Cidam Nasepziate
Malaysia a om akua mapeuh ading cidam kikep nasepziate om a, ahih hangin gaaltaai leh gambeel-asiaute in sum pia kha uh hi. Kumpi lam cidam nading vanzatnate, taangpi zatopite akipan, UNHCR minkhumsate leh gambeel-asiaute ahihleh gamdang mi laak zah 50% kingen hi. Gaaltaaite leh gambeel-asiaute in anuai-a NGO zatoneu-te kikan thei a, tuate in a niam zaw in la in, ahih hangin zato aap ding a kuul lo dawl khatna kep ding akisam cidam nasepnate ading bek ahi hi.
Anuai-a thu-leh-late panin gaaltaaite leh gambeel-asiaute in Malaysia ah kike masakna leh kikepzia thupi nihna (zato ki-aap akuul zaha buaina tuakte) koi bangin zom in kilak theih ding, gaaltaaite leh gambeel-asiaute in koi ah nau suak ding cih leh kumpi vaaihawm cidam nading vanzatnate tawh kisai gaaltaaite leh gambeel-asiaute koi penin sum la lo cih theih in kiginkholh ding kisam hi.
Dawl Masa Kikepzia
Dawl masa Kikepzia kisapna, abulpi cidam nasepziate Na ci adam keileh, dawl masa cidam kikepna tawh kisai zotoneu ah pai masa in. Na natcip gawmp ding dong ngak kei in, ahih hangin zatopi ah kikepna tampi kibei lawh thei hi. Tua dawl masa kikepna zatoneu-te in naupangte natdaal zatui kisutna, nau suak dingte kepzia, (naupaai nupite ading} naukhaamna, leh zunkhum sikhang cite kem hi. Dawl masa cidam kikepzia tawh kisai nam thum om hi.
- Kumpi Vaaihawm Cidam Nadinga A Kisam Vanzatnate-Klinik Keshihatan ahihkeileh Outpatient Departments (OPD) kumpi zatopite ah.
Hih kumpi vaaihawm cidam nading kisam vanzatnate in gaaltaaite leh gambeel-asiaute ading dawl masa kikep nasepziate vaaihawmsak uh a, ahih hangin UNHCR ah mimal minkhumsate adingin gamdangmi laak zah 50% tawh akikim, UNHCR ah minkhum nai lo te ahih leh abit in la uh hi. UNHCR minkhumsate ading kumpi vaaihawm cidam nading akisam vanzatnate in zatui zaha a piak uh ciangin adang gamdangmite tungah ni nga sung a piak ciang bek hi loin, abit in zatui zaha pia uh hi. Hih MoH circular lakin zatui zaha dingin ngetna nei thei hiteh.
- NGO zatoneute
Anuai-a NGO zatoneute in gaaltaaite leh gambeel-asiaute ading apoimawh kikep nadinga tawm theih penin vaaihawm sak uh hi. Pawlkhat-te amau tawh akinaai mobile zatoneute ah kilaak uh a, hehpihna tawh na omna veeng ah nang ading a lem zaw mobile zatoneute a om hiam cih amaute dongh in.
Hihte pen thu na kan thei nading NGO zatoneu minte ahi hi. Thu-leh-late na thei nop dang a om leh a tunga ameekna ahi’ teenna mun, phone numbat, email, sepna hunte leh nasepnate meek in.
- Jalan Pudu > Tzu-Chi Free Zatoneu
- Klang >Tzu Chi Free Zatoneu
- Selayang >Tzu-Chi Moble Zatoneu
- Brickfields > Health Equity Initiatives
- Brickfields > ACTS Clinic- Arrupe
- Sentul > Community Helth Care Centre (CHCC) / PT Foundation
- Sentul > HOPE Worldwide Free Clinic
- Butterworth > Klinik Mewah 6
- Ampang > Klinik QFFD – MERCY Malaysia
- Kajang > Klinik QFFD – MERCY Malaysia
- Selayang > Klinik QFFD – IMARET
- Kota Tinggi > Klinik QFFD – IMARET
- Sg Petani > Klinik QFFD – MRA
- Seri Kembangan > Klinik Amal Muhajir
- Subang Jaya > Klinik Kecheerian
- Private clinics (zatoneute)
Nang tawh a naai pen private zatoneu khatpeuh kikep masak nading om phial mah dinga, ahih hangin kumpi vaaihawm ahihkeileh NGO zatoneute sangin tam hong ngen kha zaw ding hi. Qualitas Health Group, Care Clinic leh Global Doctors (zatoneu omna mun linkte meek in) tawh a kizom zatoneute a kihel private zatoneute pawlkhat in gaaltaaite leh gambeel-asiaute tungah hehpihtakin apiak sumte khiam ding thukim uh hi. Hih bang zatoneute in ciaptehna laikung laidal-te, UNHCR laikung laidalte ahihkeileh laidal-te saang uh hi.
