtuamte om hi.

  • Thuum Ngetna Dinmun dongah, Na RSD thu (case) hong kinial sak hi.
  • Amasa khensatna ah nialna ngah cih hong kitheih sak zawh ni 60 sungin thuum ngetna khat na khak man loh man hi.
  • Malaysia na nusiat hang, na pianna gam ciah ahihkeileh gamdang khatpeuh na paina hang khat zawzaw hang hi kha ding hi.
  • Niciam sehna hun khat hong kipia thei lo, ahihkeileh na niciam hun sehna ah nang kah lo, leh anung ah hong kizaksak nading ngah lo ahihkeileh lungkim ding zah donga hilhcianna vaaihawm saklona hang ahi hi.

A ki khaksa ka UNHCR file koi cih leng hong kik thei ding ka hiam cih leh koi bangin UNHCR laikung laidal thak ngah kik thei ding ka hiam?

K
C

Hong kihon sak kik nadingin RSD Unit email ahi mlslursd@unhcr.org ah lai gelh kampau khat peuhpeuh tawh ngetna na aap theih hi. Email ii subject a cihna ah "Reopening Request: cih gelh inla, email laimal atna ah na min, UNHCR file numbat leh tulai taka na zat kizopna nambat kihel sak in.

RSD niciam na pelh khit nungah na file hong kikhaak sak ahih leh:

Bang hangin na RSD niciam (te) pelh na hiam cih na geencian ding kisam hi. Hon kik nading ngetna leh na niciam (te) na pelh khaakna athu lungkim huai taka gencianna na piak theih leh RSD Unit in enpha in thu hong laak sak ding hi. RSD Unit in na file hon kik ding hong khensat leh RSD kamdotna niciam thak khat kician takin hong pia dinga, hong sap a leh, bangh lametna a om to lai tam.

Azenzenin na file kikhaak sak ahih leh na RSD khensatna masa ah kisaang lo cih hong ki theih sak khit zawh thuum ngetnalai ahunciam sungin aap lo na hihman hi theih hi.

Bang hangin thuum ngetna a hunciam sungin laikhakalo cih na geencian ding kisam hi. Thuum ngetnalai a hunciam sung na khaak man loh na thu lungkim huai taka gencianna na piak theih leh RSD Unit in enpha in thu hong khinkhaai ding uh hi.

Na file kikhaak ahih leh thuum ngetna na thu (case) dinmun hong kisaang lo cihna ahi hi.

Panpih ngetna dinmun ciangah na thu (case) hong kinial sak ahih leh na file kikhaak hi a, UNHCR ah nang pen gambeel-asiau khat na hi nawn kei hi. Na RSD thu hoih tak kikhinkhaai khin leh nang pen gaaltaai-gambeel khat in hong kimu nawn lo hi. UNHCR ah na UNHCR laikung laidal na aap nading kisam hi. Malaysia ah na nuntaak khawsak nading dinmun ahihkeileh na ngaihsut geelna dangte khatpeuh nangmah khensatna a om bangin na pai theih ta hi.

Na RSD thu (case) hong kinial khin dinmun tung na hihleh hong kihon sak kik nading na ngeen thei a, na ngetna hong kingaihsut sak ahih hangin honkik nading na ngetna thu RSD Unit in hong etphat sakding hun sawtpi la dinga, na file kihong kik ding maw cih kamciam om tuan lo hi. Honkik nading ngetna na aap khitnak leh hehpihna tawh email na khaak sawnsawn kei in tua in na mabaan hong zekaai sak zaw ding hi. Thuum ngetna a nunung pen hong kinial khit ciangin file khat kihong kik thei hi:

  1. Na kipatkhiatna gam ah gaaltaai-gambeel dinmun ading na hih theihna hong sukha dng a kilangh tang kikheelna khat om hi.
  2. Na mimal nuntaknate ah gaaltaai-gambeel dinmun ading na hih theihna hong sukha ding a kilangh tang kikheelna khat om, ahihkeileh
  3. Na thu (case) hoih takin kikhensat lo/ ahihkeileh gaaltaai-gambeel dinmun ading kicing takin sittelna ahihkeileh enkhia loin, thu kituak leh muanhuai hi cih thu theihsakna thu thak ah kilangh khia hi.

Adang RSD-tawhkisai Dotnate

A dang gam ah kei pen gaaltaai-gambeel mi khat in hong kiciamteh khin hi. Hih Malaysia ah ka dinmun bang daan ahi tam?

K
C

Gam adang ah UNHCR in gaaltaai-gambeel khat hi cih mi khat a theihpih khit ciang UNHCR Malaysia in nang ii gaaltaai-gambeel dinmun kipsakna kong neih maa-un gam dang UNHCR zum pan thu leh late sittelna neih ding kisam hi. Hih in hun bangtan ahiam khat bei ding hi. Malaysia UNHCR ah nong aap, adang UNHCR zum pana na file, thudang dangte leh laikung laidal in mabaan nasepna manlaang tuam sak ding hi. UNHCR zum dang pan tua bang na dinmun kipsakna thu leh late ka ngah khit ciangun, nang pen gaaltaai-gambeel dinmun ding mah ahiam cih kipsak theih nading thu leh late gawmkhawmin, kamdotna kong neih lai ding uh kisam hi.

