Gaaltaai kipawlna mimalte hopih in United States of America ah kha khat sungin na peemtheih nading un kong huh thei hi akici Devdass ahihkeileh Anjan minnei Malaysia mi pasal khat ie thu tawhkisai thupuakte UNHCR in ka ngah khin uh hi. Tua pa in ngetnalai form khat ading in 320 ngen a, tua ban ah siauhna lai aap na dingin adang RM 2,000 hi kici hi. Hih anuai a United States Citizenship and Immigration (USCIS) te ii lai pen amanlo akibawltawm leh, atungah United Nations logo aki behlap amanlo akibawltawm USCIS siauhnalai pen tua pa in gaaltaai kipawlnate kiangah khakkhia cih kithei hi.
Devdass ahihkeileh Davadass Anjan kiangpan hong khak lai leh siauhnalai pen US Kumpithunei ahihkeileh United Nations te ii thoh piakhiat na om nai lo hi. Hih mi pen UNHCR ahihkeileh USCIS nasem hilo hi. Hi pa pen UNHCR, USCIS tawh kizopna neilo a, US kumpithunei khatpeuh ii taangmi zong hilo hi. Tua pa in gampem nading vaihawmsak theihna ahihkeileh athute sepsak nading thuneilo a mikhat peuhkiang pan a mimal thu le late nget khuan neilo hi.
UNHCR leh USCIS in nang kiangah sum hong ngen ngei lo ding uh hi. US gampem nading vaihawmsakna khempeuh leh UNHCR te ii hong sepsak khempeuh manpiak kullo a, akhawnkhong hi. UNHCR ahihkeileh USCIS te ii nasep silbawlnate ah nathu amanlan theih nadingin ettheihna nei ing sum hong pia in hong ci, mite kiang pan kidawm in. Hih mimalte in na thu hong huzaap thei lo hi. Tua ahihman in, na mimal thulelate amau kiangah hawmsawn kei in.
UNHCR te ie hong sepsak nate ahi (UNHCR laikung-laidal thupite, minkhumna, gaaltaai dinmun khentelna (RSD), Gampem nading vaihawmsakna, etc.) na ngahtheih nading in hong huh thei ing ci a, sum hong ngen mi natuah leh thupuak bawl in:
- Palikte kiangah
- Hih contact form zangin UNHCR ah
Muanmawhhuai gamtatnate tawh kisai thupuak UNHCR ah nabawlna hangin na UNHCR card hong ki phiatsak lo dinga, nathu nala zekaai ahihkeileh hong ki khaksak lo ding hi.
UNHCR te ii nasep silbawlziate leh panpih huhna tawhkisai thu le la theihbeh nop aleh Refugee Malaysiawebsite ah sim in.