Kikepzia Thupi Nihna
Mi khatpeuh huaisiatak damlona nei in zatopi ah kikeem ding ahihkeileh kikheai ding a kisamte adingin kikepzia thu nihna kisam hi. Hih in zatui zaha kintak kisapna ahihkeileh lungsim launa ahihkeileh nasepna-ah liam, ahihkeileh amasa kikepna zatoneu in nang hong kem zo loin kikepna thupizaw ah hong sawlsawmna a geen ahih hi. Damlona ahihkeileh liamna hauisiatak a na tuak aleh amanlaang thei penin Emergency (AE) Department Zatopi ah a naai thei pen in muh sawm in.
Kumpi zatopite ah, UNHCR-minkhumsa gaaltaaite leh gambeel-asiaute in luutman MYR 50 piak ding kingen hi. Gaaltaaite leh gambeel-asiaute, zatopi ah damlona tawh kikeem dingin ki aapna anei dingte in khol sum dingin MRY 700-1,400 kikaal pia zel thei uh hi. Na dinmun na damlona tawh kisai bang zahtakin huaisia hiam cih zatopi-a a kingah kikep man in khol sum sangin zong tam bei zaw thei hi. UNHCR-minkhumsa gaaltaaite leh gambeel-asiaute dingin gamdangmi laak zah 50% kingen a, ahih hangin UNHCR laikung laidal a neilo mimalte tungah gamdangmi laak zah, abit in kipiasak hi.
Dawl Nih Kikepzia Ding UNHCR Panpihna
Gaaltaaite leh gambeel-asiaute adingin dawl nih kikepzia ding mantam mahmah hi. UNHCR leh kipawlpihte in gaaltaaite leh gambeel-asiaute adingin dawl nih kikepzia panpih thei nadingin ciangtan taangsumte (funds) nei a, deihkin luatna leh nuntak alauhuai zah zatui zaha kisapna a nei dinmunte panpih nading ahi hi. Dawl nih kikep nading panpihna na nget leh, UNHCR’ kipawlpih- Malaysian Relief Agency (MRA) ah panpih kingen theih hi. Hehpihna tawh anuai-a hotlines ahihkeileh email ah na cidamna tawh kisai zatui zaha dinmun laikung laidal-te MRA ah hong zasak un.
Email: socialworker1.mra@gmail.com / socialworker2.mra@gmail.com / socialworker3.mra@gmail.com
Call ahihkeileh WhatsApp in: +6017 450 9163 / +6017 507 8923 / +6017 706 7367
Hih hotline ahileh cidamna lam apanpih/NGO kipawlnate/gaaltaai-te leh gambeel-asiaute ading, zatui zaha kan nading leh panpih nget nading bek ahi hi. Hehpihna tawh hih hotline kizopna panin minkhum nading leh gampem nading-te HOPIH KEI IN.
Taangsumte (funds) kicinlona hangin, a ngen mimal phaza tawm bek kisaang ding hi. Saannate pen Health Referral Commitee khensat panpihna tawh zatui lam cidamna leh cidamna lam ahi lo UNHCR leh 3 NGOs-te taanga sepkhiatna pan hi.
Ciaptehna: MRA in kal damlote, kal kisia ngetnate tungah panpihna kipia zo lo hi. Lungtang kikheainate, angioplasty, leh cancer kikepnate ahikeileh taangsumte (funds) bangzah kingah cih theina tungah kizom thei bek hi.
