UHNCR tawh Minkhumna

Gaaltaite kepna mun ah nasep kalsuan amasapen, minkhum bawlna ahi hi. Minkhumna ie cih pen ciaptehna, sittelna leh ngaihsut lung hihmawhpihte ie anunung penthu le late UNHCR ah theihsakna ahi hi.

UNHCR Malaysia ah koi ci minkhum ding

Refugee Malaysia website ah aki ngah New Registration form pan in minkhumna tawhkisai siau in hehpihna tawh hong aap un. Ngetnate khempeuh kisem kibawl ding hi mahleh hong ki aap tam lua mahmah ahihmanin, UNHCR in thakhat thu in hong dawng theilo ding hi. Hehpihna tawh minkhumna tawhkisai niciam UNHCR te hong piak, hongho ding ngak in. Minkhumna tawh kisai angak mimal tam mahmah hi, tua ahihman in sauveipi ki ngak hi.

Website pan in minkhumna tawhkisai ngetna khat na bawlkhit leh minsan nading ngetnate aap beh kik kei in. Tua dan a,hihna in nang leh midangte ading sep leh bawlna hong ziakai sak ding hi. Website tungtawn in minkhumna tawh kisai na siauhkhit aleh hehpihna tawh tua kizawpna (reference) nambat pen thoh (print) khia ahihkeileh kep ding mangngilh kei in.

Niciamna na neih kei leh minthak sanna lamen in UNHCR Zindawnna Phualpi ah hehpihna tawh hong pai kei in. Nang ading in niciam hong ki geelsak khit ciangin niciam pia dingin phone hong ki ho dinga, tua ban ah tua hong ciam ni leh ahun SMS tawh kipsakna hong nei ding hi.

UNHCR tawh Niciamna

UNHCR in niciamna ani pia in hopihna na ngah khitteh hong ki ciamni ading in na kiging khol thei hi. Tua na minkhumna tawhkisai hong ciamni in kua tonpih ding cih UNHCRte in hong theisak ding hi. Midang, na innkuapihte naleng zong UNHCR Zindawnna Phualpi sungah kilutsak lo ding hi.

Hong kipia niciam-ni teh UNHCR Zindawnna Phualpi pan asung nalut theih nading in, UNHCR zum nasemte kiangah SMS kipsakna na lak kul ding hi. Hong kiciam naihun sangin minit 30 alol zaw in hehpihna tawh hong tung in.

Gaaltaaite leh Gambeel-asiaute ii cidam ludam na ding geelna in niciamna nambat ciangtan kinei ahihmanin niciamna na neih kei leh Phualpi sungah hong ki lutsak lo ding hi.

Hehpihna tawh na tuithawl leh neek theih nengneng/an hong keng in. Phualpi mai ahihkeileh Phualpi sungah na omhun ciangin hehpihna tawh na paih ding niinte niinbungte ah paai in.

Minkhum bawl hun sungin nangthu nagenna ah thumaan leh thutaak nagen ding pen thupi mahmah hi. Avui-cinglo ahihkeileh amaanlo thulehla na gen leh na thu (case) ahoihlo lam hong tun thei kha ding hi. Na innkuanpihte ii theihhuai thu le la, amau nang tawh Malaysia ah om maw ahihkeileh leitung mundang khatpeuh ah om cihte khempeuh na gen ding kisam hi. Hiteng ah nupate, nu le pate (piannaleh/ahihkeileh hongkeemte), sanggam pasalte leh sanggam numeite (laiguikizoppih, nulehpa kibanglo, nulehpa ken, ii kepte), naupangte (ii sungpan-a piang, ii kepte, zi ahihkeileh pasal kente leh ni danga akiteenpih tawh a neih ahihkeileh mikhak peuh tawh aneih) cihte ki hel hi.

Aki-ngen Laikung-dalthupite

Na tangthu a dinga kisam laikung-laidalthupite a hi passportte, kuahiamcih kitheihna laidalte, kitenna laipite, nausuakna laipite, innkuallai ahihkeileh gammi hihna lahna laithupi, galkap sungnasepna laibu-neute, cidamna tawhkisai genna-laite, ni dangin, mundang UNHCR zum ah minkhumna na neihngei leh, UNRWA zum ahihkeileh gamdang kumpite tawh mikhumna na neih ngei aleh tua ciaptehna laite hong pua in.

Hehpihna tawh UNHCR- piakkhiat laikung-laidalthupi ahi hihnalakna card, Ngaihsutsakna Nuaiah aom (UC) laidal, niciamna card, hong kipiakna laidal tungah aom hong ciamni cihte hong keng hamtang in. Malaysia pan ahilo mundang UNHCR Zum pan hong kipia na ngah laikung-laidalthupite zong na puak ding ahi hi.