Danphal ngaihsut piakna leh palai koi ah mu thei ding ka hiam?

K
C

Siamna a cin danphal palai khat nangmah sum bei-in ahihkeileh pro bono (man pialo) kipatna tungah nasepziate na zangh thei hi. Danphal palai zatnopna na neih leh lai gelh-in na zangh thei hi. Na taangin palai hong sep sak ding leh thu neihna na piak nu/pa ii a kiseh vaaipuak tawh cian takin a min pia in. Na ngetna lai na aap lai takin hih hih theih thuneihna belhkhawm (attach) in.

(AMM) a kici Malaysia ah Gambeel Paidaan

Dan phal panpihna (legal assistance) na kisap leh, AAM in hong huh theih hi. AAM icih in dan phal panpihna leh RSD paidaante taanga geel sakna ahi hi. Hih in UNHCR leh Malaysia Kumpi tungah kinga ahi hi. Sepna khempeuh thaman ki la lo hi. Theih sakna dangte ading:

Hehpihna tawh AAM in sep theihna ciangtan nei ahihna leh a ngeen khempeuh tungah sep sak panpihna pia zo lo hi cih hong theihpih un. Tulaitak AAM niciam neilo in pai theihna kihong nai lo hi. Niciam ading AAM phone ahihkeileh email tawnin kizom thei hi.

UNHCR ka file sungah innkuan mimal thak-te ka khuum nuam hi. Amaute UNHCR ah min kikhum nai lo hi. Bang ci sep ding ka hiam?

K
C

Hehpihna tawh na file sungah innkuan mimal khak-te na khum theih nadingin hiah meek in.

Hih laimai tungah a kidawng lo dotna dangted ka neih hi. UNHCR in bang ci bangin hong huh theih ding ahiam?

K
C

UNHCR ah theihpihna na piak theih nadingin nialnate ahihkeileh buainate khatpeuh na neih leh hiah i website seh khiatna meek in tua ciangin a thu kituak UNHCR ka-hiang (department) in nang hong hopih theih hi.

Malaysia ah palik ahihkeileh thuneihte tawh bauina thupi khatpeuh na tuah leh Kepdetna (Dentention) Hotline numbat: +60126305060, Monday pan Friday nai 8:00 a.m. pan nai 6:00 p.m. leh Saturday pan Sunday nai 8:00 a.m. pan nai 4:00 p.m. ciang Mangpau leh Malay pau in kihopih theih hi.
Ahihkeileh hiah meek in ko ii website tungah mimatna khat leh kepdetna (detention) thu hong puak un.

UNHCR minkhum theih sakna dingin hiah meek in kisai hiah meek in
Cidam vaaihawm theih saknate tawh kisai hiah meek in
Nulehpa-Phulphuh Ngonghtatna (GBV) Suaktate theih sakna dingin hiah meek in
Naupangte Kepna tawh kisai theih sakna dingin hiah meek in

UNHCR nasepna khempeuh sum kila lo hi!

UNHCR nasepna khatpeuh in sum hong nget leh hih kizopnate (channels) khatpeuh ah pulaakna khat hong neih in.

UNHCR Malaysia i Lauhuaina, Kipumkhatna leh A Enkan Kipawlna (Oversight Team): mlslufrd@unhcr.org
Kheemna leh neek guukna-te hiah meek in online tungtawn panin lungkim lohna nong geen theih hi.

UNHCR’ i Sittelna Zumpi (IGO): inspector@unhcr.org

Phunciaknate khempeuh muanhuai takin kikep sak ding hi.

Sum pia leng, UNHCR pan RSD kamdotna na ngah theih diam?

K
C

Hi lo hi, na hih thei kei ding hi. UNHCR leh a kipawlnate sepna khampeuh pen sum la lo hi cih hehpihna tawh hong theih pih un. Mi khatpeuh ahihkeileh kipawlna khatpeuh in UNHCR ahihkeileh ama kizoppihte in sepna thaman sum piak ding hong nget leh muang kha kei in. Amau nang hong kheem ahi hi. Na sum na bei lawh dinga, kamdotna niciam khat zong na ngah kei ding hi. Zuauthu cihdan hong gen mite in na dinmun pan a meetdok theih nading azong ahi hi. Manh piaknate khempeuh pelh in. Nang hongzol nading in UNHCR tawh kizom ahihna thulela hong lak thei ding uh hi. Tuate um kei in.

Mi khatpeuh hong pai in UNHCR ah na case hong huh theih ning cih hong geen a om leh, hehpihna tawh UNHCR ah a manlaang in thei sak pah in.