Man kila lo a Kumpi Lam Cidam Nading Vanzatnate
Gaaltaai leh gambeel-asiaute in a taangpi-in kumpi cidam nading vanzatte ading gamdangmi ngetzah apiak uh hangin Cidam Nasepna tawh Kisai Panmun (MoH) in Malaysia sunga om cidam nading nasepna a ngen khetpeuh ading piasak khin uh hi.
- A kilawh theih natnate tawh kisai kikepzia
Gaaltaai ahihkeileh gambeel-asiau khatpeuh in hih anaui-a kilawh theih natnate ngah khin ahihkeileh ngah ding cih muanmawhna a neih aleh man kila lo a kikepna’ kumpi cidam nading vanzat nasepnate ah panpihna kingen theih hi.
- Thokaang natna (Yellow fever)
- Ebola natna (Ebola)
- Sungkhawh natna
- Thokaang natna (Ngiatphia)
- Gim/puul natna (Plague)
- Taifaih natna (Typhoid)
- T.B natna (A na ciil lamte tawh kisai)
- Cisa leh sagaap natna kithuah husap natna tuamtuamte (Influenza variants)
- Zeng natna, thagui si (Polio)
Hih MoH circular, kilawh theih natnate na kikepnop aleh kumpi cidamna lam vanzatnate mun ah man pia loin huhna kingen theih hi.
- Napangte’ zeng nat zatui kisutna
Gaaltaai leh gambeel-asiau naupang kum 7 leh a nuaisia in Hexaxim zatui-gawm (6-in-1) natdaal zatui pen minkhumna leh zatuisutna mante piak kuul loin kumpi lam cidam vanzat nasepte ah a khawnkhongin kikem thei hi. Hexazim natdaal zatui in thazawtna, liamna pan guluutna, pertussis natna, sin natna B, pumpi thazawt natna leh Haemophilus husap-sagap natna B (Hib) nam pan akilawh natnate pan naupangte daal hi. Kumpi lam cidam vanzat nasepnate ah MoH circular lakin Hexaxim natdaal zatui amawkna kingen theih hi.
Malaysia ah Nau Suakna
Nau suakna ah UNHCR in sumlam tawh kisai panpihna pia zo lo uh hi. Ataangpi naupaaina in naupaai nupi khat ading UNHCR minkhum nading ah khukin mawh puak thei nading cidamna lam hi lo hi. Hih in gaaltaaite leh gambeel-asiaute in nau suak ding kilamen in ahih hangin UNHCR minkhumna a ngah nai kei leh kumpi lam cidam vanzat nasepnate ah naukepna leh nau suak kikepna ding gamdangmi piak zah abit in kiging khol ding kisam cihna ahi hi. Kumpi zatopite ah piak ding vekpi ahileh damlona tuamtuam tungah kinga dinga, anuai-a in zah tuat manzahte ahi hi:
Hiteng pen zah tuatnate hi cih hehpihna tawh hong theihsak unla, kumpi zatopite pan abei zah ding khensatna nunung pen hi nai lo hi.
Lauhauina sangpi leh buaihuaina a neih naupaaite ading, cidamna lam a saite kiangah ahun zui-a va ki sitsak ding thupi mahmah hi. Lauhauina sangpi leh buaihuaina a neih naupaai gaaltaaite leh gambeel-asiaute in maailam ngaihsut khensat nading ah NGO zatoneute va hawh in, a tunga kizopna pan sumlam panpihna a neng a tawng in MRA ki dongh theih hi.
Gaaltaaite leh gambeel-asiaute in NGO zatoneute ah naukham sep nading vaite kikan thei hi. Nausuak kikepzia ding zong Quailitas Medical Group Antenatal zatoneute ahi gaaltaaite leh gambel-asiaute kiangah kilak thei a, Antenatal Screening Packagte in hong khiam hi.
Nau na suak khit ciang asuak na nau a thu a late pen koi bangin khum ding cih leh UNHCR na file sungah guang ding cih Na Nau Minkhumna (Registering your Child) ah kan in.
Cidamna Tawh Kisai Muhtheih Nate
Webinar T.B natna
Webinar Cidam Nasepziate