Laikung-laidalthupi Hinna-behlapna

Azenzen in UNHCR tawh minkhum ngahkhin in UNHCR laikung-laidalthupi ngahsa na hih leh tua na laikung-laidalthupi ahinna abeima in ahinna na behlap ding kisam hi. Ahinna abeima kaal nih sungin niciamna leh ahun ding SMS pan na ngah ding hi. Na niciam-ni hong tunma ni thum kisap in adang phawk kiksakna SMS na ngah ding hi. Ngeina paizia ahihleh na laikung-laidalthupi tunga om ahihna beini tawh kituak in niciam hong kipia ding hi.

Azenzen in na UNHCR laikung-laidalthupi ahinna beikhin napi SMS na ngah keileh UNHCR zum ah akiciamteh na phone nambat pen kizang thei nawn lo cihna hi. Na phone numbat/email/omna munte na khel hunhun un hehpihna tawh Refugee Malaysia website pan in hih Phone Number Update ahihkeileh Personal Information Update siauhnalai (forms) zangin hong theisakna (update) un.

Na UNHCR laikung-laidalthupi ahihna behlap nading niciamni in, ahinna abei laikung-laidalthupi atawite leh niciam anei mimalte bek UNHCR Zindawnna pan in asungah hong ki lutsak ding hi. Hehpihna tawh minkhumna angahnailo na meltheihte ahihkeileh na innkuanpihte hong keng/tonpih kei in: Phualpi ah amau ki lutsak lo ding hi.

Naungek Minkhumnading

Naungeek nei khinphet na hih leh tua na naungeek numei ahihkeileh pasal ii suahna minkhumna na bawlthei a, nausuah theihpihna laidal kumpithunei te ii Gam leh minam tawhkisai Minkhumna Panmun (NRD) pan na ngah thei hi. Naungeek suah khit ni 60 sungin na bawl leh NRD ah bawlman piak kullo hi. Bangbang hi taleh, ni 60 khitciang na bawl leh minkhumna tawhkisai ziakai man hong ki la ding hi. UNHCR in nau-ngeek suakthakte ading in Gamleh minam tawhkisai Minkhumna Panmun (NRD) pan in nausuah theihpihna lai angah ding gaaltaaite leh gambeal-asiaute kiangah nakpi tak in hanthawn hi, ahizong in hih pen UNHCR tawh nauminkhum theih nading in pelmawh akisam kalsuan zia hilo hi.

Nang pen UNHCR tawh minkhumna abawlkhinsa khat hi in, na UNHCR file sungah na ta na guan nop leh Refugee Malaysia website pan aki ngah Family Composition Change siauhnalai (form) pan hong aap in.

UNHCR Laikung-laidalthupite Mansakna

Na UNHCR card ahihkeileh Ngaihsutsakna Nuai ah omlai (UC) laidal na mansak leh Refugee Malaysia Website tunga om Report on Loss of Document siauhnalai (form) pan hehpihna tawh hong aap in. Website pan in laikung-laidalthupi mang ahihna thupuak na aap leh alaidal thohkhia in ahihkeileh ciaptehna nambat pen kem in. Kha khat sungin UNHCR in hong hopih dinga, UNHCR Zindawnna Phualpi ah napai ding niciam hong pia in, tuataang dinga laikung-laidalthupi khat hong thohsak ding hi.

UNHCR Laikung-laidalthupi

UNHCR tungtawn in minkhumna angah mimalte pen kepna kidalna a kisapna tawh kizui in UNHCR laikung-laidalthupi kipia a, tua laidalthupi tungah hih laidalthupi tawi pen UNHCRte’ kepna hunbitna nuai ah om hi cih na ahi hi.

Kuahiam cihlakna UNHCR laikung-laidalthupi in Malaysia ah thukhun hih ngeina tawh kituak in man anei hilo a, passport zongh hilo hi. Hih in kimat kihen lauhuaina akiam nading, cidamna tawhkisai nasepsakna te ciangtan ngah ngahtheih nading, pilsinna leh adang akisam panpih huhna nasepte UNHCR leh amau tawh nasemkhawm kipawlnate ahihkeileh adang nasemte kiangpan ngahtheih nading ahi hi.

Dotna Pawlkhat Om maw?

Theih behnop aom leh, UNHCR tawh Minkhum bawlna Akidong Zel Dotnate (FAQ) ah hong kikum un.